IOSUA 3:17 - Buka Helaga (Hiri Motu) 1993

¹⁷ Bona Israela taudia ibounai be tano kaukau dekenai idia raka hanaia neganai, hahelagaia taudia, Lohiabada ena Taravatu Maua idia huaia noho taudia, be tano kaukau dekenai idia gini, Ioridane Sinavai ena huana dekenai. Unuseni idia gini noho, ela bona bese ibounai be Ioridane Sinavai idia raka hanaia vadaeni.

IOSUA 3:17 Iomraidhean Croise

2 KING TAUDIA 2:8

Vadaeni Elia ese iena dabua badana ia abia, ia lokua, bona dabua dekenai sinavai ranu ia botaia. Vadaeni sinavai ranu be ia parara, ranu be kahana ia lao, bona kahana ia lao, bona tano kaukau ia noho. Unai tano kaukau dekenai Elia bona Elisaia ese sinavai idia raka hanaia.

SALAMO 66:6

Davara be tano kaukauna dekenai ia halaoa. Ma aiemai sene taudia ese aena dekena amo sinavai idia raka hanaia. Unai Dirava ese ia karaia gaudia dainai ita moale bada noho.

ESODO 14:21

Mose ese iena imana ia atoa maoromaoro davara ena ataiai, vadaeni Lohiabada ese lai, dina ia daekau kahana dekena amo ia siaia, davara ia haloua, vadaeni davara ia hapararaia. Hanuaboi ena hora ibounai be lai ia toa, bona davara be tano kaukau Lohiabada ese ia halaoa.

ESODO 14:22

Vadaeni Israela taudia ese tano kaukauna dekenai davara idia raka hanaia, davara ena ranu be haba bamona edia imana idiba kahana dekenai, bona edia imana lauri kahana dekenai danu.

ESODO 14:29

To Israela taudia be tano kaukau dekenai idia raka hanaia, davara ena huana dekenai, ranu be haba bamona, edia imana idiba kahana dekenai, bona edia imana lauri kahana dekenai.

ISAIA 25:8

Ia ese danu mase do ia haorea momokani ela bona hanaihanai. Siahu Ibounai Lohiabada danu ese tai ena ranu be taunimanima ibounai edia matadia dekena amo do ia dahua ore. Ia ese danu iena bese taudia edia hemarai, be tanobada ena kahana ibounai dekena amo do ia kokia, badina be Lohiabada be inai bamona ia hereva vadaeni.

NUMERA 33:51

“Israela taudia lau hamaoroa inai: Ioridane Sinavai do umui hanaia, Kanana tano dekenai umui ginidae neganai,

HEBERU 11:29

Israela taudia ese Dirava idia abidadama henia dainai, Davara Kakakaka idia raka hanaia, tano kaukau dekenai idia raka bamona. To Aigupito taudia ese unai bamona idia raka toho neganai, idia maloa, idia mase.

IOSUA 4:1

Israela bese ibounai ese Ioridane Sinavai idia hanaia vadaeni neganai, Lohiabada ese Iosua dekenai ia oda, ia gwau,

IOSUA 4:10

Badina be hahelagaia taudia, Taravatu Maua idia huaia taudia, be Ioridane Sinavai ena huana dekenai idia gini, ela bona Lohiabada ese Iosua ia oda henia gaudia ibounai be taunimanima ese idia karaia haorea vadaeni. Inai gaudia be Mose ena oda ibounai, Iosua dekenai ia hamaoroa hegeregerena. Vadaeni taunimanima ibounai sinavai idia hanaia haraga.

IOSUA 4:11

Taunimanima ibounai idia raka hanaia vadaeni, unai neganai, Taravatu Maua bona hahelagaia taudia danu idia hanaia. Taunimanima ibounai ese matana dekenai idia itaia noho.

IOSUA 4:22

Unai neganai emui natudia do umui hamaoroa, umui gwau, ‘Israela taudia be inai Ioridane Sinavai idia raka hanaia, tano kaukauna dekenai.

IOSUA 4:3

Vadaeni unai tatau 12 do oi hamaoroa, oi gwau, ‘Nadi 12, Ioridane Sinavai huana dekenai, hahelagaia taudia idia gini gabuna dekena amo do umui abia, do umui huaia lao, hari hanuaboi do umui kamepa gabuna dekenai do umui atodia.’ ”

IOSUA 5:1

Amoro king taudia ibounai Ioridane Sinavai ena dina diho kahanai, bona Kanana king taudia ibounai kone kahana dekenai idia noho, be Israela edia sivarai idia kamonai. Idia kamonai Lohiabada ese Ioridane Sinavai ia hakaukaua, vadaeni Israela taudia idia raka hanaia vadaeni. Vadaeni unai king taudia idia gari bada, bona edia kudoudia be idia manoka Israela taudia dainai.