IOSUA 8:10 - Buka Helaga (Hiri Motu) 1993

¹⁰ Iosua be daba maragi ia lao, iena tuari taudia ia haboua, vadaeni ia bona Israela tau badadia ese Ai hanua dekenai tuari orea idia hakaua lao.

IOSUA 8:10 Iomraidhean Croise

GENESE 22:3

Kerukeru daba maragina dekenai, Aberahamo ese iena doniki ia abia hegaegae, iena natuna Isako bona iena hesiai taudia rua ia danu ia abia. Lahi boubou ena au ia siria, bona ia toreisi, Dirava ia hamaoroa gabuna dekenai ia raka hamatamaia.

SALAMO 119:60

Lau naria kava lasi, to karaharaga oiemu oda hereva lau kamonai henia.

IOSUA 3:1

Daba rere neganai, Iosua be ia toreisi, Sitima ia rakatania, Israela taudia ibounai be ia danu. Ioridane Sinavai ena ranu badina dekenai idia ginidae. Idia hanaia maoromaoro lasi, to idia kamepa guna.

IOSUA 6:12

Daba matana dekenai Iosua ia toreisi, bona hahelagaia taudia ese Taravatu Maua idia abia isi.

IOSUA 7:16

Kerukeru, daba maragi neganai, Iosua ia toreisi, Israela taudia, edia iduhu ta ta dekena amo Lohiabada ena vairanai ia mailaia, vadaeni Iuda iduhu ia abia hidi.

IOSUA 8:11

Vadaeni iena tuari taudia ibounai, Iosua danu idia lao taudia, be hanua magu ena iduara kahirakahira idia raka lao. Ai ena mirigini kahana dekenai idia kamepa. Edia kamepa bona Ai edia huanai be koura ta ia noho.

IOSUA 8:9

Vadaeni Iosua ese idia ia siaia, bona edia hunia gabuna dekenai idia lao. Unai gabu be Betele hanua bona Ai hanua edia huanai, Ai ena dina diho kahana dekenai. To Iosua be unai hanuaboi iena taudia danu kamepa dekenai idia noho.