IOSUA 6:18 - Buka Helaga (Hiri Motu) 1993

¹⁸ To umui naria namonamo, Lohiabada ese inai hanua ena gau ibounai umui dekenai ia taravatua dainai, gau ta do umui abia lasi, umui sibona do umui hadikaia garina, bona Israela kamepa ibounai ese, kerere bona dika momokani do ia davaria garina.

IOSUA 6:18 Iomraidhean Croise

2 SAMUELA 21:1

Davida be king neganai, hitolo ena nega ia vara, bona ia doko lasi ela bona lagani toi idia ore. Unai dainai Davida ese Lohiabada ia nanadaia, ia gwau, “Unai hitolo ena badina be dahaka.” Lohiabada ia gwau, “Kerere be Saulo bona Saulo ena iduhu taudia edia latanai, rara dainai, badina be ia ese Gibeona taudia ia alaia mase.”

HADIBAIA TAUNA 9:18

Aonega ena namo ese tuari gaudia edia namo ia hereaia noho. To bema tau tamona ese kara dika ia karaia neganai, ia ese kara namodia momo ia hadikaia diba.

IONA 1:12

Iona ia haere, ia gwau, “Umui ese lau do umui abia, bona davara dekenai lau do umui negea. Unai neganai lai guba be do ia doko. Lau diba, lauegu kerere dainai, inai lai guba dikana be umui dekenai ia vara.”

ROMA 12:9

Taunimanima umui lalokau henia koikoi lasi, to umui lalokau henia momokani. Dika do umui negea momokani, to namo do umui dogoatao momokani.

2 KORINTO 6:17

Unai dainai Lohiabada ma ia hereva, ia gwau: “Umui ese idia do umui rakatania, bona idia dekena amo do umui parara. Miro gaudia ibounai dekena amo do umui raka siri, vadaeni umui do lau abia dae.

EFESO 5:11

Dibura karadia, idia be anina lasi karadia, dekena amo do umui raka siri, to unai kara idia karaia taudia do umui sisiba henia, bona edia dika do umui gwauraia hedinarai.

DEUTERONOMI 13:17

“Inai hanua, mai ena gaudia, Lohiabada dekenai umui gabua gaudia ta do umui abia lasi, emui. Unai neganai Lohiabada ena badu ena siahu be do ia keruma, bona umui dekenai do ia bogahisihisi. Ia ese mai bogahisihisi danu umui do ia hanamoa, natuna momo umui dekenai do ia henia, emui sene taudia dekenai ia gwauhamata hegeregerena.

DEUTERONOMI 23:10

Bema tau ta be hanuaboi neganai iena vesi ia mai murimurinai, ia ese kamepa do ia rakatania, murimuri dekenai do ia noho.

DEUTERONOMI 7:26

Inai dirava laulau gaudia emui ruma dekenai do umui abia vareai lasi, edia dika ese umui do ia hadikaia ore garina. Unai bamona dirava laulau gaudia do umui negea momokani, badina idia be Lohiabada ese ia badu henidia momokani.”

IAMESI 1:27

To Keristani tauna ena kara goevagoeva bona momokani, Tamana Dirava ena vairanai be inai: Bema tamana bona sinana lasi maragidia bona vabu be mai edia hisihisi, ia ese do ia naridia. Bona tanobada ena kara mirodia dekena amo do ia raka siri.

IOSUA 7:1

Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.

IOSUA 7:13

“Iosua e, oi toreisi, taunimanima do oi hahelagaia, idia do oi hamaoroa, do oi gwau, ‘Inai be Lohiabada, Israela ena Dirava ena hereva umui dekenai: Umui dekenai be lau ese lau taravatua gaudia idia noho. Israela taudia e, umui be umui idia tuari henia taudia edia vairana dekenai do umui gini diba lasi, ela bona unai gaudia do umui kokia haorea momokani.’

IOSUA 7:15

Unai neganai lau ese lau taravatua gaudia dekenai idia davaria tauna be lahi dekenai do umui gabua ore, iena bese bona iena kohu ibounai danu. Badina be ia ese lau Lohiabada egu taravatu ia utua vadaeni, bona hemarai bada be Israela ena latanai ia mailaia vadaeni.”

IOSUA 7:25

Bona Iosua ia gwau, “Akana e, badina dahaka inai kerere bada be ai dekenai oi mailaia? To harihari Lohiabada ese oi dekenai kerere do ia mailaia!” Unai neganai Israela taudia ibounai ese nadi dekenai Akana idia hodoa mase, iena bese taudia ibounai danu. Edia tauanina bona edia gaudia ibounai danu, lahi dekenai idia gabua.

1 IOANE 5:21

Lauegu natuna e, do umui naria namonamo, dirava koikoidia garina.

1 SAMUELA 15:9

To Saulo bona iena tuari taudia ese Agaga idia hamauria, bona mamoe bona boromakau namodia, bona boromakau natudia bona mamoe natudia namodia be idia alaia lasi. Gau namodia be idia hadikaia ore lasi, to gau dikadia bona anina lasi gaudia sibona idia hadikaia ore.