IOSUA 4:6 - Buka Helaga (Hiri Motu) 1993

⁶ Inai nadi be umui dekenai toa ta do idia lao. Vaira neganai, emui natudia ese umui do idia nanadaia, idia gwau, ‘Inai nadi edia anina be dahaka?’

IOSUA 4:6 Iomraidhean Croise

SALAMO 44:1

Dirava e, ai be aiemai taiana dekena amo sivarai ai kamonai. Aiemai tamadia ese ai idia hamaoroa vadaeni. Idia edia nega dekenai dahaka dahaka oi karaia, be ai dekenai idia gwauraia.

SALAMO 71:18

Momokani hari lau be buruka, bona egu huina idia kurokuro vadaeni. To Dirava e, lau do oi rakatania lasi. Lau ese oiemu siahu lau herevalaia noho neganai, lau dekenai do oi noho, bona oiemu goada be gabeai do idia vara besedia, dekenai do lau gwauraia hedinarai.

ESODO 12:14

Inai dina danu do umui laloa noho hanaihanai, iena aria danu do umui karaia Lohiabada ena. Uru ibounai taudia danu ese do idia karaia, bona aria ena taravatu do idia badinaia hanaihanai.

ESODO 13:14

“Vaira neganai, sedira emui natudia tau ese do idia nanadaia umui dekenai, do idia gwau, ‘Inai kara ena anina be dahaka?’ Do umui haere, umui gwau, ‘Lohiabada ese mai ena siahu bada, Aigupito, gaukara idia metau gabuna, dekena amo ai ia hakaua siri.

ESODO 13:9

Inai kara be toana ta, emui imana dekenai, o laloatao gauna ta emui baguna dekenai bamona. Inai be laloatao gauna dainai, emui uduna dekenai Lohiabada ena taravatu do umui herevalaia noho. Badina be Lohiabada ese mai iena siahu bada danu, Aigupito dekena amo ia hakaua siri umui.

ESODO 31:13

“Israela taudia do oi hamaoroa, ‘Sabati Dina, egu laga-ani dinana do umui matauraia nega ibounai. Badina ia be toa ta, lau bona umui iseda huanai, ela bona hanaihanai. Sabati Dina ese umui dekenai ia hedinaraia, lau Lohiabada ese umui lau abia hidi, bona umui be lauegu bese korikori umui lao vadaeni.

ISAIA 38:19

Mauri noho taudia ese, oi idia hanamoa noho, lau ese harihari oi lau hanamoa noho hegeregerena. Tamana taudia ese edia natudia dekenai, oiemu momokani bona maoromaoro idia hadibaia noho.

ISAIA 55:13

Au ginigini idia noho gabudia dekenai, saipresi audia do idia vara, bona ava ginigini idia noho gabudia dekenai, raurau momo audia do idia vara. Inai be do ia noho hanaihanai ena toa ta do ia lao, vadaeni umui itaia negadia ibounai, lau Lohiabada ese lau karaia vadaeni gaudia do umui laloa.”

ESEKIELA 20:12

Inai danu, egu Sabati Dina idia dekenai lau henia, toa ta do ia lao, lau bona idia, aiemai huana dekenai. Sabati Dina dekena amo do idia diba lau Lohiabada ese idia lau hahelagaia noho.

ESEKIELA 20:20

Bona egu Sabati Dinadia do umui matauraia, vadaeni Sabati be toa ta do ia lao, lau bona umui, iseda huana dekenai, vadaeni do umui diba lau be Lohiabada, emui Dirava.’

NUMERA 16:38

Lohiabada ena boubou patana dekenai idia henia dainai idia helaga. Unai dainai unai taudia, edia kara dika dainai idia mase taudia, edia lahi huaia auri kapusi do oi abia, bona hama dekenai idia do oi botaia palaka bona severasevera, bona boubou patana ena koua gauna ta do oi halaoa. Unai dekena amo unai auri laboralabora koua gauna be sisiba gauna ta Israela taudia dekenai do ia lao.”

APOSETOLO EDIA KARA 2:39

Badina be gwauhamata ia noho umui dekenai, bona umui emui natudia dekenai, bona daudau idia noho taudia ibounai dekenai, io, Lohiabada iseda Dirava ia boiboi henia taudia ibounai dekenai.”

DEUTERONOMI 11:19

Emui natudia dekenai inai Taravatu do umui hadibaia. Lohiabada ena Taravatu do umui herevalaia noho, emui ruma dekenai umui noho neganai, dala dekenai umui raka neganai, umui laga-ani neganai, bona umui gaukara neganai danu.

IOSUA 22:27

To toa gauna sibona, ai bona umui, iseda huanai, bona aiemai bese, bona emui bese edia huanai. Inai toa ena anina be, ai ese Lohiabada ai tomadiho henia noho momokani, iena Palai Dubu korikori dekenai. Unuseni gabua bouboudia, kara dika totona bouboudia, bona maino karaia bouboudia do ai karaia noho. Vadaeni nega gabeai umui emui natudia ese aiemai natudia dekenai inai bamona do idia gwau diba lasi, ‘Umui be Lohiabada ena bese taudia lasi.’

IOSUA 4:21

Vadaeni ia ese Israela taudia ia hamaoroa, ia gwau, “Vaira neganai, emui natudia ese umui do idia nanadaia, do idia gwau, ‘Inai nadi edia anina be dahaka?’

IOSUA 4:5

Idia dekenai ia hamaoroa, ia gwau, “Lohiabada emui Dirava ena Taravatu Maua ena vairanai do umui lao, sinavai ena huana dekenai. Vadaeni umui ta ta ese nadi ta ta do umui abia isi, emui pagana dekenai atoa, Israela ena iduhu be 12 hegeregerena.