IOSUA 5:13 - Buka Helaga (Hiri Motu) 1993

¹³ Ieriko kahirakahira, be Iosua ese iena matana ia negea, iena vairana dekenai tau ta ia itaia, tuari kaia be iena imana dekenai. Iosua be ia dekenai ia raka lao, ia nanadaia, ia gwau, “Oi be ai dekenai oi durua, o ai dekenai oi tuari?”

IOSUA 5:13 Iomraidhean Croise

GENESE 18:1

Lohiabada ese Aberahamo dekenai ma ia hedinarai lou, Mamare ena au helagadia gabu dekenai. Dina tubu neganai Aberahamo ese iena palai ruma ena iduara dekenai ia helai noho.

GENESE 18:2

Vadaeni iena matana ia negea, tatau toi ia itaia unuseni idia gini. Ia itaia neganai, iena palai ruma iduara dekena amo ia heau lao, ia tui diho tano dekenai,

GENESE 28:16

Iakobo be mahuta dekena amo ia noga, ia gwau, “Momokani, Lohiabada be inai gabu dekenai, to lau diba lasi.”

GENESE 33:1

Iakobo ese iena matana ia negea, Esau ia itaia, mai ena tatau 400 idia mai noho. Unai dainai ia ese iena natuna orea ta ta dekenai ia haria karaia. Lea ese haida, Rahela ese haida, bona hesiai hahine rua ese haida idia hakaua.

GENESE 33:5

Esau ese hahine mai edia natudia ia itadia neganai, ia gwau, “Inai taudia be daika?” Iakobo ia haere, ia gwau, “Lohia e, inai be lauegu natuna, Dirava ese iena lalokau dekena amo lau dekenai ia henia taudia.”

1 SIVARAI 12:22

Dina ta ta be tuari taudia ma haida Davida dekenai idia mai noho, do idia durua totona, ia lao bona Davida ena tuari orea be bada herea momokani.

1 SIVARAI 21:27

Vadaeni Lohiabada ese unai aneru ia oda henia, bona aneru ese iena tuari kaia be ena udaia gauna dekenai ma ia atoa vareai.

1 SIVARAI 21:30

To Davida be mai ena dala lasi Gibeona do ia lao, Lohiabada tomadiho henia totona, badina be ia ese Lohiabada ena aneru ena tuari kaia dekenai ia gari bada.

ESODO 23:23

“Lauegu aneru be emui vairana dekenai do ia lao, Amoro taudia bona Hiti taudia bona Kanana taudia bona Hivi taudia bona Iebusu taudia edia tano dekenai umui do ia hakaua. Vadaeni inai taunimanima do lau hadikadia ore.

DANIELA 10:5

Lauegu matana lau negea daekau neganai, tau ta lau itaia, dabua aukana ia karaia, bona iena gaba gauna be golo.

DANIELA 8:3

Egu matana lau negea daekau neganai, lau itaia mamoe tau ta sinavai ena badinai ia gini. Iena doana be rua, badadia, gabeai ia tubu daekau gauna be ia bada, to ta be ia maragi sisina.

SEKARAIA 1:8

Hanuaboi lalonai, lau ese mata hanai dekenai Lohiabada ena aneru ta lau itaia, hosi kakakakana dekenai ia guia. Ia be koura lalonai ia gini, palauapalaua kurokuro audia edia huanai. Iena murinai be hosi haida, kakakakadia bona korema sisina, bona kurokurodia. Aneru be inai hosi dekenai idia guia.

NUMERA 22:23

Inai doniki ese Lohiabada ena aneru ia itaia, dala dekenai ia gini, mai ena tuari kaia iena imana dekenai. Vadaeni doniki be dala dekena amo ia raka siri, rei dekenai. To Balama ese doniki ia botaia, dala dekenai ma do ia lao totona.

NUMERA 22:31

Unai neganai Lohiabada ese Balama ena matana ia kehoa, vadaeni Balama ese Lohiabada ena aneru ia itaia dala dekenai, iena imana dekenai be tuari kaia ia noho. Vadaeni Balama be ia tui diho, bona iena vairana be tano dekenai ia atoa.

APOSETOLO EDIA KARA 1:10

Idia be matana dekenai guba idia itaia noho, Iesu ia daekau lao neganai, tau rua mai dabua kurokuro idia dekenai idia gini.

IOSUA 6:2

Vadaeni Lohiabada ese Iosua ia hamaoroa, ia gwau, “Kamonai, Ieriko hanua be oiemu imana dekenai lau atoa vadaeni, mai ena king bona mai ena tuari taudia danu.

APOKALUPO 1:13

Lamepa edia huanai tau ta ia gini, iena toana be Taunimanima ena Natuna bamona. Iena dabua be lata, ela bona iena aena dekenai, bona iena kemena be golo beleta ese ia hagegea.

GUNALAIA TAUDIA 13:11

Manoa be ia toreisi, iena adavana ena murinai ia raka, bona unai tau dekenai ia ginidae, vadaeni ia hereva, ia gwau, “Inai hahine dekenai ia hereva henia tauna be oi, ani?” Ia gwau, “Io, lau inai.”

GUNALAIA TAUDIA 13:22

Manoa ese iena adavana ia hamaoroa, ia gwau, “Momokani, ita be do ita mase, badina be Dirava ita itaia dainai.”