IOSUA 5:6 - Buka Helaga (Hiri Motu) 1993

⁶ Badina be Israela taudia be lagani 40 taunimanima noho lasi tano dekenai idia loaloa, ela bona tatau ibounai, tuari taudia Aigupito dekena amo idia raka mai, be idia mase ore, badina be idia ese Lohiabada idia kamonai henia lasi. Bona Lohiabada ese ia gwauhamata henidia, edia sene dekenai ia gwauhamata henidia tano namona dekenai do idia raka vareai lasi.

IOSUA 5:6 Iomraidhean Croise

SALAMO 107:4

Haida be taunimanima idia noho lasi tano dekenai idia loaloa, bona hanua ta idia davaria lasi do idia noholaia totona.

ESODO 3:17

Lau gwauhamata vadaeni, Aigupito ena hisihisi dekena amo umui do lau hakaua siri, Kanana taudia bona Hiti taudia, bona Amoro taudia, bona Perisi taudia, bona Hivi taudia, bona Iebusu taudia edia tano dekenai umui dohore lau hakaua vareai. Inai tano be aniani namodia gabuna.’

ESODO 3:8

Lau diho mai inai, Aigupito taudia edia imana dekena amo do lau hamauridia totona. Unai tano dekena amo dohore lau hakaudia, ia lao bona tano namo herea dekenai. Tano badana dekenai dohore idia ginidae. Unai tano be aniani namodia gabuna, Kanana taudia edia tano unai, Hiti taudia edia, bona Amoro taudia edia, bona Perisi taudia edia, bona Hivi taudia edia, bona Iebusu taudia edia.

IEREMIA 2:2

“Oi lao, Ierusalema taudia ibounai inai bamona do oi hamaoroa, oi gwau: Ierusalema e, oiemu lalokau, oi be eregabe neganai, bona oiemu ura henia, ita headava matamata neganai, be lau laloa noho. Oi ese tano kaukau dekenai lauegu murinai oi raka. Unai tano be taunimanima ese, uhe idia hadoa diba lasi tanona.

ESEKIELA 20:15

To tano kaukau dekenai lau ese idia lau gwauhamata henia, idia do lau henia gwauraia tano, rata bona hani dekenai ia honu tano, tano namo herea momokani, tano ibounai ia hereaia gauna, ena lalonai do lau hakaudia vareai lasi.

ESEKIELA 20:6

Unai neganai danu idia dekenai lau gwauhamata, Aigupito dekena amo idia do lau hakaua lao, bona idia totona lau abia hidi tano, rata bona hani dekenai ia honu tano dekenai idia do lau hakaua vareai. Inai tano be namo herea momokani, tano ibounai ia hereaia tanona.

IOELA 3:18

“Unai neganai, ororo badadia dekenai, vain uma momo herea do idia vara noho, bona boromakau momo herea be, ororo maragidia ibounai dekenai rei do idia ania noho. Iuda ena sinavai bona sinavai maragidia ibounai, be mai edia ranu momo. Dubu Helaga dekena amo be ranu do ia heau mai, bona Akasia ena Koura dekenai ranu do ia henia.

NUMERA 14:23

Idia ta lasi ese edia sene taudia dekenai lau gwauhamata tanona do idia itaia. Momokani lau idia negea taudia ta ese unai tano do ia itaia lasi.

NUMERA 26:63

Inai iduhu ibounai be Mose bona Eleasara ese idia duahia, Moaba ena tano palaka, Ioridane Sinavai unai kahanai bona Ieriko kahirakahira Israela taudia idia duahia neganai.

DEUTERONOMI 1:3

To Israela taudia Aigupito idia rakatania murinai, lagani 40 idia lao ore vadaeni. Bona unai lagani 40 ena hua 11 ena dina ginigunana neganai, Mose ese Israela taudia dekenai ia haroro, Lohiabada ese ia henia oda ibounai idia dekenai ia hadibaia.

DEUTERONOMI 2:14

Kadesi Baranea ita rakatania ela bona Serede Sinavai ita hanaia, be lagani ibounai 38. Unai lagani 38 edia lalonai unai uru ena Israela tuari taudia ibounai idia mase ore, Lohiabada ese ia hereva hegeregerena.

DEUTERONOMI 2:7

“Badina be Lohiabada emui Dirava ese umui ia hanamoa vadaeni. Unai dainai emui gaukara ibounai ena anina ia vara namonamo. Bona Lohiabada ese inai taunimanima noho lasi tanona umui loaloa lalonai ia ese umui ia naria namonamo vadaeni. Io, inai lagani 40 lalonai Lohiabada emui Dirava ese umui ia naria vadaeni, emui aniani bona gau ibounai ia henia.

DEUTERONOMI 8:4

Unai lagani 40 ibounai lalonai umui emui dabua idia dika lasi, bona emui aena idia gudu lasi.

HEBERU 3:11

Vadaeni lauegu badu lalonai, gwauhamata metauna lau gwauraia, lau gwau, ‘Lauegu laga-ani gabuna dekenai do idia vareai lasi.’ ”

IOSUA 1:6

“Do oi goada, do oi gari lasi. Badina be oi ese inai bese do oi gunalaia, edia sene taudia dekenai lau gwauhamata henidia tanona do idia abia neganai.

IOSUA 24:7

Vadaeni emui tamadia ese Lohiabada dekenai idia tai, bona ia ese umui bona Aigupito taudia edia padadia dibura ia siaia. Bona Lohiabada ese davara dekenai Aigupito taudia ia koudia, idia mase. Aigupito taudia dekenai dahaka lau karaia be umui ese matana dekenai umui itaia. Inai murinai taunimanima noho lasi tano dekenai nega daudau umui noho.

IOSUA 5:5

Aigupito idia rakatania tatau ibounai be kopina utua kara idia abia vadaeni, to taunimanima idia noho lasi tano dekenai idia vara memero ese idia abia lasi momokani.

IOSUA 5:7

Unai dainai, idia edia natudia, edia tamadia edia gabu idia abia taudia, be Iosua ese edia kopina ia utua, badina be dala dekenai kopina utua kara idia abia lasi.