IOSUA 7:24 - Buka Helaga (Hiri Motu) 1993

²⁴ Unai neganai Iosua bona Israela taudia ibounai ese Akana Sera idia abia, siliva bona kouti dabua bona golo danu, bona Akana ena natuna memero bona natuna kekeni, iena boromakau, iena doniki, iena mamoe, iena palai ruma, bona ia ese ia biagua gaudia ibounai. Inai ibounai be Kerere Koura dekenai idia abia lao.

IOSUA 7:24 Iomraidhean Croise

GENESE 18:25

Kara maoromaoro taudia bona kara dika taudia nega tamona do oi alaia lasi, a? Kara maoromaoro taudia bona kara dika taudia, bema edia davana be tamona, be hegeregere lasi. Unai bamona be oiemu kara lasi. Tanobada ibounai ena kota biaguna be kara maoromaoro do ia karaia lasi, a?”

IOBU 20:15

Unai kara dika tauna ese, ia henaoa vadaeni kohu momo do ia mumuta negea, badina Dirava ese, unai tau ena bogana dekena amo unai gau do ia abia lou.

ESODO 20:5

Laulau o kaivakuku ta dekenai do umui tomadiho henia lasi, bona iena hesiai gaukara do umui karaia lasi. Badina be lau Lohiabada emui Dirava be lau ura umui be lau sibona egu. Idia ura henia lasi lau dekenai taudia edia kara dika ena davana, be do lau henia edia natuna bona tubuna dekenai, ia lao bona uru toi o hani.

AONEGA HEREVADIA 15:27

Bema koikoi dekena amo moni oi abia neganai, oiemu famili taudia dekenai hekwakwanai do oi havaraia. Kara dika karaia totona moni do oi abia lasi, unai neganai do oi mauri daudau.

HADIBAIA TAUNA 5:13

Dika badana ta tanobada dekenai lau itaia be inai: Tau ta ese kohu momo ia haboua, to unai kohu ese unai tau idia hadikaia.

ISAIA 65:10

Idia ese lau do idia tomadiho henia, bona mamoe orea momo, be Sarona tano dekenai do idia hakaua loaloa. Bona Akoro Koura lalonai, boromakau orea momo ese rei do idia ania. Inai mamoe bona boromakau, be egu bese taudia, lau idia tahua noho taudia, edia.

HOSEA 2:15

Lau ese iena vain uma do lau henia lou, bona Hekwarahi ena Koura be lau ese do lau senisia, vadaeni nega namona naria laloa ena gabu do lau halaoa. Inai gabu dekenai, ia ese lau do ia ura henia, guna ia be kekeni neganai bamona, Aigupito dekena amo ia mai neganai.

IOSUA 15:7

Unuseni dekena amo tano hetoana be Debiri dekenai ia lao, Kerere Koura dekena amo. Bona mirigini kahana dekenai ia daekau lao ela bona Gilegala, Adumimi ena raka vareai gabuna ena vairanai, koura ena diho kahana dekenai. Vadaeni tano hetoana be ma ia lao, Ene Semese ranu gabuna ia badinaia ela bona Ene Rogele.

IOSUA 22:20

Akana, Sera ena natuna do umui laloa, ia ese Lohiabada ia taravatua gaudia ia abia kava, bona unai kerere ena davana be, Israela taudia ibounai ese idia davaria, ani? Akana ena kerere davana be mase, be ia sibona lasi, to iseda bese taudia momo idia mase.’ ”

IOSUA 6:18

To umui naria namonamo, Lohiabada ese inai hanua ena gau ibounai umui dekenai ia taravatua dainai, gau ta do umui abia lasi, umui sibona do umui hadikaia garina, bona Israela kamepa ibounai ese, kerere bona dika momokani do ia davaria garina.

IOSUA 6:21

Hanua ibounai idia hadikaia ore, tatau bona hahine, memero bona buruka, boromakau, mamoe bona doniki, ibounai be tuari kaia dekena amo idia alaia mase.

IOSUA 7:1

Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.

IOSUA 7:23

Vadaeni unai kohu be palai ruma dekena amo idia abia, Iosua bona Israela taudia ibounai dekenai idia abia lao, Lohiabada ena vairana dekenai.

IOSUA 7:26

Akana ena latanai be nadi momo idia haboua, bona unai nadi idia do noho ia mai bona hari dina. Unai dainai unai gabu ena ladana idia atoa, Kerere Kourana. Unai murinai Lohiabada ena badu be ma ia keru lou.