IOSUA 3:15 - Buka Helaga (Hiri Motu) 1993

¹⁵ Taravatu Maua idia huaia, ela bona edia aena be sinavai ena ranu lalonai idia atoa. Unai nega dekenai, Ioridane Sinavai ia abata noho, badina unai sinavai ena kara be, uma anina utua negadia ibounai ranu ia abata momokani. To hahelagaia taudia ese edia aena be sinavai ena ranu dekenai idia atoa neganai, sinavai ena heau ia doko momokani.

IOSUA 3:15 Iomraidhean Croise

2 KING TAUDIA 2:6

Vadaeni Elia ese Elisaia dekenai ma ia hereva, ia gwau, “Elisaia e, mani emu kara iniseni oi noho, badina be Lohiabada ese lau ia oda, Ioridane Sinavai dekenai do lau lao.” To Elisaia ia haere, ia gwau, “Mauri Lohiabada ena ladanai, bona oiemu ladanai danu, lau ese oi do lau rakatania lasi.” Vadaeni idia ruaosi idia raka lao.

1 SIVARAI 12:15

Inai goada taudia ese Ioridane Sinavai idia hanaia, hua ginigunana lalonai, abata bada neganai, bona idia ese koura dekenai noho taudia ibounai, dina daekau, bona dina diho kahadia noho taudia idia lulua ore.

1 SIVARAI 12:16

Beniamina bona Iuda iduhu taudia haida be Davida ena gabu aukana dekenai idia mai.

ISAIA 26:6

Dagedage taudia idia hahisia taudia edia aedia ese, unai hanua idia moia diho noho, ogogami taudia edia aedia ese, bona mai edia gau lasi taudia danu edia aedia ese.

IEREMIA 12:5

Lohiabada ia gwau, “Ieremia e, bema taunimanima danu oi heau helulu noho, bona oi be manoka neganai, oi be hosi danu edena bamona do oi heau helulu diba? Bona bema tano namona dekenai oi moru neganai, oi be Ioridane Sinavai ena uda gabuna, edena bamona do oi raka hanaia diba?

IEREMIA 49:19

Kamonai, laiona ta be Ioridane Sinavai ena isena ena uda gabuna dekena amo mamoe edia magu aukana do ia hadikaia totona ia mai noho hegeregerena, lau ese do lau toreisi, bona karaharaga Edoma taudia ibounai do lau lulua lao, edia tano dekena amo. Unai neganai lau ese do lau abia hidi tauna ese edia tano do ia biagua. Badina daika be lau hegeregerena? Daika ese lau dekenai ia hepapahuahu diba? Edena tano ena king be egu vairana dekenai do ia gini diba?

NAHUMU 1:4

Lohiabada ese davara ia gwau henia noho, bona ia kaukau lao! Ia ese danu sinavai edia ranu ibounai ia haorea, idia kaukau lao. Basana bona Karamele edia uma gabudia, be idia dika lao noho, bona Lebanona ena palauapalaua idia mase noho.

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 4:18

Hahelagaia taudia, Lohiabada ena Taravatu Maua idia huaia taudia, be Ioridane Sinavai dekena amo idia daekau mai. Vadaeni edia aena be tano kaukauna dekenai idia atoa neganai, Ioridane Sinavai be maoromaoro ia heau lou, bona abata ia daekau lou, guna bamona.