IOSUA 7:25 - Buka Helaga (Hiri Motu) 1993

²⁵ Bona Iosua ia gwau, “Akana e, badina dahaka inai kerere bada be ai dekenai oi mailaia? To harihari Lohiabada ese oi dekenai kerere do ia mailaia!” Unai neganai Israela taudia ibounai ese nadi dekenai Akana idia hodoa mase, iena bese taudia ibounai danu. Edia tauanina bona edia gaudia ibounai danu, lahi dekenai idia gabua.

IOSUA 7:25 Iomraidhean Croise

GENESE 34:30

Vadaeni Iakobo ese Simeona bona Levi dekenai ia gwau henia, ia gwau, “Lau dekenai kerere umui havaraia vadaeni, bona lauegu ladana umui hadikaia vadaeni inai tano noho taudia edia huanai. Kanana taudia bona Perisi taudia be hari lau dekenai do idia badu henia. Ita be momo lasi dainai idia be do idia haboua, do idia tuari ita dekenai, vadaeni, lau bona lauegu bese ibounai be do ita mase ore.”

GENESE 38:24

Hua toi ia ore murinai, vadaeni Iuda ese hereva ia kamonai iena ravana be mai bogana. Vadaeni ia gwau, “Murimuri dekenai umui hakaua, vadaeni umui alaia mase.”

1 SIVARAI 2:7

Sera ena bese tauna ta, Karami, ena natuna tau, ladana Akana, ese kerere bada Israela dekenai ia havaraia, badina ia ese Dirava ia taravatua kohuna ia abia kava.

AONEGA HEREVADIA 1:19

Dagedage dekena amo kohu idia dadia taudia ibounai, edia dokona be unai bamona. Unai kara ese edia mauri ia hadikaia ore.

AONEGA HEREVADIA 15:27

Bema koikoi dekena amo moni oi abia neganai, oiemu famili taudia dekenai hekwakwanai do oi havaraia. Kara dika karaia totona moni do oi abia lasi, unai neganai do oi mauri daudau.

LEVITIKO 20:14

“Bema tau ta ese hahine ta, bona unai hahine ena sinana danu ia adavaia nega tamona neganai, idia toiosi be do umui gabua mase. Badina unai be kara dika herea. Unai bamona kara umui emui huana dekena amo do umui hadokoa.

LEVITIKO 20:2

“Israela taudia ma do oi hamaoroa, inai bamona: Bema Israela tauna ta o Israela taudia edia huanai idau bese tauna ta ese iena natuna, be Moleka dirava dekenai do ia henia, gabua ore boubouna totona, unai tau be momokani do ia mase. Hanua taudia ese nadi dekena amo ia do idia hodoa mase.

LEVITIKO 21:9

“Bema hahelagaia tauna ena natuna kekeni ese sibona be lebulebu o ariara hahine ia halaoa neganai, ia ese iena tamana ia hahemaraia vadaeni. Ia be lahi dekenai do umui gabua mase.

LEVITIKO 24:14

“Unai lau ia hereva dika henia tauna, be kamepa ena murimurinai do umui abia lao. Iena hereva dika idia kamonai taudia ibounai ese unai tau ena kwarana latanai edia imadia do idia atoa. Unai murimuri kamepa taudia ibounai ese nadi dekena amo do idia hodoa mase.

GALATIA 5:12

Inai emui lalona idia hakererea gwauraia taudia, namona be idia sibona ese edia kopina bona edia abona idia utua oho momokani!

DEUTERONOMI 13:10

Nadi dekenai do umui hodoa mase, badina be ia ese Lohiabada, emui Dirava, Aigupito tano dekena amo, bona hesiai mai guia dekena amo, umui ia hamauria Dirava ia hadikaia gwauraia. “Oibe, unai tau ia ura Lohiabada dekena amo umui do ia hakaua siri dainai, do umui hodoa mase.

DEUTERONOMI 13:11

Vadaeni, Israela taudia ibounai do idia kamonai, bona do idia gari. Bona gabeai kara dika unai bamona nega ta do idia karaia lou lasi, ela bona hanaihanai.”

DEUTERONOMI 17:5

unai tau o hahine be hanua ena murimurinai do umui hakaua lao, bona nadi dekenai do umui hodoa mase.

DEUTERONOMI 21:21

Unai neganai unai hanua taudia ibounai ese unai tauna nadi dekenai do idia hodoa mase. Unai kara umui karaia neganai, unai bamona dika do umui haorea momokani. Israela taudia ibounai ese unai sivarai do idia kamonai, bona do idia gari.

2 TESALONIKA 1:6

Dirava ese kara maoromaoro do ia karaia. Hisihisi umui dekenai idia henia taudia dekenai, be ia ese hisihisi do ia henidia.

HEBERU 12:15

Umui naria namonamo, umui ta ese Dirava ena hariharibada do ia reaia garina. Umui ta be au dikana bamona do umui tubu lasi. Badina be ia tubu neganai, iena poisini ese hisihisi bona kerere momo umui emui huanai do ia havaraia garina.

IOSUA 6:18

To umui naria namonamo, Lohiabada ese inai hanua ena gau ibounai umui dekenai ia taravatua dainai, gau ta do umui abia lasi, umui sibona do umui hadikaia garina, bona Israela kamepa ibounai ese, kerere bona dika momokani do ia davaria garina.

IOSUA 7:15

Unai neganai lau ese lau taravatua gaudia dekenai idia davaria tauna be lahi dekenai do umui gabua ore, iena bese bona iena kohu ibounai danu. Badina be ia ese lau Lohiabada egu taravatu ia utua vadaeni, bona hemarai bada be Israela ena latanai ia mailaia vadaeni.”

1 SAMUELA 14:29

Ionatana ia gwau, “Lauegu tamana ese iseda orea taudia ia hadikaia dikadika. Oi itaia, lauegu matana be idia diari noho, badina hari unai hani sisina lau ania dainai.