IOSUA 3:8 - Buka Helaga (Hiri Motu) 1993

⁸ Hahelagaia taudia, Taravatu Maua idia huaia taudia do oi hamaoroa, Ioridane Sinavai dekenai do idia diho lao, bona sinavai isena kahirakahira, ranu lalonai do idia gini.”

IOSUA 3:8 Iomraidhean Croise

2 KING TAUDIA 2:6

Vadaeni Elia ese Elisaia dekenai ma ia hereva, ia gwau, “Elisaia e, mani emu kara iniseni oi noho, badina be Lohiabada ese lau ia oda, Ioridane Sinavai dekenai do lau lao.” To Elisaia ia haere, ia gwau, “Mauri Lohiabada ena ladanai, bona oiemu ladanai danu, lau ese oi do lau rakatania lasi.” Vadaeni idia ruaosi idia raka lao.

2 SIVARAI 29:15

Idia ese edia tadikakadia idia haboua, bona idia sibona idia hahelagaia. Vadaeni king ese ia hamaorodia hegeregerena, Dubu Helaga idia hagoevaia hamatamaia, Lohiabada ena hereva hegeregerena.

2 SIVARAI 29:27

Vadaeni Hesekaia ese idia ia oda henia, gabua bouboudia be boubou patana dekenai do idia henia. Boubou henia kara idia hamatamaia neganai, Lohiabada hanamoa ane idia abia, bona kibi idia hiriria, bona Davida, Israela ena king, ena gaudia idia botaia bona gadaralaia.

2 SIVARAI 29:30

Unai neganai king Hesekaia, bona lohia taudia ese Levi taudia idia oda henia, Davida bona peroveta tauna Asapa ena Lohiabada hanamoa ane do idia abia. Vadaeni idia ibounai ese mai moale bada danu Lohiabada hanamoa ane idia abia, bona idia tui diho, Dirava idia tomadiho henia.

2 SIVARAI 30:12

Dirava ese danu Iuda dekenai ia gaukara noho, ia ese taunimanima edia lalodia ia hatamonaia, king bona iena lohia taudia edia hereva do idia kamonai henia totona. Unai dekena amo idia ese Dirava ena ura idia karaia.

NEHEMIA 13:22

Unai neganai Levi taudia lau oda henidia, idia ese sibodia do idia hagoevaia, bona do idia lao, Ierusalema ena magu ikoukou ibounai do idia gimaia, Sabati Dina be do idia hahelagaia momokani totona. Egu Dirava e, inai kara danu dainai lau do oi laloatao, lau do oi hanamoa, bona oiemu lalokau badana dainai lau do oi bogahisihisi henia.

NEHEMIA 13:28

Iehoiada ena natuna tau ta, hahelagaia tauna Eliasibi ena tubuna, be Sanubalata, Horono tauna, ena ravana maragina. Unai dainai lau ese Ierusalema dekena amo Iehoiada lau lulua siri.

ESODO 14:13

To Mose ia gwau, “Umui gari lasi, umui gini auka masemase, Lohiabada ena hamauria kara do umui itaia, hari dina umui dekenai do ia hamauria, badina be Aigupito taudia harihari umui itaia, be do umui itaia lou lasi, lasi bona lasi momokani.

LALOHISIHISI 3:26

Unai dainai Lohiabada ese ita do ia hamauria totona, do ita naria noho be namo, do ita naria mai abidadama danu be namo.

IOSUA 3:17

Bona Israela taudia ibounai be tano kaukau dekenai idia raka hanaia neganai, hahelagaia taudia, Lohiabada ena Taravatu Maua idia huaia noho taudia, be tano kaukau dekenai idia gini, Ioridane Sinavai ena huana dekenai. Unuseni idia gini noho, ela bona bese ibounai be Ioridane Sinavai idia raka hanaia vadaeni.

IOSUA 3:3

taunimanima idia oda henia, idia gwau, “Hahelagaia taudia, Levi iduhu taudia, ese Lohiabada emui Dirava ena Taravatu Maua do idia huaia, umui itaia neganai, do umui toreisi, Maua ena murinai do umui raka.

IOSUA 3:7

Lohiabada ese Iosua ia hamaoroa, ia gwau, “Hari dina lau ese oi do lau hanamoa hamatamaia Israela taudia ibounai edia vairanai. Vadaeni do idia diba lau ese oi lau bamoa noho, Mose lau bamoa hegeregerena.

IOSUA 3:9

Vadaeni Iosua ese Israela taudia ia hamaoroa, ia gwau, “Umui mai, Lohiabada emui Dirava, ena hereva do umui kamonai!”

IOSUA 4:11

Taunimanima ibounai idia raka hanaia vadaeni, unai neganai, Taravatu Maua bona hahelagaia taudia danu idia hanaia. Taunimanima ibounai ese matana dekenai idia itaia noho.