IOSUA 8:14 - Buka Helaga (Hiri Motu) 1993

¹⁴ Ai hanua ena king ese Iosua ena tuari taudia ia itaia neganai, ia bona iena hanua taudia ibounai be daba maragi neganai idia toreisi haraga, hanua dekena amo idia raka lao, Israela taudia do idia tuari henia totona. Idia tuari gwauraia gabuna be Arabaha ena tano palaka. To king ia diba lasi Israela taudia orea ta be hanua ena murinai idia hunia noho.

IOSUA 8:14 Iomraidhean Croise

HADIBAIA TAUNA 9:12

Ma danu, taunimanima be edia nega idia diba lasi. Gwarume be reke ese ia abidia haraga, bona manu be tarapu ese ia koudia haraga. Unai bamona danu, nega dika ese taunimanima ia abidia, idia diba lasi negana dekenai.

ISAIA 19:11

Soana hanua ena lohia taudia be kavakava, bona Farao ena aonega taudia ese, sisiba kavakava idia gwauraia. Edena bamona idia ta ta ese Farao idia hamaoroa, idia gwau, “Lau be aonega tauna ena natuna, lau be king gunana ena bese tauna?”

ISAIA 19:13

Soana bona Memepisi lohia taudia be kavakava. Idia be dagi bada taudia, bese gunalaia taudia, to idia ese Aigupito idia hakaua kerere vadaeni.

DANIELA 4:31

Unai hereva Nebukanesa ena uduna dekenai ia do gwauraia noho neganai, guba dekena amo hereva ta ia mai, ia gwau, “King Nebukanesa e, egu hereva be oi dekenai ia mai inai. Basileia be oi dekena amo ia kokia vadaeni.

MATAIO 24:39

Taunimanima ese idia laloa lasi dahaka do ia vara, idia kara dika noho, ia mai bona abata badana ia ginidae, vadaeni abata ranu ese ibounai ia abia lao. Taunimanima ena Natuna do ia mai neganai danu unai bamona do ia vara.

MATAIO 24:50

Unai hesiai tauna be ia laloa lasi dinana dekenai, bona hora ta ia diba lasi neganai, iena biaguna do ia ginidae.

DEUTERONOMI 1:1

Inai buka lalonai Mose ese Israela taudia ibounai ia haroro henidia. Ia haroro gabuna be taunimanima noho lasi tano, Ioridane Sinavai ena dina daekau kahana dekenai. Unai gabu be Araba, Supu kahirakahira. Kahana ta dekenai be Parana, ma kahana ta dekenai be Topele, Labana, Haseroto bona Disahaba.

IOSUA 8:13

Unai dainai tuari taudia ibounai be edia gabu dekenai idia noho, orea badana be hanua ena mirigini kahanai, to idia hunia noho orea be dina ia diho kahanai. To Iosua be unai hanuaboi neganai koura dekenai ia noho.

IOSUA 8:15

Iosua bona iena tuari taudia ese Ai taudia idia koia, Israela taudia be tano kaukau dekenai idia heau haraga, tuari idia lusi bamona.

IOSUA 8:16

Vadaeni Ai ena king ese iena hanua taudia ibounai ia boiria, do idia heau hebou, Iosua do idia lulua totona. Unai dainai idia ese hanua idia rakatania.

IOSUA 8:5

To lau bona egu tuari taudia danu be hanua kahirakahira do ai raka mai. Ai taudia be hanua dekena amo do idia mai, ai do idia tuari henia totona, bona ai be idia dekena amo do ai heau, guna ita karaia bamona.

2 PETERO 2:3

Edia mataganigani dainai, inai hadibaia koikoi taudia ese, sivarai koikoi dekena amo umui emui lalona do idia ania, vadaeni emui moni momo do idia abia kava. To nega daudau Dirava be ia naria hegaegae vadaeni, idia do ia kota henia totona, vadaeni idia be do idia moru momokani. Oibe, Dirava ese idia do ia hadikaia ore. Dirava be ia mahuta lasi, ia noga noho.

GUNALAIA TAUDIA 20:37

Unai neganai hanua kahirakahira idia hunia noho taudia be idia toreisi haraga, hanua dekenai idia heau, hanua lalonai idia vareai, bona hanua taudia ibounai idia alaia mase.