IOSUA 6:5 - Buka Helaga (Hiri Motu) 1993

⁵ Vadaeni kibi ena regena do umui kamonai, idia hiriria noho daudau. Unai neganai taunimanima ibounai do idia boiboi bada herea, vadaeni hanua maguna be do ia moru, bona maoromaoro emui tuari taudia do idia raka vareai.”

IOSUA 6:5 Iomraidhean Croise

ESODO 19:19

Kibi ena regena ia bada daekau. Vadaeni Mose be ia hereva, bona Dirava ese guba ena boiboi dekena amo ia haere henia.

ISAIA 25:12

Lohiabada ese Moaba ena magu aukadia, bona gabu aukadia danu do ia hadikaia ore. Idia be tano ena kahu dekenai do idia moru diho.

ISAIA 30:25

Unai dina dekenai, umui idia tuari henia taudia momo herea, be Lohiabada ese do ia aladia mase, bona kohoro do idia moru dinana dekenai, ororo badadia bona ororo maragidia ibounai edia dorina dekena amo, sinavai maragidia do idia heau diho.

IEREMIA 50:15

Kahana ibounai dekena amo, Babulonia hanua dekenai tuari umui uini dainai, kwalimu ena boiboi bada do umui karaia. Babulonia taudia ese, edia tuari gaudia idia atoa diho vadaeni, edia tuari idia hadokoa. Badina edia gabu aukadia idia makohia vadaeni, bona hanua ena magu be idia veria diho vadaeni. Inai be lau Lohiabada egu davana henia karana. Unai dainai ena dika davana do umui henia. Ia ese ia karaia hegeregerena, be ia dekenai do umui karaia.

HEBERU 11:30

Israela taudia ese Dirava idia abidadama henia dainai, Ieriko hanua ena magu ia moru diho, dina 7 unai hanua idia raka hagegea murinai.

IOSUA 6:16

Nega namba 7 dekenai, hahelagaia taudia ese kibi idia hiriria bada neganai, Iosua ese Israela taudia ia hamaoroa, ia gwau, “Umui boiboi bada! Lohiabada ese hanua umui dekenai ia henia vadaeni!

IOSUA 6:20

Kibi idia hiriria neganai, Israela taudia idia kamonai, bona maoromaoro idia boiboi bada herea. Vadaeni hanua ena magu ia moru diho, bona maoromaoro tuari taudia idia raka vareai, hanua idia abia.

IOSUA 6:4

Hahelagaia taudia 7 ese, nani tau doadia dekena amo idia karaia kibi 7 do idia abia, Taravatu Maua ena vairanai do idia raka. Dina namba 7 dekenai, hanua do umui raka hagegea nega 7, bona hahelagaia taudia ese kibi do idia hiriria.

IOSUA 6:6

Unai dainai, Iosua Nunu ese hahelagaia taudia ia boiria, ia gwau, “Taravatu Maua do umui abia isi, bona umui ibounai 7 ese nani tau edia doana kibi 7 do umui huaia, bona Lohiabada ena Taravatu Maua ena vairanai do umui raka.”

GUNALAIA TAUDIA 20:37

Unai neganai hanua kahirakahira idia hunia noho taudia be idia toreisi haraga, hanua dekenai idia heau, hanua lalonai idia vareai, bona hanua taudia ibounai idia alaia mase.

1 SAMUELA 17:20

Davida be daba maragi neganai ia toreisi, iena mamoe be naria tauna ta dekenai ia rakatania. Vadaeni, aniani gaudia ia abia lao, Iese ena oda hegeregerena. Kamepa dekenai ia ginidae neganai, ia itaia, Israela taudia be tuari totona idia raka vaira, mai tuari boiboi danu.

1 SAMUELA 17:52

Unai neganai Israela taudia bona Iuda taudia idia toreisi, bona mai boiboi bada danu, Pilistia taudia idia lulua lao, ela bona Gata, ma ela bona Ekarona hanua ena ikoukou. Unai Pilistia taudia, mase taudia bona mai edia bero taudia danu, be dala badinai idia moru noho, Saraimi dekena amo ela bona Gata bona Ekarona.

1 SAMUELA 4:5

Lohiabada ena Taravatu Maua be kamepa dekenai ia ginidae neganai, Israela taudia ibounai idia boiboi bada herea. Edia boiboi ena regena ese tano ia hamarerea.