IOSUA 7:15 - Buka Helaga (Hiri Motu) 1993

¹⁵ Unai neganai lau ese lau taravatua gaudia dekenai idia davaria tauna be lahi dekenai do umui gabua ore, iena bese bona iena kohu ibounai danu. Badina be ia ese lau Lohiabada egu taravatu ia utua vadaeni, bona hemarai bada be Israela ena latanai ia mailaia vadaeni.”

IOSUA 7:15 Iomraidhean Croise

GENESE 34:7

Unai neganai Iakobo ena natuna be boromakau naria gaukara dekena amo idia giroa mai vadaeni. Unai hereva idia kamonai neganai, idia hoa, bona idia badu dikadika, badina be unai tau ese Israela taudia dekenai kara dikana ia karaia, Iakobo ena natuna kekeni ia hadikaia dainai. Badina be kara unai bamona be taravatu bada herea.

2 SAMUELA 13:13

Egu hemarai be edena bamona do lau haorea diba, taunimanima edia vairana dekenai? Bona oi be Israela dekenai lebulebu tauna, oi do idia gwauraia. Unai dainai oi dekenai lau noinoi inai, king Davida do oi hereva henia guna, bona ia ese oi dekenai lau do ia henia, do ita headava.”

IOSUA 7:11

Israela taudia idia kara dika vadaeni! Idia ese lauegu gwauhamata taravatuna, idia danu lau karaia gauna idia hamakohia vadaeni. Lau ese lau taravatua gaudia be idia ese idia abia, idia henaoa, bona idia koikoi, unai gaudia be edia kohu lalonai idia hunia vadaeni.

IOSUA 7:16

Kerukeru, daba maragi neganai, Iosua ia toreisi, Israela taudia, edia iduhu ta ta dekena amo Lohiabada ena vairanai ia mailaia, vadaeni Iuda iduhu ia abia hidi.

GUNALAIA TAUDIA 20:10

Israela iduhu ibounai dekena amo, tau 100 dekena amo 10 do ita abia hidi, bona 1000 dekena amo 100 do ita abia hidi, bona tau 10,000 dekena amo 1000 do ita abia hidi. Idia be do idia lao, aniani do idia abia, bona huaia iseda tuari taudia totona, bona iseda tuari taudia oredia ese Gibea taudia edia kerere davana do idia henia, Israela lalonai inai kara mirona idia karaia dainai.”

GUNALAIA TAUDIA 20:5

Vadaeni Gibea taudia ese lau hadikaia totona idia toreisi. Hanuaboi neganai idia ese ruma idia hagegea. Idia ura lau idia alaia mase. To gabeai egu hahine idia abia, idia fosia, bona idia sihari henia kava, ela bona ia mase.

GUNALAIA TAUDIA 20:6

Unai dainai, lau ese hahine lau abia, iena tauanina lau utua parara, bona kahana 12 lau siaia lao, Israela iduhu ta ta edia. Badina be inai Beniamina taudia ese lebulebu kara, bona hemarai kara idia karaia vadaeni, Israela taudia edia huanai.

1 SAMUELA 26:21

Vadaeni Saulo ia gwau, “Lau be lau kara dika vadaeni. Egu natuna Davida e, lau dekenai mani do oi lou mai, bona lau ese oi do lau hadikaia lou lasi, badina hari hanuaboi oi ese lau oi alaia lasi. Lau be lau kara kava momokani! Lau be lau kerere bada herea!”