IOSUA 6:19 - Buka Helaga (Hiri Motu) 1993

¹⁹ Siliva bona golo ibounai, bona auri laboralabora gaudia, bona auri gaudia ibounai be helaga, Lohiabada totona. Inai gaudia be Lohiabada ena kohu haboua gabuna dekenai do umui atodia.”

IOSUA 6:19 Iomraidhean Croise

2 SAMUELA 8:11

King Davida ese inai gaudia ia hahelagaia, Lohiabada ena. Ma ia halusia vadaeni bese haida danu dekena amo ia abia golo bona siliva danu Lohiabada henia totona, be Davida ese ia hahelagaia.

1 KING TAUDIA 14:26

Ia ese Lohiabada ena Dubu ena kohu namo herea, bona king ena ruma ena kohu namodia ia abia lao. Gau ibounai ia abia, golo kesi namodia danu, Solomona ese ia karaia gaudia ibounai ia abia lao.

1 KING TAUDIA 7:51

Vadaeni king Solomona ese Lohiabada ena Dubu Helaga ena gaukara ibounai ia karaia, ela bona idia ore. Unai neganai iena tamana Davida ese Lohiabada dekenai ia hahelagaia gaudia ibounai be Solomona ese Dubu Helaga ena kohu haboua sitoa gabuna dekenai ia udaia. Gaudia be inai: Siliva bona golo gaudia, uro bamona gaudia, pata bona helai gaudia.

2 KING TAUDIA 24:13

Lohiabada ese ia gwauraia guna hegeregere, Nebukanesa ese Dubu Helaga dekenai golo gaudia ibounai, king Solomona ese ia karaia gaudia, ia utua maragimaragi, bona Dubu Helaga bona king ena ruma edia kohu namodia ibounai ia abia lao Babulonia dekenai.

1 SIVARAI 18:11

King Davida ese inai gaudia ia hahelagaia, Lohiabada ena. Ma ia halusia vadaeni bese haida danu dekena amo ia abia golo bona siliva danu be Lohiabada henia totona Davida ese ia hahelagaia. Unai besedia be inai: Edoma, Moaba, Amono, Pilistia, bona Amaleka.

1 SIVARAI 26:20

Ahaisa, Levi iduhu tauna, ese Dirava ena Dubu kohu bona harihari gaudia helagadia haboua rumadia ia naria.

1 SIVARAI 26:26

Selomiti bona iena tadikakana taudia ese Dirava dekenai henia harihari gaudia, be haboua rumana dekenai idia naria. Inai harihari gaudia be king Davida, bese lohia taudia, iduhu lohia taudia, bona tuari biagudia ese idia hahelagaia, Dirava ena.

1 SIVARAI 26:27

Tuari dekenai idia abia kohu dekena amo, idia ese haida be harihari gaudia idia hahelagaia, bona Lohiabada ena Dubu Helaga lalonai idia atoa.

1 SIVARAI 26:28

Bona peroveta tauna Samuela, bona Saulo Kisa, bona Abinere Nere, bona Ioaba Seruia ese idia hahelagaia gaudia danu. Unai harihari gaudia helagadia ibounai be Selomiti bona iena tadikakana danu ese idia naria.

1 SIVARAI 28:12

Ma inai palani, Lauma ese ia henia gauna, be Davida ese Solomona dekenai ia henia: Lohiabada ena Dubu Helaga ena magudia, bona Dubu haba toi idia hagegea daiutudia, bona Dirava ena Dubu ena helaga gaudia haboua daiutudia, bona Lohiabada dekenai henia harihari gaudia haboua daiutudia danu.

2 SIVARAI 15:18

Asa ese danu iena tamana Abaisa ena harihari gaudia, bona ia sibona ena harihari gaudia Lohiabada dekenai ia henia siliva bona golo gaudia idauidau, be Lohiabada ena Dubu Helaga lalonai ia atodia vareai.

2 SIVARAI 31:12

Unai neganai taunimanima ese mai maoromaoro bona momokani danu edia harihari gaudia, bona edia karoa 10 dekena amo karoa ta, idia hahelagaia gaudia, idia mailaia. Inai gau ia naria bona gimaia tauna badana be Konanaia, Levi tauna, iena iharuana be iena tadina Simei.

NEHEMIA 10:38

Levi taudia ese inai karoa ta idia abia neganai, Arona besena, hahelagaia taudia be idia danu do idia noho. Bona Levi taudia ese unai karoa ta, be ma do idia karoa, karoa 10, vadaeni unai 10 dekena amo karoa ta be iseda Dirava ena Dubu ena kohu haboua daiutu dekenai do idia haboua.

IEREMIA 38:11

Vadaeni Ebede Meleke be unai tau toi danu king ena sitoa gabuna dekenai idia lao, dabua gunadia idia abia. Inai dabua be varo dekena amo lau dekenai idia atodia diho.

LEVITIKO 19:24

Lagani namba 4 dekenai unai huahua be do umui hahelagaia, bona lau Lohiabada dekenai, boubou bamona do umui henia. Inai kara dekenai, umui ese emui tanikiu lau Lohiabada dekenai do umui hedinaraia.

MIKA 4:13

Lohiabada ia gwau, “Umui Ierusalema taudia e, do umui toreisi, umui idia tuari henia taudia do umui panisidia! Lau ese umui do lau hagoadaia, emui goada be boromakau mai ena auri doana bona auri labora aena bamona. Umui ese bese momo do umui halusia. Bona unai bese ese tuari dekena amo idia abia kohu momo, be umui ese lau dekenai do umui henia. Lau be Lohiabada, tanobada ibounai ena Lohiabada.”

NUMERA 31:11

Bona idia abia kohu idia abia lao, ubua gaudia bona taunimanima danu idia hakaua lao.

NUMERA 31:12

Vadaeni Israela taudia ese tuari dekenai idia abia kohu, bona taunimanima bona ubua gaudia be Mose bona Eleasara bona Israela taudia edia hebou dekenai idia mailaia. Edia kamepa be Ieriko kahirakahira, Moaba tano palaka ena latanai, Ioridane Sinavai unai kahana dekenai.

NUMERA 31:22

Golo bona siliva bona auri laboralabora, bona auri bona tini bona ledi,

MATAIO 27:6

Vadaeni dubu biagudia ese inai siliva moni idia abia, idia gwau, “Ia namo lasi boubou ena maua dekenai do ita udaia, badina inai be rara ena davana.”

MAREKO 12:41

Iesu ia helai moni udaia maua badinai, ia itaia taunimanima ese moni idia udaia, moni bada taudia momo idia mai, moni bada idia udaia.

IOSUA 7:11

Israela taudia idia kara dika vadaeni! Idia ese lauegu gwauhamata taravatuna, idia danu lau karaia gauna idia hamakohia vadaeni. Lau ese lau taravatua gaudia be idia ese idia abia, idia henaoa, bona idia koikoi, unai gaudia be edia kohu lalonai idia hunia vadaeni.