IOSUA 7:6 - Buka Helaga (Hiri Motu) 1993

⁶ Vadaeni Iosua bona Israela tau badadia ese edia dabua idia darea, bona tano dekenai edia vairadia idia atoa, Lohiabada ena Taravatu Maua ena vairanai, ela bona dina ia diho. Kahu danu edia imana dekenai idia abia, bona mai lalohisihisi danu edia kwarana dekenai idia bubua.

IOSUA 7:6 Iomraidhean Croise

GENESE 37:29

Rubena ia giroa lou guri dekenai, to Iosepa be ia noho lasi. Vadaeni iena dabua ia darea, iena lalohisihisi toana unai.

GENESE 37:34

Vadaeni Iakobo ese iena dabua ia darea, dabua korema ia kwatua, iena lalohisihisi toana unai. Iena natuna totona dina bona hanuaboi ia taitai ia lao dina momo.

2 SAMUELA 1:11

Vadaeni Davida ese sibona iena dabua ia abia, ia darea, bona ia danu idia noho taudia unai bamona idia karaia.

2 SAMUELA 1:12

Idia lalohisihisi bona idia taitai, bona idia aniani lasi, ela bona dina ia diho. Inai bamona idia karaia, Saulo bona iena natuna Ionatana, bona Lohiabada ena tuari taudia, bona Israela ena bese taudia dainai. Badina be unai taudia be tuari kaia dekena amo idia mase.

2 SAMUELA 1:2

Dina ihatoina dekenai tau ta be Saulo ena kamepa dekena amo ia mai, iena dabua be ia darea, bona kahu be iena kwarana ena latanai ia atoa. Ia be Davida dekenai ia ginidae, vadaeni ia tui diho Davida ena vairanai.

2 SAMUELA 12:16

Davida ese Dirava ia noia, iena natuna dainai. Davida be ia aniani lasi, to ia be iena daiutu lalonai ia raka vareai, bona hanuaboi lalonai tano sibona dekenai ia hekure.

2 SAMUELA 13:19

To Aminona ese ia lulua lao neganai, Tamara ese lahi ena kahu be iena kwarana dekenai ia atoa, bona unai ia karaia noho dabua namona ia darea, ma iena imana be iena kwarana dekenai ia atoa, bona mai tai danu ia raka lao. Iena tai be mai boiboi bada danu.

2 SAMUELA 13:31

King Davida ia toreisi, iena dabua ia darea, bona tano dekenai iena vairana ia atoa diho. Iena hesiai taudia, unai gabu dekenai idia gini noho taudia danu ese edia dabua idia darea.

2 KING TAUDIA 22:11

King Iosaia ese Taravatu Buka ena hereva ia kamonai neganai, ia ese gari dainai iena dabua ia darea.

2 SIVARAI 34:19

King Iosaia ese Taravatu Buka ena hereva ia kamonai neganai, ia ese gari dainai iena dabua ia darea.

ESERA 10:1

Esera be Dubu Helaga ena vairanai ia guriguri, bona mai tai danu inai kara dika ia gwauraia hedinarai neganai, Israela taudia momo herea, tau, hahine bona natudia danu be ia dekenai idia hebou. Idia tai dikadika noho.

NEHEMIA 9:1

Unai hua ena dina namba 24 Israela taudia idia hebou, aniani idia ania lasi, bona puse dabua idia karaia, edia kara dika dainai, edia lalohisihisi idia hedinaraia totona.

ESETA 4:1

Unai kara ibounai be Morodekai ia diba neganai, ia ese mai lalohisihisi danu iena dabua ia darea, puse dabua ia karaia, bona lahi ena kahu be iena kwarana dekenai ia atoa. Vadaeni hanua ena huanai ia raka lao, bona mai boiboi danu ia tai bada.

ESETA 4:3

Bona king ena basileia gabudia ibounai dekenai, king ena oda hereva idia gwauraia hedinarai gabudia ibounai edia lalonai, Iuda taudia be idia tai noho, tai noho, idia aniani lasi, bona mai boiboi danu idia tai. Bona idia momo herea be puse dabua idia karaia, bona lahi ena kahu ena latanai idia hekure diho noho.

IOBU 1:20

Vadaeni Iobu be ia toreisi, lalohisihisi dainai iena dabua ia darea, bona iena kwarana huina ia utua. Tano dekenai ia moru diho, iena vairana be tano dekenai ia atoa, Dirava dekenai ia tomadiho.

IOBU 2:12

Idia be do daudau dekenai idia noho neganai Iobu idia itaia, to gorere dainai iena toana be ia idau. Idia diba unai be Iobu neganai, idia tai mai boiboi bada danu, bona edia lahohisihisi hedinaraia totona, edia dabua idia darea, bona kahu idia negea daekau, unai kahu be edia kwarana latanai ia moru.

IOBU 42:6

Unai dainai egu hereva gaudia ibounai dainai, lau be lau hemarai, bona harihari tano kahu, bona lahi kahu danu dekenai, lauegu lalona lau giroa momokani inai.”

LALOHISIHISI 2:10

Ierusalema ena tau badadia, be mai regerege lasi tano dekenai idia helai diho, tano kahu be edia kwaradia dekenai idia negea vadaeni, bona puse dabua idia karaia vadaeni. Ierusalema ena kekeni badadia ese, hemarai dainai tano dekenai edia kwaradia idia atoa noho.

NUMERA 14:6

Bona Iosua Nunu bona Kaleba Iepune, hasinadoa taudia rua ese lalohisihisi dainai edia dabua idia darea.

NUMERA 16:22

To Mose bona Arona be tano dekenai edia vairana idia atoa diho, idia boiboi, idia gwau, “Dirava e, Dirava e, oi be taunimanima ibounai edia laumadia edia Dirava, tau tamona do ia kara dika neganai, inai hebou taudia ibounai do oi badu henia, a?”

NUMERA 16:45

“Inai hebou taudia dekena amo do umui raka siri, lau ese idia do lau hadikaia ore.” Vadaeni Mose bona Arona be idia moru diho, tano dekenai edia vairana idia atoa.

APOSETOLO EDIA KARA 14:14

To aposetolo ruaosi, Paulo bona Banaba ese idia kamonai, bona edia dabua idia darea, taunimanima edia huanai idia heau lao, idia boiboi, idia gwau,

IOSUA 7:7

Bona Iosua ese Lohiabada dekenai ia boiboi, ia gwau, “Lohiabada Dirava e! Badina dahaka Ioridane Sinavai dekena amo oi ese ai oi hakaua hanaia? Amoro taudia edia siahu henunai ai do oi atoa, a? Vadaeni idia ese ai do idia hadikaia ore, a? Ioridane Sinavai unai kahana dekenai bema ai noho be namo, ani?

APOKALUPO 18:19

Vadaeni tano ena kahu be edia kwarana dekenai idia negea, idia tai, idia tai mai boiboi bada danu, idia gwau, “Hanua badana madi o, madi o! Iena kohu momo dekena amo, bouti badadia taudia ese edia moni bada idia davaria, to hora tamona lalonai, iena kohu ibounai idia boio vadaeni!

GUNALAIA TAUDIA 11:35

Iepeta ese iena natuna kekeni ia itaia neganai, mai lalohisihisi danu iena dabua ia darea. Ia gwau, “Egu natuna o, madi, lau be dika, egu kudouna oi makohia inai. Oi dainai egu lalohisihisi be bada herea! Badina be Lohiabada dekenai gwauhamata lau karaia vadaeni, lau makohia diba lasi gauna.”

GUNALAIA TAUDIA 20:23

Israela taudia be tomadiho gabuna dekenai idia lao, bona unai hanuaboi Lohiabada ena vairanai idia tai. Idia ese Lohiabada idia nanadaia, idia gwau, “Aiemai varavara Beniamina taudia do ai tuari henia lou, o lasi?” Lohiabada ia haere, ia gwau, “Do umui tuari henidia.”

GUNALAIA TAUDIA 20:26

Vadaeni Israela taudia, tuari taudia ibounai be Betele hanua dekenai idia lao, mase taudia totona idia taitai. Israela taudia ese Lohiabada ena vairanai idia helai, aniani idia ania lasi, bona ranu idia inua lasi ela bona dina ia diho. Ma danu maino karaia bouboudia, bona gabua bouboudia Lohiabada ena vairanai idia karaia.

GUNALAIA TAUDIA 21:2

Vadaeni hari Israela taudia be Betele dekenai idia lao, Dirava ena vairanai idia helai ela bona dina ia diho, idia tai bada herea.

1 SAMUELA 4:12

Beniamina iduhu tauna ta be tuari gabuna dekena amo ia heau lao, bona unai dina dekenai Silo dekenai ia ginidae. Iena dabua be idia darea, bona tano ena kahu be iena kwarana dekenai.