IOSUA 4:24 - Buka Helaga (Hiri Motu) 1993

²⁴ Unai bamona ia karaia dainai, tanobada taudia ibounai do idia diba Lohiabada ena siahu be bada herea, bona umui danu ese Lohiabada emui Dirava do umui gari henia, ela bona hanaihanai.’ ”

IOSUA 4:24 Iomraidhean Croise

1 KING TAUDIA 8:40

Unai dekena amo oiemu bese taudia ese oi do idia gari henia, edia sene taudia dekenai oi henia tano lalonai idia noho dinadia ibounai.

1 KING TAUDIA 8:60

Unai dekena amo tanobada besedia ibounai do idia diba, Lohiabada be Dirava, dirava idauna ta be lasi.

2 KING TAUDIA 19:19

Unai dainai, Lohiabada, aiemai Dirava e, oi dekenai lau noinoi, Senakeriba ena siahu dekena amo ai do oi hamauria. Vadaeni tanobada basileia ibounai be do idia diba, oi Lohiabada e, oi sibona be Dirava momokani.”

2 KING TAUDIA 5:15

Namana be Elisaia dekenai ia giroa lou, mai iena orea taudia ibounai danu. Elisaia ena vairanai Namana ia gini, ia gwau, “Harihari lau diba tanobada ibounai lalonai Dirava ta be lasi, to Israela ena Dirava sibona. Unai dainai mani emu kara, harihari gauna lau dekena amo do oi abia.”

1 SIVARAI 29:12

Kohu momo bona mataurai bada, be oi dekena amo idia mai noho. Gau ibounai oi biagua noho. Oiemu imana dekenai be goada bona siahu idia noho. Unai dainai oi ese taunimanima oi hagoadaia noho, bona idia oi hasiahua diba danu.

IOBU 40:9

Oiemu goada be lauegu goada hegeregerena, a? Oiemu gadona oi habadaia diba, lauegu gadona hegeregerena, a?

SALAMO 106:8

To iena gwauhamata dainai, ia ese idia ia hamauria, iena siahu badana do ia hedinaraia totona.

SALAMO 89:13

Momokani, oiemu siahu be bada herea, bona oiemu goada be bada momokani.

SALAMO 89:7

Aneru badadia edia hebou lalonai, idia ibounai be oi dekenai idia gari noho, bona aneru ibounai, oi Lohiabada idia hagegea aneru ibounai ese, oi idia gari henia noho.

ESODO 14:31

Aigupito taudia dekenai Lohiabada ese edena bamona ia karaia, be Israela taudia ese idia itaia, vadaeni idia gari Lohiabada dekenai, idia abidadama henia Lohiabada dekenai, iena hesiai tauna Mose danu idia abidadama henia.

ESODO 15:16

Edia kudouna dekenai idia hoa mai gari danu. Oiemu goada ia bada herea dainai, idia be nadi hegeregerena idia gini, idia marere lasi, ia lao bona oiemu taunimanima korikori ese idia hanaia vadaeni. Lohiabada e, ela bona oi ese oi ruhaia taudia ese, idia raka hanaia vadaeni.

ESODO 20:20

Vadaeni Mose ese idia dekenai ia hamaoroa, ia gwau, “Umui gari lasi, badina Dirava ia mai, be umui do ia tohoa totona. Vadaeni, inai gaudia umui itaia dainai, do umui gari henia noho, vadaeni do umui kara dika lasi.”

ESODO 9:16

To inai totona oi dekenai mauri lau henia vadaeni: Lauegu siahu dohore oi itaia, vadaeni tanobada taudia ibounai ese lauegu ladana dohore idia matauraia totona.

ISAIA 52:10

Lohiabada ese iena siahu helagana do ia gaukaralaia. Ia ese iena bese do ia hamauria, bona tanobada taudia ibounai ese, iena hamauria kara do idia itaia.

IEREMIA 32:40

“Lau ese egu gwauhamata tara-vatuna idia dekenai do lau henia, noho hanaihanai gauna. Lau ese idia hanamoa totona karadia do lau karaia noho, doko lasi, bona ura namodia idia dekenai do lau henia, vadaeni idia ese lau dekenai do idia gari nega ibounai. Unai dainai, idia ese lau dekena amo do idia raka siri lasi.

DEUTERONOMI 28:10

Unai neganai tanobada taudia ibounai ese do idia itaia, Lohiabada ese umui ia abia hidi vadaeni, iena bese korikori do umui lao, vadaeni umui dekenai do idia gari.

DEUTERONOMI 6:2

Vadaeni Lohiabada emui Dirava do umui gari henia, iena Taravatu, umui dekenai lau henia gaudia, do umui badinaia, umui bona emui natudia bona emui tubudia, emui mauri dinadia ibounai lalonai. Unai bamona neganai, emui mauri dinadia be do idia momo.

1 SAMUELA 17:46

Hari dina dekenai danu, Pilistia tuari taudia edia tauanina be ataiai dekenai manudia, bona uda boroma dekenai do lau henia. Unai neganai tanobada taudia ibounai do idia diba Dirava ta Israela dekenai ia noho.