IOSUA 3:6 - Buka Helaga (Hiri Motu) 1993

⁶ Iosua ese hahelagaia taudia ia hamaoroa, ia gwau, “Taravatu Maua do umui abia isi, taunimanima edia vairana dekenai do umui raka guna.” Vadaeni Taravatu Maua idia abia isi, bona idia edia vairanai idia raka lao.

IOSUA 3:6 Iomraidhean Croise

1 KING TAUDIA 8:3

Israela tau badadia be unai neganai Solomona dekenai idia ginidae, vadaeni hahelagaia taudia ese Taravatu Maua idia abia isi,

2 SIVARAI 5:4

Israela tau badadia be unai neganai Solomona dekenai idia ginidae, vadaeni hahelagaia taudia ese Taravatu Maua idia abia isi,

MIKA 2:13

Dirava ese iena bese taudia edia dala do ia kehoa, vadaeni edia guia dekena amo do ia hakaudia mai. Unai tano idauna ena hanua magu iduara do idia hamakohia, murimuri dekenai do idia lao. Edia king, Lohiabada be unai, ese idia do ia gunalaia.

NUMERA 10:33

Unai neganai Sinai, Lohiabada ena ororo idia rakatania, bona dina toi idia raka lao. Lohiabada ena Taravatu Maua danu be dina toi lalonai idia edia vairana dekenai idia huaia lao, edia laga-ani gabuna ia tahua.

NUMERA 14:15

Bema oiemu bese ibounai oi alaia ore neganai, oiemu sivarai idia kamonai besedia do idia gwau,

HEBERU 6:20

Iesu ese ita ia gunalaia, bona ita dainai unai Gabu dekenai ia raka vareai vadaeni. Ia be Hahelagaia Tauna Badana ia halaoa vadaeni. Ia be Melekisedeka ena orea tauna ela bona hanaihanai.

IOSUA 3:3

taunimanima idia oda henia, idia gwau, “Hahelagaia taudia, Levi iduhu taudia, ese Lohiabada emui Dirava ena Taravatu Maua do idia huaia, umui itaia neganai, do umui toreisi, Maua ena murinai do umui raka.

IOSUA 3:5

Vadaeni Iosua ese taunimanima ia hamaoroa, ia gwau, “Hari dina umui sibona do umui hahelagaia, badina be kerukeru Lohiabada ese umui emui huanai hoa kara do ia karaia.”

IOSUA 3:7

Lohiabada ese Iosua ia hamaoroa, ia gwau, “Hari dina lau ese oi do lau hanamoa hamatamaia Israela taudia ibounai edia vairanai. Vadaeni do idia diba lau ese oi lau bamoa noho, Mose lau bamoa hegeregerena.

IOSUA 6:6

Unai dainai, Iosua Nunu ese hahelagaia taudia ia boiria, ia gwau, “Taravatu Maua do umui abia isi, bona umui ibounai 7 ese nani tau edia doana kibi 7 do umui huaia, bona Lohiabada ena Taravatu Maua ena vairanai do umui raka.”