IOSUA 4:18 - Buka Helaga (Hiri Motu) 1993

¹⁸ Hahelagaia taudia, Lohiabada ena Taravatu Maua idia huaia taudia, be Ioridane Sinavai dekena amo idia daekau mai. Vadaeni edia aena be tano kaukauna dekenai idia atoa neganai, Ioridane Sinavai be maoromaoro ia heau lou, bona abata ia daekau lou, guna bamona.

IOSUA 4:18 Iomraidhean Croise

1 SIVARAI 12:15

Inai goada taudia ese Ioridane Sinavai idia hanaia, hua ginigunana lalonai, abata bada neganai, bona idia ese koura dekenai noho taudia ibounai, dina daekau, bona dina diho kahadia noho taudia idia lulua ore.

ISAIA 8:8

Io, inai Asuria tuari oreana be Iuda tano do idia vareai mai, abata bamona. Inai abata ese Iuda tano ibounai do ia koua, bona iena dobu be do ia daekau lao, ela bona taunimanima edia aiona dekenai bamona.” Dirava be ita dekenai ia noho! Iena hanina ia atodia maoromaoro noho, bona iseda tano idia naria noho.

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 3:15

Taravatu Maua idia huaia, ela bona edia aena be sinavai ena ranu lalonai idia atoa. Unai nega dekenai, Ioridane Sinavai ia abata noho, badina unai sinavai ena kara be, uma anina utua negadia ibounai ranu ia abata momokani. To hahelagaia taudia ese edia aena be sinavai ena ranu dekenai idia atoa neganai, sinavai ena heau ia doko momokani.

IOSUA 4:11

Taunimanima ibounai idia raka hanaia vadaeni, unai neganai, Taravatu Maua bona hahelagaia taudia danu idia hanaia. Taunimanima ibounai ese matana dekenai idia itaia noho.

IOSUA 4:17

Vadaeni, Iosua ese hahelagaia taudia ia oda henia, ia gwau, “Ioridane Sinavai dekena amo do umui daekau mai.”

IOSUA 4:19

Hua ginigunana ena dina 10 dekenai Israela taudia be Ioridane Sinavai dekena amo idia daekau lao, Gilegala dekenai idia kamepa, Ieriko ena dina daekau kahana dekenai.