IOSUA 4:3 - Buka Helaga (Hiri Motu) 1993

³ Vadaeni unai tatau 12 do oi hamaoroa, oi gwau, ‘Nadi 12, Ioridane Sinavai huana dekenai, hahelagaia taudia idia gini gabuna dekena amo do umui abia, do umui huaia lao, hari hanuaboi do umui kamepa gabuna dekenai do umui atodia.’ ”

IOSUA 4:3 Iomraidhean Croise

GENESE 28:22

Inai laloatao nadina danu hari lau haginia be Dirava ena ruma dekenai do lau halaoa. Gau ibounai lau dekenai do oi henia be dohore lau haria karaia, kahana ibounai 10, bona kahana ta do lau henia oi dekenai.”

SALAMO 103:2

Lauegu lauma e, Lohiabada do oi hanamoa. Iena hariharibada ibounai do oi laloaboio lasi.

SALAMO 11:4

Lohiabada be iena Dubu Helaga lalonai ia noho. Lohiabada ena terona be guba dekenai ia noho. Gabu ibounai dekenai idia noho taunimanima, be Lohiabada ese ia itaia noho, bona edia kara ibounai ia diba.

LUKA 19:40

To Iesu ese ia haere idia dekenai, ia gwau, “Lau hamaoroa umui dekenai, bema idia be mai regerege lasi, inai nadi do idia boiboi.”

IOSUA 24:27

Vadaeni Iosua ese Israela taudia ibounai ia hamaoroa, ia gwau, “Inai nadi be iseda uitnesi do ia lao. Inai nadi ese Lohiabada ese ita dekenai ia henia hereva ibounai ia kamonai vadaeni. Unai dainai inai nadi be iseda gwauhamata ena maka, vadaeni umui itaia negadia ibounai, be emui gwauhamata do umui laloa, emui Dirava do umui koia garina.”

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 4:4

Vadaeni Iosua ese tatau 12, iduhu 12 dekena amo ia abia hidi taudia ia boiridia.

IOSUA 4:8

Israela taudia ese Iosua ena oda hegeregere idia karaia. Idia ese nadi 12 Ioridane Sinavai ena huana dekenai idia abia, Israela iduhu 12 edia toana, Iosua ena oda hereva hegeregerena. Vadaeni idia huaia lao, edia kamepa gabuna dekenai idia atodia diho.

1 SAMUELA 7:12

Vadaeni Samuela ese nadi ta ia abia, Misipa bona Iesana edia huana dekenai ia haginia, bona unai nadi ena ladana ia atoa, Ebenesera. Ia gwau, “Lohiabada ese ita ia durua vadaeni, ia mai bona inai gabu dekenai.”