IOSUA 8:1 - Buka Helaga (Hiri Motu) 1993

¹ Lohiabada ese Iosua ia hereva henia, ia gwau, “Do oi gari lasi, bona oiemu kudouna do ia manoka lasi. Tuari taudia ibounai do oi hakaua lao, bona Ai hanua do umui tuari henia. Lau ese Ai ena king dekena amo kwalimu umui dekenai do lau henia. Iena hanua bona iena tano be umui dekenai do lau henia.

IOSUA 8:1 Iomraidhean Croise

SALAMO 27:1

Lohiabada be lauegu diari, ma ia ese lau ia hamauria noho. Daika dekenai do lau gari? Lohiabada ese mase gaudia ibounai dekena amo, lau ia gimaia noho. Daika garina do lau gari?.

SALAMO 44:3

Aiemai tamadia, oiemu bese ese, edia tuari kaia dekena amo tano idia abia lasi, bona sibodia edia goada dekena amo tano idia abia lasi. To oiemu siahu bona oiemu goada dekena amo idia abia, bona oiemu vairana ena diari dekena amo idia abia. Badina be unai diari dekena amo, oiemu lalokau be idia dekenai oi hedinaraia namo herea.

SALAMO 46:11

Siahu Ibounai Dirava be ita dekenai ia noho. Iakobo ena Dirava be iseda heau mauri gabuna.

ISAIA 12:2

Momokani, Dirava be egu hamauria Tauna. Lau ese ia do lau abidadama henia, do lau gari lasi. Badina Iehova, Lohiabada, be egu goada, bona egu ane. Ia be egu hamauria Tauna.”

ISAIA 43:2

Ranu dobuna umui hanaia gwauraia neganai, lau be umui danu do lau noho. Umui emui laloa hekwarahi ese, umui do idia hadikaia ore lasi. Lahi umui hanaia gwauraia neganai, ena siahu ese umui do ia gabua lasi. Hisihisi aukadia umui dekenai idia mai ese, umui do idia hadikaia lasi.

IEREMIA 46:27

Lohiabada ma ia gwau, “Egu bese taudia e, do umui gari lasi, Israela taudia e, do umui gari bada lasi. Kamonai, lau ese gabu daudau dekena amo, umui do lau hamauria. Emui natudia, bona tubudia danu be mai guia danu, to idia noho tano dekena amo, idia do lau hamauria. Iakobo ena bese taudia, be edia tano korikori dekenai do idia giroa lou, bona maino dekenai do idia noho. Noho namo do idia davaria, bona tau ta ese idia do idia hagaria lasi.”

IEREMIA 49:3

Hesebona e, do oi tai, badina be Ai hanua idia hadikaia ore vadaeni. Raba taudia e, do umui tai mai boiboi danu. Puse dabua do umui kwatua, do umui taitai, mai kopina kakasia kara danu. Badina Milikoma dirava be do idia abia lao, tano idauna ta dekenai do idia atoa, do ia noho, mai iena hahelagaia taudia, bona lohia taudia danu.

DANIELA 2:21

Nega be ia ese ia biagua bona ia haidaua. Ia ese king ia atoa, bona king ia kokia. Aonega bona diba ia henia taunimanima dekenai.

DANIELA 4:25

Taunimanima edia noho gabuna dekena amo oi do idia lulua lao, bona do oi lao, uda boroma danu oi noho. Lagani 7 lalonai rei do oi ania, boromakau bamona, bona hanuaboi ena ranu ese oi do ia hapariparia, ela bona oi diba Ataiai Momokani Diravana be taunimanima edia basileia ia biagua noho, bona iena ura tauna dekenai siahu ia henia noho.

DANIELA 4:35

Inai tanobada besedia ibounai, be gau ta lasi bamona Dirava ena vairanai. Guba ena aneru orea ibounai, be iena siahu henunai idia noho, bona tanobada taudia danu be unai bamona. Tau ta ese Dirava ena kara ia koua diba lasi, o inai bamona ia hereva henia diba lasi, ‘Oi be dahaka oi karaia?’

MATAIO 8:26

Iesu ese ia gwau henidia, ia gwau, “Dahaka dainai umui gari, abidadama maragimaragi taudia?” Vadaeni ia toreisi, lai bona hurehure dekenai ia hereva goada. Vadaeni lai ia doko, bona hurehure idia diho, ia ore momokani.

DEUTERONOMI 1:21

Umui itaia, Lohiabada, emui Dirava, ese umui ia henia tano be unai. Do umui toreisi, unai tano do umui abia, badina Lohiabada, emui sene taudia edia Dirava ese inai bamona umui ia oda henia vadaeni. Do umui gari lasi, do umui daradara lasi.’

DEUTERONOMI 31:8

Lohiabada be oiemu vairana dekenai do ia lao, bona ia ese oi do ia bamoa. Ia ese oi do ia negea lasi, bona oi do ia rakatania lasi. Oiemu kudouna do ia manoka lasi, do oi gari lasi.”

DEUTERONOMI 7:18

To idia dekenai do umui gari lasi. Lohiabada, emui Dirava, ese Farao bona Aigupito taudia ibounai dekenai ia karaia gaudia do umui laloatao.

DEUTERONOMI 7:21

Do umui gari henidia lasi, badina be Lohiabada, emui Dirava, be umui dekenai ia noho. Ia be Dirava badana, taunimanima ibounai ese ia dekenai idia gari bada.

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 10:7

Unai dainai Iosua, mai ena tuari taudia ibounai, iena tuari diba momo taudia danu, be Gilegala dekena amo idia raka mai.

IOSUA 10:8

Lohiabada ese Iosua ia hamaoroa, ia gwau, “Idia dekenai do umui gari lasi, badina be kwalimu umui dekenai lau henia vadaeni, idia ta be umui emui vairana dekenai do ia gini diba lasi.”

IOSUA 2:24

Idia ese Iosua idia hamaoroa, idia gwau, “Momokani, Lohiabada ese unai tano ibounai ita dekenai ia henia vadaeni. Tano taudia ibounai be ita dainai idia gari bada herea noho.”

IOSUA 6:2

Vadaeni Lohiabada ese Iosua ia hamaoroa, ia gwau, “Kamonai, Ieriko hanua be oiemu imana dekenai lau atoa vadaeni, mai ena king bona mai ena tuari taudia danu.

IOSUA 7:9

Badina be Kanana taudia bona inai tano dekenai noho bese taudia ibounai ese inai sivarai do idia kamonai, vadaeni ai do idia koua hagegea, bona ai ibounai do idia alaia ore! Unai bamona do ia vara neganai, oiemu ladana namo herea be unai bese edia vairana dekenai edena bamona do ia namo noho?”