IOSUA 6:24 - Buka Helaga (Hiri Motu) 1993

²⁴ Unai murinai hanua ibounai bona ia lalonai gau ibounai idia gabua ore, to golo, bona siliva, bona auri laboralabora, bona auri gaudia idia abia, Lohiabada ena ruma dekenai idia haboua, davana bada gaudia idia haboua gabuna dekenai.

IOSUA 6:24 Iomraidhean Croise

2 SAMUELA 10:5

To inai hesiai taudia idia hemarai bada dainai, idia ura lasi edia gabu dekenai do idia giroa lou. Davida ese inai Hanunu ena kara ena sivarai ia kamonai, vadaeni ia ese tau haida ia siaia unai hesiai taudia dekenai, ia gwau, “Umui be Ierusalema dekenai do umui giroa mai haraga lasi, to Ieriko hanua dekenai do umui noho, ela bona emui auki huina be do ia tubu lou, vadaeni unai neganai do umui giroa mai.”

2 KING TAUDIA 25:9

Vadaeni ia ese Lohiabada ena Dubu Helaga ia gabua ore. Bona king ena ruma, bona Ierusalema ena ruma badadia ibounai ia gabua ore.

1 SIVARAI 18:11

King Davida ese inai gaudia ia hahelagaia, Lohiabada ena. Ma ia halusia vadaeni bese haida danu dekena amo ia abia golo bona siliva danu be Lohiabada henia totona Davida ese ia hahelagaia. Unai besedia be inai: Edoma, Moaba, Amono, Pilistia, bona Amaleka.

NUMERA 31:10

Edia hanua ibounai bona edia kamepa ibounai idia gabua ore.

DEUTERONOMI 13:16

Unai hanua taudia edia kohu be hanua ena ariara dekenai do umui haboua, bona unai gabu dekenai kohu ibounai do umui gabua ore. Hanua mai ena gau ibounai danu do umui gabua ore, ia be gabua ore boubouna, Lohiabada, emui Dirava, ena. Unai hanua umui gabua ore gabuna be do umui rakatania, do umui haginia lou lasi.

DEUTERONOMI 13:17

“Inai hanua, mai ena gaudia, Lohiabada dekenai umui gabua gaudia ta do umui abia lasi, emui. Unai neganai Lohiabada ena badu ena siahu be do ia keruma, bona umui dekenai do ia bogahisihisi. Ia ese mai bogahisihisi danu umui do ia hanamoa, natuna momo umui dekenai do ia henia, emui sene taudia dekenai ia gwauhamata hegeregerena.

DEUTERONOMI 20:16

“To Lohiabada emui Dirava ese umui dekenai do ia henia tano lalonai idia noho hanua umui tuari henia neganai, taunimanima ibounai bona mauri gaudia ibounai do umui alaia mase.

IOSUA 11:11

Israela taudia ese Hasoro taudia ibounai idia alaia mase, ta ia mauri noho lasi. Bona hanua idia gabua ore.

IOSUA 6:19

Siliva bona golo ibounai, bona auri laboralabora gaudia, bona auri gaudia ibounai be helaga, Lohiabada totona. Inai gaudia be Lohiabada ena kohu haboua gabuna dekenai do umui atodia.”

IOSUA 6:25

To ariara hahine Rahaba, iena tamana ena famili taudia, bona iena varavara ibounai be Iosua ese ia hamauria. Unai hahine Rahaba ena tubudia be Israela dekenai idia noho ia mai bona hari, badina Iosua ena hesiai taudia, Ieriko, hasinadoa totona idia lao, be Rahaba ese ia hunidia dainai.

IOSUA 8:28

Iosua ese Ai hanua ia gabua ore bona ia hadikaia ore. Bona unai bamona ia noho ia mai bona hari.

APOKALUPO 17:16

Bona dagedage gauna mai ena doana 10, oi itaia vadaeni gaudia, ese ariara hahine do idia badu henia. Do idia hadikaia momokani, iena dabua do idia kokia, kopina kavakava do idia rakatania. Vadaeni iena tauanina do idia ania, bona lahi dekenai do idia gabua.

APOKALUPO 18:8

Unai bamona ia laloa dainai, dina tamona lalonai, hisihisi idauidau ia dekenai do idia ginidae, gorere, lalohisihisi, bona hitolo bada. Lahi ese do ia araia ore, badina be Lohiabada Dirava, unai lebulebu hahine ia kota henia Diravana, be mai ena siahu bada.”