IOSUA 8:28 - Buka Helaga (Hiri Motu) 1993

²⁸ Iosua ese Ai hanua ia gabua ore bona ia hadikaia ore. Bona unai bamona ia noho ia mai bona hari.

IOSUA 8:28 Iomraidhean Croise

2 KING TAUDIA 19:25

“Oi kamonai lasi, a, lau ese idaunegai inai dala lau karaia hegaegae? Harihari lau havaraia noho karadia be, idau negai lau laloa, lau gwau, ‘Oi ese hanua mai magu danu, be nadi haboua gabudia do oi halaoa.’

ISAIA 17:1

Lohiabada ia gwau, “Damaseko be do ia dika, hanua badana do ia noho lasi. Nadi haboua gabuna, bona nadi kavakava gabuna do ia lao.

ISAIA 25:2

Oi ese hanua badadia oi hadikaia ore. Edia magu ibounai oi hamakohia ore. Unai idau bese taudia edia king edia ruma be idia boio vadaeni. Do idia haginidia lou lasi ela bona hanaihanai.

IEREMIA 49:2

Kamonai! Dina do idia mai noho, lau Lohiabada ese haida do lau hagoadaia, vadaeni tuari kibi do idia hiriria, Raba, Amono taudia edia hanua, do idia hadikaia ore. Raba be momoru haboua gabuna do idia halaoa, bona iena hanua maragidia, be lahi dekena amo do idia gabua. Vadaeni Israela taudia idia luludia taudia, be Israela taudia ese do idia luludia. Lau inai Lohiabada lau hereva noho.

IEREMIA 50:26

“Kahana kahana ibounai dekena amo, do umui tuari henia! Iena uiti haboua rumadia do umui hamakohia, bona kehoa. Umui abia kohu do umui haboua bada, uiti haboua noho bamona. Babulonia do umui hadikaia ore momokani. Iena taudia ibounai do umui alaia ore, ta do ia mauri noho lasi.

IEREMIA 9:11

Lohiabada ia gwau, “Lau ese Ierusalema do lau hadikaia momokani. Ia be uda sisia idia noho gabuna do ia lao. Iuda ena hanua be do lau hadikadia ore, tano kaukau idia do lau halaoa. Unai gabudia dekenai tau ta do ia noho lasi.”

MIKA 3:12

Unai dainai umui lohia taudia, bona hahelagaia taudia, bona peroveta taudia, umui emui kerere dainai, Dirava ese Ierusalema do ia hadikaia ore. Ierusalema ena ruma bona kohu be momoru haboua gabuna do idia lao. Bona Siona be idia geia tano kavakava bamona do ia lao. Unai ororo, Dubu Helaga ia noho gabuna, be uda ese do ia koua ore.

DEUTERONOMI 13:16

Unai hanua taudia edia kohu be hanua ena ariara dekenai do umui haboua, bona unai gabu dekenai kohu ibounai do umui gabua ore. Hanua mai ena gau ibounai danu do umui gabua ore, ia be gabua ore boubouna, Lohiabada, emui Dirava, ena. Unai hanua umui gabua ore gabuna be do umui rakatania, do umui haginia lou lasi.

DEUTERONOMI 13:17

“Inai hanua, mai ena gaudia, Lohiabada dekenai umui gabua gaudia ta do umui abia lasi, emui. Unai neganai Lohiabada ena badu ena siahu be do ia keruma, bona umui dekenai do ia bogahisihisi. Ia ese mai bogahisihisi danu umui do ia hanamoa, natuna momo umui dekenai do ia henia, emui sene taudia dekenai ia gwauhamata hegeregerena.

IOSUA 4:9

To Iosua danu ese ma nadi 12 ia abia, Ioridane Sinavai ena huana dekenai ia haginidia. Ia haginidia gabuna be hahelagaia taudia, Taravatu Maua idia huaia taudia, idia gini gabuna. Unai nadi be do noho, ia mai bona hari dina.

IOSUA 8:29

Bona Iosua ese Ai ena king ia alaia mase, au ta dekenai ia taua dae ela bona adorahi. Dina ia diho neganai, Iosua ese ia oda dainai iena tau haida ese mase tauna be au dekena amo idia abia diho, bona hanua ena magu iduara ena vairana dekenai idia atoa. Vadaeni unai tauanina ena latanai nadi momo idia haboua, bona unai nadi be unuseni idia do noho ia mai bona hari dina.