IOSUA 7:8 - Buka Helaga (Hiri Motu) 1993

⁸ Lohiabada Dirava e, Israela taudia ese idia tuari henidia taudia dekena amo idia heau vadaeni, be edena bamona idia dekenai do lau hereva henia?

IOSUA 7:8 Iomraidhean Croise

ESERA 9:10

“To harihari, aiemai Dirava e, inai kara idia vara murinai, edena bamona oi dekenai do ai hereva diba? Badina be oiemu oda be ai negea lou vadaeni.

SALAMO 44:10

Oi ese ai idia tuari henia taudia oi koua lasi, vadaeni idia ese ai idia lulua lao, bona idia ese aiemai kohu idia abia, edia ura hegeregerena.

SALAMO 89:43

Oi ese king ena tuari kaia oi hadikaia, ia be matana lasi, bona iena tuari taudia dekenai goada oi henidia lasi.

HABAKUKU 2:1

Lau ese Lohiabada dekenai lau maumau henia hereva lau haorea neganai, lau ura iena haere lau naria. Unai dainai lau ese tuari taudia edia gima kohoro dekenai lau daekau, unuseni lau naria.

IOSUA 7:7

Bona Iosua ese Lohiabada dekenai ia boiboi, ia gwau, “Lohiabada Dirava e! Badina dahaka Ioridane Sinavai dekena amo oi ese ai oi hakaua hanaia? Amoro taudia edia siahu henunai ai do oi atoa, a? Vadaeni idia ese ai do idia hadikaia ore, a? Ioridane Sinavai unai kahana dekenai bema ai noho be namo, ani?

IOSUA 7:9

Badina be Kanana taudia bona inai tano dekenai noho bese taudia ibounai ese inai sivarai do idia kamonai, vadaeni ai do idia koua hagegea, bona ai ibounai do idia alaia ore! Unai bamona do ia vara neganai, oiemu ladana namo herea be unai bese edia vairana dekenai edena bamona do ia namo noho?”

1 SAMUELA 4:3

Israela tuari taudia be kamepa dekenai idia ginidae neganai Israela taubadadia ese idia dekenai idia nanadaia, idia gwau, “Dahaka dainai hari dina dekenai Lohiabada ese ita ia durua lasi, vadaeni Pilistia taudia idia kwalimu? Namona be Lohiabada ena Taravatu Maua do ita abia, Silo dekena amo do ita mailaia iniseni. Vadaeni ia be ita huana dekenai do ia mai, bona ita idia tuari henia taudia dekena amo ia ese ita do ia hamauria.”