IOSUA 7:9 - Buka Helaga (Hiri Motu) 1993

⁹ Badina be Kanana taudia bona inai tano dekenai noho bese taudia ibounai ese inai sivarai do idia kamonai, vadaeni ai do idia koua hagegea, bona ai ibounai do idia alaia ore! Unai bamona do ia vara neganai, oiemu ladana namo herea be unai bese edia vairana dekenai edena bamona do ia namo noho?”

IOSUA 7:9 Iomraidhean Croise

SALAMO 115:1

Lohiabada e, oi dekenai hairai bada ia noho, momokani, oi dekenai hairai bada ia noho, ai dekenai be lasi. Badina oiemu lalokau bona bogahisihisi be bada, bona oiemu gwauhamata badinaia kara be momokani.

SALAMO 48:10

Dirava e, tanobada kahana ibounai dekenai noho taunimanima ese, oiemu ladana idia hanamoa noho. Oiemu sivarai, be gabu ibounai dekenai idia gwauraia loaloa noho. Mai maoromaoro danu oi ese taunimanima oi biagua noho.

SALAMO 79:9

Dirava e, mani ai do oi durua, ai do oi hamauria. Oiemu ladana ena hairaina dainai, ai do oi hamauria, bona aiemai kara dika do oi gwauatao.

SALAMO 83:4

Idia ese inai bamona idia hereva noho, idia gwau, “Umui mai, unai bese do ita hadikaia ore, vadaeni Israela ena ladana be, taunimanima ese do idia laloaboio ela bona hanaihanai.”

SALAMO 83:5

Idia ese mai laloa tamona edia palani idia karaia, bona oi hadikaia totona, idia ese ta ta ibounai dekenai gwauhamata idia henia.

ESODO 32:12

Dahaka namo do oi abia bema Aigupito taudia ese inai bamona do idia hereva, ‘Lohiabada ese dala dikana dekena amo iena bese taudia Aigupito dekena amo ia hakaudia. Ororo dekenai ia ese ia aladia, bona ia ura be idia do ia hadikaia ore momokani?’ Oiemu badu mani oi rakatania, bona oiemu orea taudia hadikaia ore laloa dekena amo mani do oi giroa.

ESEKIELA 20:9

To unai bamona lau karaia lasi, badina be inai: Unai kara ese egu ladana do ia hamiroa garina. Badina edia huanai idia noho taudia edia vairana dekenai, hereva ta lau hedinaraia guna vadaeni, gauna inai: Lau ese Israela taudia lau hamaoroa Aigupito dekena amo do lau hakaudia mai.

IOELA 2:17

Hahelagaia taudia ese, Lohiabada ena gaukara Dubu Helaga lalonai idia karaia noho, Dubu ena iduara bona boubou patana edia huanai, be inai bamona do idia guriguri namo, do idia gwau, “Lohiabada e, oiemu bese, be mani do oi bogahisihisi henia. Bema ai dekenai oi bogahisihisi lasi neganai, bese idauidau taudia ese, ai dekenai do idia kirikiri, do idia gwau, ‘Umui emui Dirava be edeseni ia noho?’ ”

MIKA 7:10

Guna ita idia tuari henia taudia ese ita dekenai idia hereva dika, idia gwau, “Lohiabada, emui Dirava be edeseni ia noho?” To gabeai idia itaia Lohiabada ese ita ia hamauria neganai, do idia hemarai momokani. Bona unai neganai do ita itaia, Lohiabada ese ita dekenai idia tuari henia taudia do ia moia diho, taunimanima ese dala ena kopukopu idia moia diho bamona.

NUMERA 14:13

Mose ese Lohiabada dekenai ia haere henia, ia gwau, “Oi ese oiemu siahu dekena amo, inai bese Aigupito dekena amo oi hakaua mai vadaeni.

IOANE 12:28

Egu Tamana e, oiemu ladana oi hanamoa!” Vadaeni gado ta guba dekena amo ia mai, ia gwau, “Lau hanamoa vadaeni, ma do lau hanamoa lou.”

DEUTERONOMI 9:28

Aigupito taudia ese oi do idia kirikirilaia garina, do idia gwau, ‘Lohiabada ena goada be hegeregere lasi, ia ese ia gwauhamata henidia tano do ia hakaudia vareai lasi.’ Bona do idia gwau, ‘Lohiabada ese iena bese ia badu henidia dainai, taunimanima noho lasi tano dekenai ia hakaudia, do ia aladia mase totona.’

IOSUA 7:10

Lohiabada ese Iosua dekenai ia hereva, ia gwau, “Oi toreisi! Badina dahaka tano dekenai oi hekure diho noho?

IOSUA 7:8

Lohiabada Dirava e, Israela taudia ese idia tuari henidia taudia dekena amo idia heau vadaeni, be edena bamona idia dekenai do lau hereva henia?

1 SAMUELA 12:22

“Lohiabada ese gwauhamata metauna ia karaia vadaeni, ia ese umui do ia rakatania lasi, badina ia ura umui be iena bese korikori umui do ia halaoa.