IOSUA 5:10 - Buka Helaga (Hiri Motu) 1993

¹⁰ Israela taudia be Gilegala dekenai idia noho neganai, idia ese Pasova aria idia karaia. Hua ena dina 14, adorahi neganai idia karaia, Ieriko tano palaka dekenai.

IOSUA 5:10 Iomraidhean Croise

2 SAMUELA 15:28

Lau ese taunimanima noho lasi gabunai do lau lao, bona Ioridane Sinavai hanaia gabudia dekenai do lau naria noho, ela bona umui dekena amo hereva lau kamonai.”

ESODO 12:11

Inai bamona do umui ania, emui rami do umui kwatua, emui tamaka emui aena dekenai, emui itotohi emui imana dekenai. Do umui ania haraga. Inai be Lohiabada ena Pasova aria.

ESODO 12:18

Hatubua lasi paraoa do umui ania, hua ginigunana ena dina 14 adorahi, ia lao bona dina 21 adorahi.

ESODO 12:6

Unai ubua gaudia do umui naridia ia lao bona hua ena dina 14, vadaeni dina ia diho kahirakahira neganai, Israela ena taudia ibounai ese edia mamoe natudia do idia alaia mase.

IEREMIA 39:5

To Babulonia tuari taudia ese idia luludia, bona idia ese Sedekaia idia dogoatao Ieriko ena tano palaka dekenai. Sedekaia idia abia mauri, bona Nebukanesa dekenai idia abia lao, Ribila hanua dekenai, Hamata tano lalonai. Unuseni Nebukanesa ese Sedekaia ena kerere davana ia gwauraia.

ESEKIELA 12:3

“Unai dainai, tanobada tauna e, oiemu kohu bona gau, be daudau do oi lao ena laolao totona do oi abia hegaegae. Bona dina lalonai, gabu daudau dekenai do oi lao noho tauna hegeregerena, oiemu varavara Israela taudia edia vairana dekenai do oi raka lao, ia lao bona ma gabu ta dekenai. Unai dagedage besena taudia, be sedira oiemu kara do idia itaia neganai, edia lalodia do idia kehoa idia be kamonai lasi taudia.

LEVITIKO 23:5

“Aigupito dekenai Dirava ese umui ia hamauria dinana (Pasova) be do umui laloa bada. Lohiabada ena Pasova dinana hamatamaia negana be dina ia diho neganai, hua ginigunana ena dina namba 14. Pasova dinana be dina tamona sibona.

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

IOSUA 4:19

Hua ginigunana ena dina 10 dekenai Israela taudia be Ioridane Sinavai dekena amo idia daekau lao, Gilegala dekenai idia kamepa, Ieriko ena dina daekau kahana dekenai.

IOSUA 5:11

Pasova dinana ia ore, kerukeru idia ese unai Kanana tano ena aniani idia ania, mai hatubua gauna lasi paraoa, bona idia gabua uiti gaudia danu.

IOSUA 9:6

Vadaeni inai Gibeona taudia be Iosua dekenai idia lao, Gilegala kamepa dekenai. Idia ese Iosua bona Israela taudia idia hamaoroa, idia gwau, “Ai be gabu daudau dekena amo ai mai vadaeni. Ai ura umui danu maino do ita karaia gwauraia.”

1 SAMUELA 7:16

Lagani ta ta ibounai Samuela be ia laolao, Betele bona Gilegala bona Misipa ia vadivadi henia. Bona unai gabudia dekenai Israela taudia ia kota henidia.