IOSUA 6:17 - Buka Helaga (Hiri Motu) 1993

¹⁷ Inai hanua, bona ia lalonai gau ibounai, be boubou gauna Lohiabada dekenai dainai, do umui hadikaia ore momokani. To ariara hahine Rahaba sibona, mai ena ruma taudia ibounai danu do umui hamauria, badina be ia ese iseda hasinadoa taudia ia hunia dainai.

IOSUA 6:17 Iomraidhean Croise

GENESE 12:3

Oi idia hanamoa taudia be lauegu hanamoa do idia davaria, to oi idia hadikaia taudia be dohore lau hadikaia. Tanobada ena bese ibounai, be oi dainai namo bada do idia davaria.”

ESERA 10:8

Bona dina toi lalonai, tau ta bema ia mai lasi neganai, tau badadia bona lohia taudia ese iena kohu do idia kokia, bona ia be Babulonia ena hesiai mai guia danu dekena amo idia giroa mai taudia edia hebou dekena amo do idia atoa siri.

ISAIA 34:6

Lohiabada be mai ena tuari kaia. Iena tuari kaia, be rara dekenai ia honu momokani, bona digara danu dekena amo ia koua. Unai be mamoe natudia edia rara bamona, boubou totona idia mailaia mamoe tau, edia bogana ena digara bamona danu. Badina Lohiabada be mai ena boubou Bosera dekenai, bona ia ese Edoma tano dekenai, taunimanima momo do ia alaia.

IEREMIA 46:10

Aigupito ese unai bamona ia hereva, to unai dina be Lohiabada, Siahu Ibounai Lohiabada ena dina, badina hari dina ia ese dika ena davana do ia henia, ia dekenai idia tuari henia taudia edia dika davana, be do ia henia momokani. Lohiabada ena tuari kaia ese idia do ia ania, ela bona ia boga kunu, bona edia rarana do ia inua, ela bona ia ranu mase lasi. Hari inai dina dekenai Siahu Ibounai Lohiabada ese, boubou karana do ia karaia, mirigini kahana tano dekenai, Euperate Sinavai ena badibadinai.

ESEKIELA 39:17

Lohiabada Dirava ese lau dekenai ia hereva, ia gwau, “Tanobada tauna e, ataiai manudia idauidau bona uda boromadia ibounai dekenai do oi boiboi, do oi gwau, ‘Kahana ibounai dekena amo do umui haboua mai, boubou aria ta, lau Lohiabada ese do lau karaia hegaegae umui totona gauna do umui ania, boubou aria badana Israela ena ororodia dekenai. Vamu do umui ania, bona rara do umui inua.

LEVITIKO 27:21

bona Iubili Lagani do ia ginidae neganai, unai tano be Lohiabada ena tano helagana korikori do ia lao. Hahelagaia taudia ese do idia abia, edia tano.

MIKA 4:13

Lohiabada ia gwau, “Umui Ierusalema taudia e, do umui toreisi, umui idia tuari henia taudia do umui panisidia! Lau ese umui do lau hagoadaia, emui goada be boromakau mai ena auri doana bona auri labora aena bamona. Umui ese bese momo do umui halusia. Bona unai bese ese tuari dekena amo idia abia kohu momo, be umui ese lau dekenai do umui henia. Lau be Lohiabada, tanobada ibounai ena Lohiabada.”

MATAIO 25:40

“Vadaeni Lohiabada ese idia dekenai do ia haere, do ia gwau, ‘Umui lau hamaoroa momokani, inai lauegu tadikakana ogogami herea taudia dekenai unai bamona umui karaia neganai, be lau dekenai umui karaia vadaeni danu.’

1 KORINTO 16:22

Bema tau ta ese Lohiabada Iesu ia ura henia lasi, unai tau madi ia be dika momokani! Lohiabada Iesu e, mani oi mai!

1 KORINTO 2:7

Lau harorolaia aonega be Dirava ena. Inai aonega be hunia gauna, tanobada taudia idia diba lasi gauna. Tanobada ia do karaia lasi neganai, Dirava ese inai aonega dalana ia karaia hegaegae, ita ese hairai momokani dohore ita abia totona.

GALATIA 3:10

Haida idia laloa Taravatu idia badinaia dainai Dirava ese idia do ia gwauraia maoromaoro. Inai bamona taudia be do idia dika momokani! Badina be Buka Helaga be inai bamona ia gwau: “Daika tauna Taravatu ena hereva ta ta ibounai ia badinaia lasi, be Dirava ese unai tau do ia gwauraia dika momokani.”

GALATIA 3:12

To Taravatu be idau, abidadama danu be idau. Badina Buka Helaga inai bamona ia torea, ia gwau: “Taravatu ena hereva ta ta ibounai ia badinaia tauna ese mauri do ia davaria.”

DEUTERONOMI 20:17

Lohiabada ese ia oda hegeregerena, inai bese taudia do umui alaia ore momokani: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.

HEBERU 11:31

Ariara hahine Rahaba ese Dirava ia abidadama henia dainai, ia ese Israela hasinadoa taudia ruaosi edia itaia hunia gaukara ia durua. Vadaeni abidadama lasi taudia danu, be Rahaba ia mase lasi.

HEBERU 6:10

Dirava ena kara be gagevagageva lasi, ia be maoromaoro momokani. Unai dainai ia ese emui kara namodia do ia laloaboio lasi. Umui ese Dirava umui lalokau henia. Inai lalokau ese laloa namodia umui dekenai ia havaraia, vadaeni umui ese Dirava ena taudia umui durua vadaeni, bona do umui durua noho danu.

IAMESI 2:25

Unai bamona danu, ariara hahine Rahaba be iena kara dainai Dirava ena vairanai ia maoromaoro. Badina be ia ese Israela ena hesiai taudia iena ruma dekenai ia abidia dae, bona dala idauna dekena amo ia siaidia lao, vadaeni idia heau mauri.

IOSUA 2:1

Iosua Nunu ese hasinadoa taudia rua Sitima dekena amo hunia dekenai ia siaia. Ia oda henidia, ia gwau, “Do umui lao, Kanana tano do umui itaia, bona Ieriko hanua danu.” Vadaeni ruaosi be Ieriko hanua dekenai idia lao, bona ariara hahine ta, ena ladana be Rahaba, ena ruma dekenai idia daekau, unuseni idia noho.

IOSUA 2:22

Ruaosi idia raka lao, ororo kahana dekenai idia hunia. King ena taudia ese dina toi lalonai gabu ibounai idia tahua, to idia davaridia lasi, vadaeni Ieriko dekenai idia giroa lou.

IOSUA 7:1

Lohiabada ese Israela taudia ia oda henidia, Ieriko dekenai ia taravatua gaudia do idia abia lao lasi, to unai oda idia badinaia lasi. Tau ta, ena ladana be Akana ese inai oda ia kamonai henia lasi. Unai dainai Lohiabada ese Israela taudia dekenai ia badu momokani. Inai Akana ena tamana be Kami, bona iena tubuna badana be Sabadi. Akana ena sene tauna be Sera, bona iena iduhu be Iuda.

1 SAMUELA 15:3

Harihari do umui lao, Amaleka taudia do umui tuari henia, bona idia, bona edia gau ibounai do umui hadikaia ore. Idia do umui bogahisihisi henia lasi, to tau bona hahine, memero bona kekeni, rata idia inua natudia danu, bona boromakau, bona mamoe, bona kamelo, bona doniki, be do umui alaia mase momokani.’ ”

1 SAMUELA 15:6

Unai neganai Saulo ese Keni taudia ia hamaoroa, ia gwau, “Umui ese Amaleka taudia edia huanai dekena amo do umui raka siri, idia bona umui do ai hadikaia ore garina. Badina be umui ese Israela taudia ibounai umui bogahisihisi henia, Aigupito dekena amo idia raka siri neganai.” Unai dainai Keni taudia be Amaleka taudia edia huanai dekena amo idia raka siri.