IOSUA 6:3 - Buka Helaga (Hiri Motu) 1993

³ Hanua do umui raka hagegea, oi bona emui tuari taudia ibounai, nega tamona. Dina ta ta dekenai unai bamona do umui karaia ela bona dina 6 idia ore.

IOSUA 6:3 Iomraidhean Croise

2 SIVARAI 4:3

Tanika ena kuboru isena dekenai be herahera laini rua idia koroa, laini ta isena kahirakahira, ma laini ta be henunai. Herahera edia toana be boromakau tau edia laulau. Tanika idia karaia neganai, herahera be tanika danu nega tamona idia karaia.

NUMERA 14:9

To Lohiabada do umui tuari henia lasi, bona unai tano taudia do umui gari henia lasi, do ita halusidia haraga. Lohiabada be ita dekenai ia noho, to idia be durua diravana ta lasi. Unai dainai do umui gari lasi.”

2 KORINTO 4:7

To ai, inai diari ai abia vadaeni taudia, be hodu, manoka gaudia sibona bamona do ai noho. Inai anina be taunimanima ibounai do idia diba inai siahu badana be Dirava sibona dekena amo, ai dekena amo ia mai lasi.

IOSUA 6:11

Vadaeni Iosua ese inai bamona Lohiabada ena Taravatu Maua ia siaia, idia huaia lao, hanua idia raka hagegea nega tamona, vadaeni kamepa dekenai idia giroa lou. Unuseni idia noho ela bona dabai.

IOSUA 6:14

Unai dina iharuana dekenai hanua idia raka hanaia nega tamona, vadaeni kamepa dekenai idia giroa lou. Dina 6 be unai bamona idia karaia.

IOSUA 6:2

Vadaeni Lohiabada ese Iosua ia hamaoroa, ia gwau, “Kamonai, Ieriko hanua be oiemu imana dekenai lau atoa vadaeni, mai ena king bona mai ena tuari taudia danu.

IOSUA 6:4

Hahelagaia taudia 7 ese, nani tau doadia dekena amo idia karaia kibi 7 do idia abia, Taravatu Maua ena vairanai do idia raka. Dina namba 7 dekenai, hanua do umui raka hagegea nega 7, bona hahelagaia taudia ese kibi do idia hiriria.

IOSUA 6:7

Vadaeni Iosua ese Israela taudia ia hamaoroa, ia gwau, “Umui lao, hanua do umui raka hagegea, emui tuari taudia be Lohiabada ena Taravatu Maua ena vairanai do idia raka.”