IOSUA 8:2 - Buka Helaga (Hiri Motu) 1993

² “Umui ese Ieriko dekenai bona Ieriko ena king dekenai umui karaia hegeregerena be Ai hanua bona Ai ena king dekenai danu do umui karaia. To inai neganai Ai ena kohu bona iena ubua gaudia do umui abia diba, emui. Hunia dekenai Ai hanua ena murina kahanai do umui naria noho, bona do umui tuari henidia neganai do idia hoa.”

IOSUA 8:2 Iomraidhean Croise

2 SIVARAI 13:13

To Ieroboama ese iena tuari taudia orea ta hunia dekenai ia siaia, Iuda taudia edia murina kahana do idia lao, vadaeni Iuda taudia edia vairana kahanai be tuari orea ia noho, bona edia murina kahana danu be unai tuari orea hunia taudia idia noho.

2 SIVARAI 20:22

Idia ese Lohiabada hanamoa ane idia abia hamatamaia neganai, Lohiabada ese Amono bona Moaba bona Edoma taudia, Iuda dekenai idia tuari henia noho taudia, ia hagaridia dikadika, vadaeni ia halusidia.

SALAMO 39:6

Taunimanima idia loaloa noho, dina ena laulau sibona bamona. Edia hekwarahi bona edia gaukara be anina lasi. Idia ese kohu idia haboua, to idia diba lasi taudia ese unai kohu do idia abia.

AONEGA HEREVADIA 13:22

Tau namona be ia mase neganai, ia ese iena kohu be iena tubuna dekenai ia henia, to kara dika taudia edia kohu bona moni, be kara maoromaoro taudia ese do idia abia.

AONEGA HEREVADIA 28:20

Kara maoromaoro tauna ese, gau namodia momo do ia davaria, to bema kohu momo oi tahua haraga haraga, oi ese matakani do oi davaria.

IEREMIA 17:11

Kara koikoi dekena amo, moni ia haboua noho tauna, be manu ta bamona, ia ese ia havaraia lasi gatoi be ia haboua noho. Unai tau be do buruka lasi neganai, iena kohu bona moni do idia boio, bona iena mauri dokona dekenai, ia be kavakava tauna do ia lao.

IEREMIA 51:12

Pepe ta do umui haginia, Babulonia hanua badana ena magudia edia vairanai, do umui tuari henia totona. Gima taudia do umui hagoadaia, gima taudia edia gini gabudia ta ta dekenai do umui atodia. Hunia dekenai idia naria noho tuari taudia danu, be do umui atodia hegaegae!” Badina be Lohiabada ese, guna ia gwauraia do ia karaia gauna, be hari Babulonia taudia dekenai ia karaia noho inai.

DEUTERONOMI 2:35

To ita ese tuari dekenai ita abia kohu, bona boromakau ita abia lao.

DEUTERONOMI 20:14

To hahine, mai edia natudia do umui abia mauri, bona boromakau bona hanua rumadia mai edia kohu danu do umui abia, emui. Umui idia tuari henia taudia edia kohu, Lohiabada emui Dirava ese umui dekenai ia henia gaudia do umui abia, mai moale danu.

DEUTERONOMI 3:2

To Lohiabada ese lau ia hamaoroa, ia gwau, ‘Oga dekenai do umui gari lasi. Lau ese ia bona iena tuari taudia ibounai emui siahu henunai do lau atoa. Sihona, Amoro edia king, Hesebona dekenai ia noho tauna dekenai umui karaia hegeregerena, be Oga dekenai danu do umui karaia.’

IOSUA 10:1

Adoni Sedeka, Ierusalema ena king ese Iosua ena sivarai ia kamonai, Iosua ese Ai hanua ia hadikaia ore, bona iena king ia alaia, Ieriko bona ena king dekenai ia karaia hegeregerena. Adoni Sedeka danu ia kamonai Gibeona taudia be Israela taudia danu maino idia karaia, bona idia danu idia noho hebou.

IOSUA 10:28

Unai dina dekenai Iosua ese Makeda hanua ia abia, hanua ena king danu ia abia mauri. Hanua dekenai noho taudia ibounai be idia alaia mase, ta ia mauri lasi. Ieriko ena king dekenai ia karaia hegeregerena, be Iosua ese Makeda ena king dekenai danu ia karaia.

IOSUA 11:14

Unai hanua edia kohu be Israela taudia ese idia abia, edia kohu, bona unai hanua edia boromakau danu. To unai hanua edia taunimanima ibounai be Israela taudia ese idia alaia ore, ta ia mauri lasi.

IOSUA 6:21

Hanua ibounai idia hadikaia ore, tatau bona hahine, memero bona buruka, boromakau, mamoe bona doniki, ibounai be tuari kaia dekena amo idia alaia mase.

IOSUA 8:12

To Iosua ese tatau 5000 ia abia, hunia noho totona gabuna ta dekenai ia siaidia, Betele hanua bona Ai hanua edia huanai, Ai hanua ena dina diho kahanai.

IOSUA 8:14

Ai hanua ena king ese Iosua ena tuari taudia ia itaia neganai, ia bona iena hanua taudia ibounai be daba maragi neganai idia toreisi haraga, hanua dekena amo idia raka lao, Israela taudia do idia tuari henia totona. Idia tuari gwauraia gabuna be Arabaha ena tano palaka. To king ia diba lasi Israela taudia orea ta be hanua ena murinai idia hunia noho.

IOSUA 8:19

Iosua ese iena imana ia abia isi neganai, unai idia hunia noho taudia be idia toreisi haraga, hanua dekenai idia heau lao, hanua lalonai idia heau vareai, idia abia momokani. Vadaeni nega tamona hanua be lahi dekenai idia gabua.

IOSUA 8:24

Israela taudia ese Ai taudia ibounai, unai tano kaukau dekenai idia lulua taudia, idia alaia ore momokani, ta ia mauri lasi. Unai neganai unai Israela taudia be Ai dekenai idia lao lou, idia ese hanua dekenai noho taudia ma idia alaia mase.

IOSUA 8:3

Unai dainai Iosua ia toreisi, iena tuari taudia ibounai danu, hanua tuari henia totona idia karaia hegaegae. Iena tuari taudia namodia bona goadadia ibounai 30,000 ia abia hidi, bona hanuaboi neganai ia siaidia.

IOSUA 8:7

“Unai neganai umui be do umui toreisi, emui hunia gabuna do umui rakatania, bona Ai hanua do umui abia, badina be, Lohiabada, emui Dirava, ese umui dekenai do ia henia.

IOSUA 8:8

“Hanua umui abia neganai, lahi dekenai do umui gabua, Lohiabada ese umui ia oda henia hegeregerena. Vadaeni, egu oda umui dekenai be unai.”

IOSUA 8:9

Vadaeni Iosua ese idia ia siaia, bona edia hunia gabuna dekenai idia lao. Unai gabu be Betele hanua bona Ai hanua edia huanai, Ai ena dina diho kahana dekenai. To Iosua be unai hanuaboi iena taudia danu kamepa dekenai idia noho.

IOSUA 9:3

To Gibeona taudia, Hivi bese taudia ese Iosua ena sivarai, Ieriko bona Ai hanua dekenai ia karaia gaudia idia kamonai neganai,