IOSUA 7:12 - Buka Helaga (Hiri Motu) 1993

¹² Unai dainai Israela taudia be idia dekenai idia tuari taudia ese idia halusia. Israela taudia be tuari dekena amo idia heau, badina lau ese idia lau hadikaia vadaeni. Bema unai lau taravatua gaudia, umui emui huanai idia noho gaudia umui kokia haorea lasi neganai, lau be umui danu do lau noho lou lasi.

IOSUA 7:12 Iomraidhean Croise

SALAMO 44:10

Oi ese ai idia tuari henia taudia oi koua lasi, vadaeni idia ese ai idia lulua lao, bona idia ese aiemai kohu idia abia, edia ura hegeregerena.

SALAMO 60:10

Dirava e, oi ese ai oi negea momokani vadaeni, a? Dirava e, aiemai tuari taudia danu, idia durua totona do oi raka mai lou lasi, a?

AONEGA HEREVADIA 28:1

Kara dika taudia be ta ese, ia luludia lasi neganai idia heau kava noho, to kara maoromaoro taudia be idia gari lasi noho, laiona bamona.

ISAIA 59:2

To emui kara dika ese, umui bona Dirava idia hapararaia vadaeni, bona emui kara kerere ese, Dirava ena vairana, be umui dekena amo idia hunia vadaeni, unai dainai umui dekenai ia kamonai lasi.

IEREMIA 23:33

Lohiabada ese lau dekenai ia hereva, ia gwau, “Ieremia e, bema inai taudia ta, o peroveta tauna ta, o hahelagaia tauna ta ese oi dekenai idia nanadaia, ia gwau, ‘Lohiabada ena hereva metauna be dahaka?’ unai neganai do oi haere, oi gwau, ‘Umui be gau metauna Lohiabada ena vairana dekenai, bona Lohiabada ese umui do ia negea ore momokani.’

IEREMIA 6:8

Ierusalema e, do oi naria namonamo. Lau ese oi dekena amo do lau raka siri, bona oiemu tano do lau hadikaia momokani garina. Vadaeni tau ta ese oiemu gabu dekenai do ia noho lasi.”

HOSEA 9:12

Sedira edia natudia haida do idia havaraia, to lau ese mase dekenai idia do lau abia lao, ta do ia mauri noho lasi. Lau ese idia do lau rakatania neganai, idia madi dika do idia davaria.

HABAKUKU 1:13

Inai Babulonia taudia be koikoi taudia, bona dika idauidau momo idia karaia noho. Idia be unai bamona dainai, edena bamona oi ese oiemu gaukara idia dekenai oi henia noho? Lau diba oi be helaga momokani dainai oi ese kara dika taudia oi kota henia, bona edia kerere davana oi henia noho. Unai bamona dainai, badina dahaka inai Babulonia taudia dikadia ese ai namo sisina Iuda taudia idia hadikaia neganai, oi ese hereva ta oi gwauraia lasi?

NUMERA 14:39

Mose ese Israela taudia dekenai Lohiabada ena hereva ia hamaorodia neganai, idia lalohisihisi bada herea.

NUMERA 14:42

Do umui lao lasi, umui dekenai idia tuari henia taudia ese umui do idia halusia garina, badina Lohiabada be umui dekenai ia noho lasi.

NUMERA 14:43

Badina be Amaleka taudia bona Kanana taudia be umui emui vairana dekenai idia noho. Idia ese umui do idia alaia mase tuari dekenai. Lohiabada ena dala umui rakatania dainai, ia be umui dekenai do ia noho lasi.”

NUMERA 14:45

Vadaeni Amaleka taudia bona Kanana taudia, unai ororo dekenai idia noho taudia ese Israela taudia idia tuari henidia, idia halusidia. Bona idia ese Israela taudia idia lulua lao ela bona Horoma.

DEUTERONOMI 7:26

Inai dirava laulau gaudia emui ruma dekenai do umui abia vareai lasi, edia dika ese umui do ia hadikaia ore garina. Unai bamona dirava laulau gaudia do umui negea momokani, badina idia be Lohiabada ese ia badu henidia momokani.”

IOSUA 6:18

To umui naria namonamo, Lohiabada ese inai hanua ena gau ibounai umui dekenai ia taravatua dainai, gau ta do umui abia lasi, umui sibona do umui hadikaia garina, bona Israela kamepa ibounai ese, kerere bona dika momokani do ia davaria garina.

GUNALAIA TAUDIA 16:20

Unai neganai ia boiboi, ia gwau, “Samson e, Pilistia taudia be oi dekenai idia ginidae vadaeni!” Vadaeni Samson ia noga, ia gwau, “Do lau toreisi, do lau rakatanidia, nega ibounai lau karaia bamona.” Ia do diba lasi Lohiabada ese ia rakatania vadaeni.

GUNALAIA TAUDIA 2:14

Unai dainai Lohiabada ese Israela taudia dekenai ia badu dikadika. Ia ese dadidadi taudia ia koua lasi, vadaeni idia ese Israela taudia idia heatu henia, bona edia kohu momo idia henaoa. Tuari taudia momo be Israela idia hagegea, Lohiabada ese ia koudia lasi, bona Israela taudia be goada lasi do idia luludia.

GUNALAIA TAUDIA 2:4

Lohiabada ena aneru ese Israela taudia ibounai dekenai unai bamona ia hereva, vadaeni idia ibounai idia taitai, mai regena bada danu.

1 SAMUELA 14:38

Unai dainai Saulo ia gwau, “Lohia taudia ibounai, umui mai iniseni. Do umui tahua, bona do umui diba, iseda huanai be daika ese kara dika ia karaia?