IOSUA 3:5 - Buka Helaga (Hiri Motu) 1993

⁵ Vadaeni Iosua ese taunimanima ia hamaoroa, ia gwau, “Hari dina umui sibona do umui hahelagaia, badina be kerukeru Lohiabada ese umui emui huanai hoa kara do ia karaia.”

IOSUA 3:5 Iomraidhean Croise

IOBU 1:5

Unai bamona aria idia ore murinai, Iobu ese nega ibounai dabai ia toreisi, Lohiabada dekenai boubou ia henia, iena natuna ibounai edia miro kara do ia hagoevaia totona. Inai bamona ia karaia nega ibounai, badina be inai bamona ia laloa, “Sedira lauegu natuna be idia kara dika, sedira Lohiabada ena ladana idia hadikaia kava.”

SALAMO 77:15

Oiemu siahu dekena amo oiemu bese taudia oi hamauria. Idia be Iakobo bona Iosepa edia bese taudia.

SALAMO 86:10

badina oi be bada, bona oi ese hoa karadia oi karaia noho. Oi sibona be Dirava.

IOELA 2:16

Taunimanima ibounai do umui haboua mai. Hebou helagana totona do idia noho hegaegae neganai, idia do umui boiria mai. Hanua tau badadia do umui haboua. Memero bona kekeni danu do umui gogoa mai, rata idia inua natudia danu. Headava matamata taudia danu, tau bona hahine ese, edia ruma ena daiutu do idia rakatania, hebou dekenai do idia vareai.

LEVITIKO 10:3

Unai neganai Mose ese Arona ia hamaoroa, ia gwau, “Lohiabada be inai bamona ia hereva vadaeni, ani? Ia gwau, ‘Egu orea taudia dekenai lau be helaga, bona lauegu gaukara idia karaia taudia ese egu helaga do idia matauraia. Taunimanima ibounai ese lauegu hairaina do idia itaia, bona lau do idia hanamoa.’ ” To Arona be hereva ta ia gwauraia lasi.

LEVITIKO 20:7

Unai dainai umui ese sibona do umui hahelagaia, bona do umui helaga noho, badina lau be Lohiabada, emui Dirava.

NUMERA 11:8

Taunimanima ese dabai inai mana idia gogoa. Idia be gwada-gwada auna lalonai idia gwadaia ela bona paraoa bamona idia halaoa, o nadi uili, metau gauna, dekena amo idia moia maragimaragi, vadaeni uro dekenai idia nadua, bona keke idia karaia. Iena mamina be paraoa bona olive huahua ena digara danu idia mikisi hebou bamona.

IOANE 17:19

Bona idia durua totona lau sibona egu mauri lau henia inai, oi dekenai lau helaga, idia danu be oi dekenai do idia helaga momokani totona.

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 3:15

Taravatu Maua idia huaia, ela bona edia aena be sinavai ena ranu lalonai idia atoa. Unai nega dekenai, Ioridane Sinavai ia abata noho, badina unai sinavai ena kara be, uma anina utua negadia ibounai ranu ia abata momokani. To hahelagaia taudia ese edia aena be sinavai ena ranu dekenai idia atoa neganai, sinavai ena heau ia doko momokani.

IOSUA 3:4

Unai dala dekenai emui raka dalana do umui diba, badina be inai gabu be guna umui itaia lasi. To Taravatu Maua kahirakahira do umui raka lasi, ia bona umui, padana ena daudau be kilomita ta bamona.”

IOSUA 3:6

Iosua ese hahelagaia taudia ia hamaoroa, ia gwau, “Taravatu Maua do umui abia isi, taunimanima edia vairana dekenai do umui raka guna.” Vadaeni Taravatu Maua idia abia isi, bona idia edia vairanai idia raka lao.

IOSUA 7:13

“Iosua e, oi toreisi, taunimanima do oi hahelagaia, idia do oi hamaoroa, do oi gwau, ‘Inai be Lohiabada, Israela ena Dirava ena hereva umui dekenai: Umui dekenai be lau ese lau taravatua gaudia idia noho. Israela taudia e, umui be umui idia tuari henia taudia edia vairana dekenai do umui gini diba lasi, ela bona unai gaudia do umui kokia haorea momokani.’

1 SAMUELA 16:5

Samuela ia gwau, “Mai maino danu lau mai, Lohiabada dekenai boubou do lau henia totona. Umui ibounai do umui helaga, vadaeni lau danu do umui mai.” Vadaeni Samuela ese Iese, mai iena natuna tau danu ia hahelagaia, bona idia ia boiria, boubou gabuna dekenai idia lao.