IOSUA 8:20 - Buka Helaga (Hiri Motu) 1993

²⁰ Ai taudia ese edia matana idia negea, edia hanua dekena amo be lahi ena kwalahu ia daekau guba dekenai idia itaia. Edia heau dalana ta be lasi, badina be tano kaukau idia heau noho Israela taudia be hari idia giroa mai lou, Ai taudia do idia tuari henia totona.

IOSUA 8:20 Iomraidhean Croise

GENESE 19:28

Iena matana ia negea diho, Sodoma bona Gomora, bona tano palaka ibounai ia itaia, unai tano ibounai dekena amo kwalahu ia daekau noho, amu badana ena kwalahu bamona.

IOBU 11:20

To kara dika taudia do idia gari bada, edia heau mauri dalana ta do idia davaria lasi. Gau tamona sibona do idia naria, mase.”

SALAMO 76:5

Goada taudia ese edia tuari dekena amo idia abia kohu, be haida ese idia abia, bona unai goada taudia, be mase ena mahuta ese ia abidia vadaeni. Idia edia siahu be anina lasi, bona edia goada be ia ore vadaeni.

ISAIA 34:10

Hanuaboi lalonai bona dina lalonai, inai lahi do idia bodo lasi. Kwalahu do ia daekau noho hanaihanai. Unai tano be do ia kaukau lao, ela bona nega ibounai. Nadi kavakava tano sibona do ia lao, bona tau ta ese, unai tano do ia raka hanaia lasi ela bona hanaihanai.

IOSUA 8:19

Iosua ese iena imana ia abia isi neganai, unai idia hunia noho taudia be idia toreisi haraga, hanua dekenai idia heau lao, hanua lalonai idia heau vareai, idia abia momokani. Vadaeni nega tamona hanua be lahi dekenai idia gabua.

IOSUA 8:21

Iosua bona Israela tuari taudia idia itaia, idia hunia noho tuari taudia ese hanua idia abia vadaeni, bona hanua idia gabua ena kwalahu ia daekau. Unai neganai idia giroa mai lou, bona idia ese Ai taudia idia halusia.

APOKALUPO 18:9

Tanobada ena king taudia be Babulonia danu matabodaga bona lebulebu idia karaia hebou. Vadaeni Babulonia hanua be Dirava ese ia araia, bona unai lahi ena kwalahu idia itaia neganai, unai king taudia be do idia taitai bada.

APOKALUPO 19:3

Idia boiboi lou, idia gwau, “Aleluia! Dirava ita hanamoa! Unai hanua badana ia araia lahi ena kwalahu, be ia daekau lao noho hanaihanai.”

GUNALAIA TAUDIA 20:38

Israela taudia edia orea badana bona hanua idia hagegea orea taudia be guna idia laloa tamona, toa ta do idia hedinaraia. Toa be inai: Lahi ena kwalahu, ori bamona, be hanua dekena amo do ia daekau neganai,

GUNALAIA TAUDIA 20:40

To unai neganai unai toa, lahi ena kwalahu, ia daekau hamatamaia. Vadaeni Beniamina taudia idia giroa, unai kwalahu, hanua ena gabu ibounai dekena amo, guba dekenai ia daekau idia itaia, idia hoa bada.

GUNALAIA TAUDIA 20:41

Unai neganai Israela taudia be idia gini, bona idia giroa. Vadaeni Beniamina taudia idia gari bada herea, badina idia diba edia moru be kahirakahira.