IOSUA 4:10 - Buka Helaga (Hiri Motu) 1993

¹⁰ Badina be hahelagaia taudia, Taravatu Maua idia huaia taudia, be Ioridane Sinavai ena huana dekenai idia gini, ela bona Lohiabada ese Iosua ia oda henia gaudia ibounai be taunimanima ese idia karaia haorea vadaeni. Inai gaudia be Mose ena oda ibounai, Iosua dekenai ia hamaoroa hegeregerena. Vadaeni taunimanima ibounai sinavai idia hanaia haraga.

IOSUA 4:10 Iomraidhean Croise

SALAMO 119:60

Lau naria kava lasi, to karaharaga oiemu oda hereva lau kamonai henia.

ESODO 12:39

Vadaeni inai hatubua lasi paraoa, ranu dekenai idia kuia, Aigupito tano dekena amo idia raka siri neganai idia abia gauna, be idia gabua. Paraoa idia hatubua lasi, badina be Aigupito tano dekena amo idia luludia murimuri haraga herea dainai, idia be nega hegeregere lasi aniani idia nadua totona.

AONEGA HEREVADIA 27:1

Kerukeru gaudia totona do oi hekokoroku lasi, badina be oi diba lasi, dina ta dekenai dahaka do ia vara.

HADIBAIA TAUNA 9:10

Oiemu imana ese ia davaria gaukara ibounai, be do oi karaia mai oiemu goada ibounai danu. Badina be mase taudia edia gabu, oi lao gabuna, dekenai be kara ta lasi, laloa ta lasi, diba bona aonega ta lasi.

ISAIA 28:16

Unai dainai Lohiabada, Dirava Momokani ia hereva, ia gwau: “Lau ese Siona dekenai ruma ena badina nadi goadana ta do lau atoa. Do ia abidadama henia tauna, be do ia laloa daradara lasi.

2 KORINTO 6:2

Badina Dirava be inai bamona ia hereva, ia gwau: “Lauegu hariharibada henia ena dina ia ginidae neganai, umui emui taitai lau kamonai. Lau ese mauri umui do lau henia dinana ia ginidae neganai, umui dekenai durua do lau henia.” Umui kamonai! Dirava ena hari-haribada ita abia ena nega namona be harihari! Hari dina hamauria ita abia dae be namo!

DEUTERONOMI 31:9

Mose ese Lohiabada ena Taravatu ia torea, vadaeni Levi helaga taudia bona Israela tau badadia dekenai ia henia. Unai Levi taudia ese Lohiabada ena Taravatu Maua idia naria noho.

IOSUA 24:11

“Unai murinai Ioridane Sinavai umui hanaia, Ieriko dekenai umui ginidae. Ieriko taudia ese umui idia tuari henia. Amoro taudia, Perisi taudia, Kanana taudia, Hiti taudia, Girigasa taudia, Hivi taudia, bona Iebusu taudia ese danu umui idia tuari henia, to lau ese idia ibounai dekena amo umui dekenai kwalimu lau henia.

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 4:11

Taunimanima ibounai idia raka hanaia vadaeni, unai neganai, Taravatu Maua bona hahelagaia taudia danu idia hanaia. Taunimanima ibounai ese matana dekenai idia itaia noho.

IOSUA 4:9

To Iosua danu ese ma nadi 12 ia abia, Ioridane Sinavai ena huana dekenai ia haginidia. Ia haginidia gabuna be hahelagaia taudia, Taravatu Maua idia huaia taudia, idia gini gabuna. Unai nadi be do noho, ia mai bona hari dina.