IOSUA 3:16 - Buka Helaga (Hiri Motu) 1993

¹⁶ Vadaeni sinavai ena ataiai kahana ranu be ia gini, magu bamona. Unai ranu ia gini gabuna be daudau, hanua ta ena ladana Adamu ena badibadinai. Unai be Saretana kahana ena hanua ta. To sinavai ena henuna kahana dekenai ia heau ranuna be Arabaha Gohuna dekenai ia vareai, ia boio. Unai Arabaha Gohuna ena ladana ta be Davara Mase. Vadaeni Israela taudia be sinavai idia raka hanaia, Ieriko hanua kahirakahira.

IOSUA 3:16 Iomraidhean Croise

GENESE 14:3

Inai king 5 be idia haboua tamona Sidima Koura dekenai. Inai gabu, hari ena ladana be Mase Davara.

1 KING TAUDIA 4:12

Bana Ahiluda: Tanaka, bona Megido hanua, bona Bete Seana hanua ena tano ibounai. Unai be Saretana ena badibadinai, Ieserele ena henunai. Bona Bete Seana dekena amo ela bona Abele Mehola, ela bona Iokomeama hanua danu.

1 KING TAUDIA 7:46

Guna king Solomona ese Hurama ia hamaoroa, inai gaudia ibounai be Ioridane Sinavai ena Koura dekenai do ia karaia, gabu ta, Sukoto hanua bona Saretana hanua edia huana dekenai. Unai gabu dekenai be raro tano namona ia noho.

SALAMO 114:3

Davara Kakakaka ese gau ta ia itaia, vadaeni ia heau! Ioridane Sinavai ese iena ranu ena heau ia hadokoa, ena ranu ia gini noho!

SALAMO 114:5

Davara e, dahaka ia vara, vadaeni oi heau? Bona Ioridane Sinavai e, badina dahaka oiemu ranu ena heau oi hadokoa?

SALAMO 29:10

Lohiabada ese ranu dobu abata badana ia biagua noho. Lohiabada be iena terona dekenai ia helai noho, bona do ia King ela bona hanaihanai.

SALAMO 33:7

Lohiabada ese davara ena ranu, ia haboua gabu tamona dekenai, hegeregere tau ta ese hodu tamona, be ranu dekenai ia hahonua bamona. Lohiabada ese davara badana ia naria, vadaeni iena gabu korikori dekenai ia noho.

SALAMO 66:6

Davara be tano kaukauna dekenai ia halaoa. Ma aiemai sene taudia ese aena dekena amo sinavai idia raka hanaia. Unai Dirava ese ia karaia gaudia dainai ita moale bada noho.

SALAMO 74:15

Oi ese tano oi hapararaia, ranu do ia lohilohi, bona do ia heau lao totona, bona nega daudau idia heau vadaeni sinavai, be oi ese oi hakaukaua.

SALAMO 77:19

Oi ese davara ena hurehure edia huana dekenai oi raka. Oi ese davara dobu oi raka hanaia, to oiemu aena gabudia, be tau ta ese ia itaia lasi.

SALAMO 78:13

Dirava ese danu davara ia hapararaia, bona idia ese idia raka hanaia. Ia ese ranu ia haginia, magu ruaosi bamona.

ESODO 14:21

Mose ese iena imana ia atoa maoromaoro davara ena ataiai, vadaeni Lohiabada ese lai, dina ia daekau kahana dekena amo ia siaia, davara ia haloua, vadaeni davara ia hapararaia. Hanuaboi ena hora ibounai be lai ia toa, bona davara be tano kaukau Lohiabada ese ia halaoa.

ESODO 14:22

Vadaeni Israela taudia ese tano kaukauna dekenai davara idia raka hanaia, davara ena ranu be haba bamona edia imana idiba kahana dekenai, bona edia imana lauri kahana dekenai danu.

ESODO 14:29

To Israela taudia be tano kaukau dekenai idia raka hanaia, davara ena huana dekenai, ranu be haba bamona, edia imana idiba kahana dekenai, bona edia imana lauri kahana dekenai.

ESODO 15:8

Hurehure dekenai, oiemu uduna ena hodahoda oi henia, vadaeni hurehure idia haboua. Idia lao gabu tamona dekenai haboua, idia gini haba bamona. Davara ena dobu gabuna dekenai, be iena tano ia auka momokani.

ISAIA 50:2

“Lauegu bese dekenai lau lao, idia do lau hamauria totona, to lau dekenai idia laloa lasi. Badina dahaka lauegu boiboi dekenai idia haere lasi? Lau be lau manoka noho, vadaeni idia lau hamauria diba lasi, a? Lau ese egu hereva dekena amo, davara be gabu kaukau lau halaoa diba. Bona sinavai be tano kaukau lau halaoa diba, vadaeni unai sinavai gwarume, be ranu lasi dainai idia mase.

ESEKIELA 47:8

Vadaeni ia ese lau ia hamaoroa, ia gwau, “Inai ranu be dina daekau kahana dekenai ia heau lao noho, ia lao bona Ioridane Sinavai ena koura dekenai, bona unai dekena amo Davara Mase dekenai do ia heau vareai. Davara Mase dekenai inai sinavai ena ranu do ia vareai neganai, ia ese iena damena do ia kokia, bona davara ena ranu be damena lasi ranu do ia halaoa.

NAHUMU 1:4

Lohiabada ese davara ia gwau henia noho, bona ia kaukau lao! Ia ese danu sinavai edia ranu ibounai ia haorea, idia kaukau lao. Basana bona Karamele edia uma gabudia, be idia dika lao noho, bona Lebanona ena palauapalaua idia mase noho.

HABAKUKU 3:8

Lohiabada e, oi ese lai oi siaia, ia ese sinavai bona davara edia hurehure bada ia havaraia. Sedira oi be badu dainai, unai bamona oi karaia, a? Oi ese ori oi guia, hosi bamona, bona guba ena ori koremana, be oiemu tuari kariota bamona. Oi ese oiemu bese taudia dekenai kwalimu oi henidia, idau bese taudia idia tuari henidia neganai.

NUMERA 34:3

“Emui tano hetoana diho kahana dekenai be Sini ena tano kaukau dekena amo Edoma hetoana dekenai do ia lao, ela bona Davara Mase ena dina daekau kahanai.

DEUTERONOMI 1:1

Inai buka lalonai Mose ese Israela taudia ibounai ia haroro henidia. Ia haroro gabuna be taunimanima noho lasi tano, Ioridane Sinavai ena dina daekau kahana dekenai. Unai gabu be Araba, Supu kahirakahira. Kahana ta dekenai be Parana, ma kahana ta dekenai be Topele, Labana, Haseroto bona Disahaba.

DEUTERONOMI 3:17

Edia dina diho kahana tano hetoana be Ioridane Sinavai, Kinerete Gohu, mirigini kahana dekena amo, ela bona Davara Mase, ma ela bona Pisiga Ororo, dina daekau kahana dekenai.”

IOSUA 12:3

Bona Arabaha ena dina daekau kahana tano danu be Sihona ena, Galilea Gohu ena dina daekau kahana dekena amo ela bona Bete Iesimoto, ela bona Davara Mase, bona diho kahana tano ela bona Pisiga Ororo ena henuna tanona.

IOSUA 15:2

Inai tano hetoana diho kahana dekenai be Davara Mase ena diho kahana dokona.

IOSUA 16:7

Ianoa dekena amo ia diho lao, ela bona Ataroto bona Nara, bona Ieriko dekenai ia kamokau, ma ia lao, bona Ioridane Sinavai dekenai ia doko.

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 4:22

Unai neganai emui natudia do umui hamaoroa, umui gwau, ‘Israela taudia be inai Ioridane Sinavai idia raka hanaia, tano kaukauna dekenai.

IOSUA 5:1

Amoro king taudia ibounai Ioridane Sinavai ena dina diho kahanai, bona Kanana king taudia ibounai kone kahana dekenai idia noho, be Israela edia sivarai idia kamonai. Idia kamonai Lohiabada ese Ioridane Sinavai ia hakaukaua, vadaeni Israela taudia idia raka hanaia vadaeni. Vadaeni unai king taudia idia gari bada, bona edia kudoudia be idia manoka Israela taudia dainai.

GUNALAIA TAUDIA 7:22

Kibi ibounai 300 idia hiriria neganai, Lohiabada ese unai kamepa ena tuari taudia edia huanai daradara ia havaraia, idia kavakava bamona, vadaeni idia ta ta, edia tuari kaia, edia tuari kaia idia abia, sibodia edia bamona taudia idia tuari henia. Vadaeni Midiana tuari taudia idia heau, ela bona Bete Sita, Serere kahana dekenai, ela bona Abele Mehola hetoa gabunai, Tabata kahirakahira.