IOSUA 7:21 - Buka Helaga (Hiri Motu) 1993

²¹ Tuari dekenai ita abia kohu edia huana dekenai Babulonia kouti dabua namo herea lau itaia, bona siliva ena metau kilogaram rua, bona golo sisina danu, ena metau kilogaram kahana. Lau ese lau ura henidia bada dainai lau abidia. Idia be tano lalonai, lauegu palai ruma lalonai, lau hunia. Siliva be edia henunai.”

IOSUA 7:21 Iomraidhean Croise

GENESE 10:10

Nimiroda ena basileia ginigunana ena hanua badadia be Babela, bona Ereke, bona Akada, bona Kalena, idia ibounai be Sinara tano dekenai.

GENESE 3:6

Hahine ese ia itaia, unai au ena toana be namo herea, bona ena au huahua ia itaia be aniani gauna namona, bona au ena aonega ia ura abia. Vadaeni, unai au ena huahua ia abia, bona ia ania. Ma iena tau dekenai ia henia danu, bona ia danu ia ania.

GENESE 34:27

Vadaeni Iakobo ena natuna tatau ma haida be idia lao, Sekema taudia idia davaria, idia mase vadaeni. Vadaeni idia ese mai bero taudia idia alaia, bona hanua ena kohu idia henaoa ore, badina be edia taihuna dekenai hemarai kara idia karaia dainai.

GENESE 6:2

Bona Dirava ena natuna haida ese idia itaia, inai kekeni be mai edia hairai. Vadaeni, idia ura henia kekenidia idia abia, idia adavaia.

2 SAMUELA 11:2

Adorahi ta, Davida be iena mahuta patana dekena amo ia toreisi, iena ruma badana ena guhi dekenai ia raka. Vadaeni guhi dekena amo Davida ese hahine ta ia itaia, ia digu noho. Ia be hahine namona, mai ena hairaina.

2 KING TAUDIA 7:8

Inai lepera taudia be kamepa ena hetoa gabuna dekenai idia ginidae, vadaeni palai ruma ta idia raka vareai, idia aniani, idia inua, bona siliva bona golo bona dabua idia huaia lao, idia hunia. Vadaeni idia giroa lou, ma palai ruma ta idia raka vareai, gau haida ma idia huaia lao, idia hunia.

IOBU 31:1

Iobu ia gwau, “Lauegu matana dekenai taravatu lau atoa vadaeni, nega ta kekeni do lau itaia noho lasi, matabodaga kara totona.

SALAMO 119:37

Mani lau do oi durua, lau ese anina lasi gaudia do lau tahua lasi, to oiemu dala dekenai lau raka dainai, egu mauri do oi hamatamataia.

ESODO 20:17

“Taunimanima ta ena ruma dainai oi mama henia lasi. Iena adavana totona do oi mama henia lasi, o iena hesiai tauna, o iena hesiai hahine, o iena boromakau, o iena doniki, o iena kohu ta totona do oi mama henia lasi.”

AONEGA HEREVADIA 1:19

Dagedage dekena amo kohu idia dadia taudia ibounai, edia dokona be unai bamona. Unai kara ese edia mauri ia hadikaia ore.

AONEGA HEREVADIA 23:31

Do oi naria namonamo, uaina ese oi do ia koia garina. Uaina be kapusi lalonai ia kakakaka namo herea, be do oi ura henia momo lasi. Iena mamina namo herea do oi laloa lasi.

AONEGA HEREVADIA 28:22

Ena moni sibona ia laloa tauna ese, ia ura kohu momo do ia davaria haraga, to ia diba lasi ogogami ese do ia davaria.

AONEGA HEREVADIA 4:23

To gau badana momokani, oiemu kudouna, oiemu laloa ia havaraia gauna, do oi naria namonamo, badina be oiemu laloa dekena amo, oiemu mauri be ia heau noho.

ISAIA 28:15

Mai hekokoroku danu umui hereva, umui gwau, “Ai be mase danu ai gwauhamata vadaeni, bona mase gabuna danu ai laloa tamona vadaeni.” Umui gwau nega dika ia ginidae neganai do umui mase lasi, badina be umui ese koikoi bona kara maoromaoro lasi umui abidadama henia, idia ese umui do idia hamauria momokani, umui gwau.

ISAIA 29:15

Tau haida ese palani be, Lohiabada dekena amo idia hunia gwauraia. Idia ese dika do idia davaria! Edia kara dika be dibura lalonai idia karaia noho, idia gwau, “Daika ese ita ia itaia?” bona, “Daika ese iseda kara ia diba?”

HABAKUKU 2:9

Umui ese dika do umui davaria! Umui ese hanua momo umui hadikaia, bona edia kohu momo umui abia kava. Inai kohu dekena amo emui bese umui haginia bada. Umui ese ruma goadadia momo, tuari koua magudia danu umui haginia vadaeni.

LUKA 12:15

Vadaeni Iesu ia hamaoroa idia dekenai, ia gwau, “Do umui naria namonamo, kohu dekenai do umui ura henia dikadika garina. Badina taunimanima edia mauri badina be kohu momo dekena amo lasi, lasi momokani.”

LUKA 12:2

Koua gaudia ibounai do idia hedinarai, bona hunia gaudia ibounai be do idia diba.

EFESO 5:3

Umui be Dirava ena taudia dainai, heudahanai, sihari kava karadia, bona matabodaga, bona kohu ura dikadika kara, be do umui karaia lasi momokani.

EFESO 5:5

Bona do umui diba momokani, heudahanai tauna, sihari kava kara tauna, matabodaga tauna, bona kohu ura dikadika tauna, be gabu lasi, Keriso bona Dirava edia Basileia lalonai. Kohu ura dikadika kara be hegeregere kaivakuku tomadiho henia kara bamona.

DEUTERONOMI 7:25

Edia dirava laulau gaudia be lahi dekenai do umui gabua ore. Idia dekenai ia noho siliva bona golo do umui ura dikadika lasi, bona umui abia lasi, do umui kerere garina. Lohiabada, emui Dirava ese dirava laulau gaudia dekenai ia badu henia momokani.

KOLOSE 3:5

Unai dainai tauanina ena ura kara, umui emui lalonai idia gaukara noho, be do umui hamasea. Gaudia be inai: Heudahanai, lebulebu, ura dikadia, matabodaga, bona kohu momo ura dikadika kara. Kohu momo ura dikadika kara be hegeregere kaivakuku tomadiho henia kara bamona.

HEBERU 13:5

Moni do umui ura henia dikadika lasi. To umui dekenai ia noho gauna, be inai bamona do umui laloalaia, “Lau dekenai noho gauna be namo, ia hegeregere vadaeni.” Badina be Dirava be inai bamona ia hereva, ia gwau: “Lau ese umui do lau negea lasi, bona umui do lau rakatania lasi Lasi bona lasi momokani.”

IAMESI 1:15

Vadaeni iena ura dikadia be idia rogorogo bamona, unai murinai kara dika ia havaraia. Bona kara dika ia tubu bona ia bada neganai, mase ia havaraia.

IOSUA 7:20

Akana ese Iosua ia haere henia, ia gwau, “Momokani, lau be lau kerere vadaeni, Lohiabada, Israela ena Dirava, ena vairanai. Lau ese inai bamona lau karaia:

IOSUA 7:22

Unai dainai Iosua ese tau haida ia siaia, idia heau lao, unai kohu idia davaria, Akana ena palai ruma lalonai, siliva be henunai.

2 PETERO 2:15

Idia ese dala maoromaoro idia rakatania vadaeni, bona idia raka kerere, Balama, Beoro ena natuna bamona. Balama ese kerere ia karaia, moni do ia davaria totona, badina moni ia ura henia dikadika dainai.