IOSUA 6:4 - Buka Helaga (Hiri Motu) 1993

⁴ Hahelagaia taudia 7 ese, nani tau doadia dekena amo idia karaia kibi 7 do idia abia, Taravatu Maua ena vairanai do idia raka. Dina namba 7 dekenai, hanua do umui raka hagegea nega 7, bona hahelagaia taudia ese kibi do idia hiriria.

IOSUA 6:4 Iomraidhean Croise

GENESE 2:3

Bona Dirava ese dina namba 7 ia hanamoa, bona dina helaga ia halaoa, badina be unai dina dekenai Dirava ese iena gau ibounai karaia gaukara ia rakatania, ia laga-ani.

1 KING TAUDIA 18:43

Elia ese iena hesiai tauna ia hamaoroa, ia gwau, “Oi lao, davara kahanai do oi itaia noho.” Ia lao, iena matana ia negea, vadaeni ia giroa, ia gwau, “Gau ta lau itaia lasi.” Elia ese nega 7 iena hesiai tauna ia hamaoroa do ia giroa lou, davara kahana do ia itaia totona.

2 KING TAUDIA 5:10

Elisaia ese hesiai tauna ta Namana dekenai ia siaia, ia gwau, “Oi lao, Ioridane Sinavai lalonai do oi digu nega 7, vadaeni oiemu kopina be do ia namo lou, bona do oi goeva.”

2 KING TAUDIA 5:14

Vadaeni Namana ese ia diho lao, bona Ioridane Sinavai lalonai nega 7 iena tauanina ia atoa diho, Elisaia ese ia hamaoroa hegeregerena. Vadaeni iena kopina be ia namo lou, mero maragina ena kopina hegeregere.

2 SIVARAI 13:12

Kamonai, Dirava be ai dekenai ia noho, ia ese ai ia gunalaia noho. Iena hahelagaia taudia ese edia kibi do idia hiriria, umui dekenai do ai tuari henia totona. Israela besena e, Lohiabada, emui sene taudia edia Dirava do umui tuari henia lasi, badina do umui kwalimu diba lasi.”

2 SIVARAI 20:17

Iuda bona Ierusalema taudia e, inai tuari dekenai be do umui tuari lasi. To emui gabu dekenai do umui gini, bona naria noho sibona, vadaeni Lohiabada ena kwalimu umui dainai do umui itaia. Do umui gari lasi, bona do umui laloa manoka lasi, kerukeru be idia tuari henia totona do umui lao, bona Lohiabada be umui danu do ia noho.”

2 SIVARAI 20:19

Vadaeni Levi taudia haida, Kohata taudia bona Kora taudia, be idia toreisi, Lohiabada, Israela ena Dirava, idia hanamoa bada, mai boiboi bada danu.

2 SIVARAI 20:21

Iehosapata be unai taunimanima danu idia herevahereva, vadaeni ia ese Lohiabada hanamoa ane do idia abia taudia ia abia hidi. Vadaeni idia ese dabua helagadia idia atoa, bona idia be Iuda tuari orea ena vairanai idia raka lao, idia gwau, “Lohiabada do ita hanamoa, badina iena bogahisihisi kara do ia noho hanaihanai.”

IOBU 42:8

“Unai dainai, boromakau tau 7 bona mamoe tau 7 do oi abia lao Iobu dekenai. Bona umui emui boubou gauna totona inai boromakau bona mamoe do umui gabua, emui dika totona. Iobu ese umui totona do ia guriguri, bona lau ese iena guriguri do lau kamonai. Bona umui emui kavakava hegeregerena umui dekenai do lau karaia lasi, Iobu ena guriguri namona dainai. Umui ese lau umui herevalaia maoromaoro lasi, Iobu ese lau ia herevalaia bamona.”

ISAIA 27:13

Unai dina ia ginidae neganai, kibi badana ta do idia hiriria. Bona unai neganai, Asuria tano dekenai idia boio Israela taudia, bona Aigupito tano dekenai idia luludia lao Israela taudia, be Ierusalema dekenai do idia mai lou, Lohiabada do idia tomadiho henia, Ierusalema ena ororo helagana dekenai.

LEVITIKO 14:16

Iena ima kwakikwakina idibana be olive dehoro lalonai do ia atoa, bona nega 7 unai olive dehoro haida do ia negea lao, bona lau, Lohiabada ese do lau itaia.

LEVITIKO 4:6

Iena imana kwakikwakina ta be rara lalonai do ia atoa, bona nega 7, ia ese Helaga Herea Gabuna ia hunia koua dabua helagana ena vairanai, unai rara do ia negea. Bona Lohiabada ese inai kara do ia itaia.

SEKARAIA 4:2

Vadaeni ia ese lau ia nanadaia, ia gwau, “Dahaka oi itaia noho?” Lau haere, lau gwau, “Lamepa dogoatao gauna ta, golo gauna, lau itaia noho. Ena ataiai be uro ta, olive ena oela atoa totona gauna. Unai uro dekena amo paipa 7 idia daekau lao, bona paipa ta ta edia duduna dekenai lamepa ta ia noho, lamepa ibounai 7.

SEKARAIA 4:6

Vadaeni aneru ese lau ia hamaoroa, ia gwau, “Inai be Lohiabada ena hereva Serubabele dekenai, Siahu Ibounai Lohiabada ia gwau: Goada dekena amo lasi, bona siahu dekena amo lasi, to egu Lauma dekena amo do oi kwalimu.

NUMERA 23:1

Balama ese Balaki ia hamaoroa, ia gwau, “Boubou patadia 7 do oi haginia iniseni, boromakau tau 7 bona mamoe tau 7 danu do oi abia hegaegae.”

IOSUA 6:13

Vadaeni hahelagaia taudia 7 ese, mai edia kibi 7 idia raka vaira, Lohiabada ena Taravatu Maua ena vairanai idia raka, bona kibi idia hiriria nega momo.

IOSUA 6:3

Hanua do umui raka hagegea, oi bona emui tuari taudia ibounai, nega tamona. Dina ta ta dekenai unai bamona do umui karaia ela bona dina 6 idia ore.

IOSUA 6:5

Vadaeni kibi ena regena do umui kamonai, idia hiriria noho daudau. Unai neganai taunimanima ibounai do idia boiboi bada herea, vadaeni hanua maguna be do ia moru, bona maoromaoro emui tuari taudia do idia raka vareai.”

APOKALUPO 1:20

Hisiu 7 lauegu imana idibana dekenai oi itaia, bona golo lamepa 7 edia anina be inai: Hisiu 7 be ekalesia oreadia 7 edia aneru, bona golo lamepa 7 be ekalesia oreadia 7.”

APOKALUPO 1:4

Lau Ioane ese, umui ekalesia orea 7 Asia dekenai inai hereva lau torea noho inai. Dirava be harihari ia noho, gunaguna ia noho, bona gabeai danu do ia mai. Ia dekena amo hariharibada bona maino do umui abia. Dirava ena helai gabuna badana ena vairanai idia noho laumadia 7 dekena amo danu, hariharibada bona maino do umui abia,

APOKALUPO 10:3

Ia boiboi bada herea, iena gadona be laiona edia boiboi bamona. Ia boiboi murinai, guba ena boiboi ibounai 7, mai regena bada be aneru dekenai idia haere henia.

APOKALUPO 15:1

Unai murinai toa gauna badana ma ta guba dekenai lau itaia, bona lau hoa bada. Aneru 7 ese hisihisi havaraia gaudia ibounai 7 idia dogoatao. Idia be hisihisi dokona gaudia. Inai idia ore neganai, hisihisi haida ma do idia vara lasi. Inai hisihisi 7 ese Dirava ena badu do idia haorea momokani.

APOKALUPO 15:7

Unai neganai mauri gaudia 4 edia huanai dekena amo, idia ta ese aneru 7 dekenai golo disi 7 ia henia. Inai disi be Noho Hanaihanai Diravana ena badu dekenai idia honu momokani.

APOKALUPO 16:1

Vadaeni, gado badana ta lau kamonai guba ena dubu helaga dekena amo, unai aneru 7 dekenai ia hereva henia, ia gwau, “Umui lao, unai disi 7, Dirava ena badu toana, do umui bubua diho tanobada dekenai.”

APOKALUPO 5:1

Buka ta lau itaia. Ia be helai gabuna badana latanai ia helai Diravana ena imana idibana ese ia dogoatao noho. Inai buka be mai toretore lalona kahanai, bona murimuri kahanai, bona ia be koua momokani, koua toana ibounai be 7.

APOKALUPO 5:6

Vadaeni, Mamoe ena Natuna ta lau itaia, ia gini noho, to iena toana be, haida ese idia alaia mase bamona. Ia be helai gabuna badana ena huanai momokani ia gini, mauri gaudia 4, bona badana taudia ese ia idia hagegea. Bona Mamoe ena Natuna be mai ena doana 7 bona iena matana 7. Unai matana 7 be Dirava ena lauma 7, tanobada ena kahana ibounai dekenai ia siaia gaudia be unai.

APOKALUPO 8:2

Vadaeni Dirava ena vairanai idia gini aneru 7 lau itaia, idia dekenai kibi 7 idia henia.

APOKALUPO 8:6

Vadaeni aneru 7 idia gini hegaegae, edia kibi do idia hiriria totona.