IOSUA 3:7 - Buka Helaga (Hiri Motu) 1993

⁷ Lohiabada ese Iosua ia hamaoroa, ia gwau, “Hari dina lau ese oi do lau hanamoa hamatamaia Israela taudia ibounai edia vairanai. Vadaeni do idia diba lau ese oi lau bamoa noho, Mose lau bamoa hegeregerena.

IOSUA 3:7 Iomraidhean Croise

1 SIVARAI 29:25

Lohiabada ese Israela taudia ibounai edia vairana dekenai Solomona ena sivarai ia habadaia, bona king ena hairaina namo herea ia henia. Iena king siahuna ese ia idia gunalaia Israela king ibounai edia siahuna ia hereaia momokani.

2 SIVARAI 1:1

Solomona, king Davida ena natuna tau, ese sibona ena siahu ia haginia auka, Israela basileia ena lalonai. Lohiabada, iena Dirava, be Solomona danu ia noho, bona ia ese Solomona ena siahu ia habadaia momokani.

IOBU 7:17

“Dirava e, taunimanima be dahaka, oi ese oi abia isi, bona iena ladana oi habadaia? Bona iena kara dekenai, badina dahaka oi laloa bada noho?

SALAMO 18:35

Lohiabada e, oi ese lau oi gimaia, bona lau oi hamauria noho. Oiemu imana dekena amo lau oi dogoatao. Oiemu naria kara ese, lauegu ladana ia habadaia vadaeni.

IOANE 17:1

Iesu unai bamona ia hereva, vadaeni guba dekenai ia itaia, ia guriguri, ia gwau, “Egu Tamana e, negana inai, emu Natuna do oi hanamoa, vadaeni emu Natuna ese oi do ia hanamoa.

FILIPI 1:20

Lauegu ura badana, bona lau laloa bada noho gauna be inai: Egu gaukara do lau karaia namonamo, bona hemarai karana ta do lau karaia lasi. Lau ura harihari, bona nega ibounai, Keriso do lau gwauraia hedinarai, mai gari lasi danu, bona mai egu lalona ibounai. Unai dekena amo taunimanima do idia diba Keriso ena siahu be bada momokani. Oibe, lau mauri o lau mase, be gau ta lasi, gau badana be Keriso do lau hanamoa.

IOSUA 1:17

Guna ai ese nega ibounai Mose ai kamonai henia hegeregerena, ai ese oi do ai kamonai henia. Bona ai diba Lohiabada, oiemu Dirava be oi dekenai ia noho, guna, Mose dekenai ia noho hegeregerena.

IOSUA 1:5

“Iosua e, oiemu mauri dinadia ibounai lalonai tau ta ese oi do ia halusia diba lasi. Lau be oi dekenai do lau noho, Mose dekenai lau noho hegeregerena. Nega ibounai oi do lau bamoa, bona oi do lau rakatania lasi.

IOSUA 1:9

Oi lau hamaoroa vadaeni, ani, do oi goada bona do oi boga auka. Do oi gari lasi, bona oiemu lalona do ia manoka lasi, badina be lau Lohiabada, oiemu Dirava, ese oi loaloa gabudia ibounai dekenai oi do lau bamoa noho.”

IOSUA 3:6

Iosua ese hahelagaia taudia ia hamaoroa, ia gwau, “Taravatu Maua do umui abia isi, taunimanima edia vairana dekenai do umui raka guna.” Vadaeni Taravatu Maua idia abia isi, bona idia edia vairanai idia raka lao.

IOSUA 3:8

Hahelagaia taudia, Taravatu Maua idia huaia taudia do oi hamaoroa, Ioridane Sinavai dekenai do idia diho lao, bona sinavai isena kahirakahira, ranu lalonai do idia gini.”

IOSUA 4:14

Unai dina dekenai Lohiabada ese Israela taudia edia vairanai Iosua ia hanamoa bada. Israela taudia ese Iosua idia matauraia bada, iena mauri dinadia ibounai, guna Mose idia matauraia hegeregerena.