IOSUA 7:26 - Buka Helaga (Hiri Motu) 1993

²⁶ Akana ena latanai be nadi momo idia haboua, bona unai nadi idia do noho ia mai bona hari dina. Unai dainai unai gabu ena ladana idia atoa, Kerere Kourana. Unai murinai Lohiabada ena badu be ma ia keru lou.

IOSUA 7:26 Iomraidhean Croise

2 SAMUELA 18:17

Vadaeni idia ese Abesaloma idia abia, guri badana ta lalonai idia negea diho, uda lalonai, bona nadi momo herea Abesaloma ena tauanina latanai idia haboua. Unai murinai Israela taudia ibounai idia heau, ta ta edia ruma ta ta dekenai idia lao.

2 SAMUELA 21:14

Vadaeni Saulo bona iena natuna Ionatana edia turiana be Sela hanua, Beniamina tano dekenai idia guria, edia tamana Kisa ena guria gabuna dekenai. Idia ese king Davida ena oda ibounai hegeregerena idia karaia. Bona unai murinai Dirava ese edia noinoi, tano do ia durua totona noinoi, ia kamonai henia.

2 SIVARAI 29:10

“Harihari lau ura ita ese Lohiabada, Israela ena Dirava danu do ita maino karaia, iena badu mai siahu bada danu, ita dekena amo do ia kokia totona.

ESERA 10:14

Namona be, aiemai lohia taudia be Ierusalema dekenai do idia noho, bona inai hebou ena gaukara ibounai do idia karaia. Hanua ta ta ibounai dekenai, idau bese hahine idia adavaia taudia ta ta be, edia nega, edia nega dekenai inai lohia taudia edia vairana dekenai do idia mai, edia hanua tau badadia, bona hanua kota biagudia idia danu. Inai bamona do idia karaia, ela bona iseda Dirava ena badu mai siahu danu, inai kara dainai, be ita dekena amo do ia ore.”

SALAMO 85:4

Dirava e, aiemai Hamauria Tauna, mani emu kara ai do oi haginia lou, bona mani do oi badu lou lasi ai dekenai.

ESODO 32:12

Dahaka namo do oi abia bema Aigupito taudia ese inai bamona do idia hereva, ‘Lohiabada ese dala dikana dekena amo iena bese taudia Aigupito dekena amo ia hakaudia. Ororo dekenai ia ese ia aladia, bona ia ura be idia do ia hadikaia ore momokani?’ Oiemu badu mani oi rakatania, bona oiemu orea taudia hadikaia ore laloa dekena amo mani do oi giroa.

ISAIA 40:2

Ierusalema dekenai idia noho taudia dekenai, do oi hereva namo henidia. Idia do oi hamaoroa, edia hisihisi bona hekwarahi be ia ore, bona edia kara dika, be lau ese lau gwauatao inai. Edia kara dika ena davana, be lau ese lau henia momokani vadaeni.”

ISAIA 65:10

Idia ese lau do idia tomadiho henia, bona mamoe orea momo, be Sarona tano dekenai do idia hakaua loaloa. Bona Akoro Koura lalonai, boromakau orea momo ese rei do idia ania. Inai mamoe bona boromakau, be egu bese taudia, lau idia tahua noho taudia, edia.

LALOHISIHISI 3:53

Idia ese guri badana lalonai lau idia negea diho, bona nadi momo be egu latanai idia negea.

HOSEA 2:15

Lau ese iena vain uma do lau henia lou, bona Hekwarahi ena Koura be lau ese do lau senisia, vadaeni nega namona naria laloa ena gabu do lau halaoa. Inai gabu dekenai, ia ese lau do ia ura henia, guna ia be kekeni neganai bamona, Aigupito dekena amo ia mai neganai.

HOSEA 2:17

Bona lau ese do lau taravatua, ia ese Bala ena ladana do ia gwauraia lou lasi. Lasi momokani.

IOELA 2:13

Emui lalohisihisi hedinaraia totona, dabua umui darea be hegeregere lasi momokani! Emui kudouna do umui makohia, emui lalohisihisi toana hedinaraia totona!” Lohiabada, emui Dirava dekenai do umui giroa mai. Ia be mai ena bogahisihisi bada, bona ia be mai ena hariharibada. Ia be badu haraga lasi, bona ia ese iena gwauhamata, be nega ibounai ia badinaia noho. Ia be nega ibounai ia noho hegaegae, emui dika do ia gwauatao totona. Ia ura lasi emui dika ena davana, be umui dekenai do ia henia.

IOELA 2:18

Vadaeni Lohiabada ese iena lalona do ia giroa, bona iena tano dekenai do ia laloa momo, bona ia ese iena bese taudia dekenai do ia bogahisihisi henia.

IONA 1:15

Vadaeni lagatoi taudia ese Iona idia abia isi, davara dekenai idia negea diho, bona nega tamona davara ena hurehure bada idia doko.

SEKARAIA 6:8

Unai neganai aneru ese lau ia boiboi henia, ia gwau, “Oi itaia, mirigini kahana, Babulonia dekenai idia heau noho hosi bona kariota, ese Lohiabada ena badu unai gabu dekenai idia hakerua vadaeni.”

NUMERA 25:8

bona unai tau bona hahine edia murinai ia raka, palai ruma lalonai ia raka vareai. Unuseni ia ese idia ruaosi ia gwadaia mase, tau bona hahine danu, nega tamona. Unai kara dainai, hanaia gorere dikana be Israela dekenai ia doko.

DEUTERONOMI 13:17

“Inai hanua, mai ena gaudia, Lohiabada dekenai umui gabua gaudia ta do umui abia lasi, emui. Unai neganai Lohiabada ena badu ena siahu be do ia keruma, bona umui dekenai do ia bogahisihisi. Ia ese mai bogahisihisi danu umui do ia hanamoa, natuna momo umui dekenai do ia henia, emui sene taudia dekenai ia gwauhamata hegeregerena.

DEUTERONOMI 13:18

Lohiabada ese inai bamona do ia karaia, bema umui ese iena oda ibounai, hari dina lau henia gaudia umui kamonai henia, bona kara maoromaoro be Lohiabada, emui Dirava, ena vairana dekenai bema umui karaia neganai.”

IOSUA 10:27

Dina ia diho neganai Iosua ese ia oda, bona king edia tauanina be au dekena amo idia abia diho, bona guna idia hunia noho kohua lalonai ma idia negedia vareai lou. Kohua ena iduara dekenai nadi badadia idia haboua, bona unuseni idia noho ia mai bona hari dina.

IOSUA 7:24

Unai neganai Iosua bona Israela taudia ibounai ese Akana Sera idia abia, siliva bona kouti dabua bona golo danu, bona Akana ena natuna memero bona natuna kekeni, iena boromakau, iena doniki, iena mamoe, iena palai ruma, bona ia ese ia biagua gaudia ibounai. Inai ibounai be Kerere Koura dekenai idia abia lao.

IOSUA 8:29

Bona Iosua ese Ai ena king ia alaia mase, au ta dekenai ia taua dae ela bona adorahi. Dina ia diho neganai, Iosua ese ia oda dainai iena tau haida ese mase tauna be au dekena amo idia abia diho, bona hanua ena magu iduara ena vairana dekenai idia atoa. Vadaeni unai tauanina ena latanai nadi momo idia haboua, bona unai nadi be unuseni idia do noho ia mai bona hari dina.