IOSUA 4:11 - Buka Helaga (Hiri Motu) 1993

¹¹ Taunimanima ibounai idia raka hanaia vadaeni, unai neganai, Taravatu Maua bona hahelagaia taudia danu idia hanaia. Taunimanima ibounai ese matana dekenai idia itaia noho.

IOSUA 4:11 Iomraidhean Croise

ISAIA 52:12

To inai neganai do umui raka mai haraga lasi, bona do umui heau mai lasi. Badina be Lohiabada, emui Dirava, ese umui do ia hakaua, bona kahana kahana ibounai dekena amo, ia ese umui do ia naria noho.

IOSUA 24:11

“Unai murinai Ioridane Sinavai umui hanaia, Ieriko dekenai umui ginidae. Ieriko taudia ese umui idia tuari henia. Amoro taudia, Perisi taudia, Kanana taudia, Hiti taudia, Girigasa taudia, Hivi taudia, bona Iebusu taudia ese danu umui idia tuari henia, to lau ese idia ibounai dekena amo umui dekenai kwalimu lau henia.

IOSUA 3:17

Bona Israela taudia ibounai be tano kaukau dekenai idia raka hanaia neganai, hahelagaia taudia, Lohiabada ena Taravatu Maua idia huaia noho taudia, be tano kaukau dekenai idia gini, Ioridane Sinavai ena huana dekenai. Unuseni idia gini noho, ela bona bese ibounai be Ioridane Sinavai idia raka hanaia vadaeni.

IOSUA 3:8

Hahelagaia taudia, Taravatu Maua idia huaia taudia do oi hamaoroa, Ioridane Sinavai dekenai do idia diho lao, bona sinavai isena kahirakahira, ranu lalonai do idia gini.”

IOSUA 4:10

Badina be hahelagaia taudia, Taravatu Maua idia huaia taudia, be Ioridane Sinavai ena huana dekenai idia gini, ela bona Lohiabada ese Iosua ia oda henia gaudia ibounai be taunimanima ese idia karaia haorea vadaeni. Inai gaudia be Mose ena oda ibounai, Iosua dekenai ia hamaoroa hegeregerena. Vadaeni taunimanima ibounai sinavai idia hanaia haraga.

IOSUA 4:12

Rubena iduhu taudia bona Gado iduhu taudia bona Manase iduhu kahana taudia, mai edia tuari gaudia edia imadia dekenai, be Israela taudia edia vairana dekenai idia raka hanaia, guna Mose ese ia oda hegeregerena.

IOSUA 4:18

Hahelagaia taudia, Lohiabada ena Taravatu Maua idia huaia taudia, be Ioridane Sinavai dekena amo idia daekau mai. Vadaeni edia aena be tano kaukauna dekenai idia atoa neganai, Ioridane Sinavai be maoromaoro ia heau lou, bona abata ia daekau lou, guna bamona.