IOSUA 3:14 - Buka Helaga (Hiri Motu) 1993

¹⁴ Vadaeni Israela taudia ese edia kamepa gabuna idia rakatania, Ioridane Sinavai hanaia totona. Hahelagaia taudia ese Taravatu Maua idia huaia lao, Israela taudia edia vairana dekenai.

IOSUA 3:14 Iomraidhean Croise

SALAMO 132:8

Lohiabada e, do oi toreisi, oiemu laga-ani gabuna dekenai do oi mai, bona oi ese oiemu Taravatu Maua do oi mailaia. Inai Maua be oiemu siahu ena toana.

IEREMIA 3:16

Lohiabada ma ia gwau, “Emui tano dekenai natuna momo do umui havaraia, bona do umui momo herea. Unai neganai umui ese Lohiabada ena Taravatu Maua do umui herevalaia lou lasi. Emui bese taudia be inai Maua do idia laloa lou lasi, bona do idia laloatao lasi. Taravatu Maua totona do idia nanadaia lasi, bona ta ma do idia karaia lou lasi.

DEUTERONOMI 31:26

“Inai Taravatu Buka do umui abia, Lohiabada, emui Dirava ena Taravatu Maua ena badibadinai do umui atoa. Inai Buka unuseni ia noho ese, Lohiabada ena bese taudia do ia samania noho.

HEBERU 9:4

Inai Helaga Herea Gabuna lalonai be pata helagana ta, golo gauna, kwalahu mai bonana ia latanai do idia karaia totona. Taravatu Maua, ena kopina be golo kavakava dekena amo idia koua gauna, danu unuseni ia noho. Taravatu Maua lalonai be uro ta, golo gauna, bona uro lalonai be mana aniani ia noho. Unai Maua lalonai danu be Arona ena itotohi, ia latanai raurau idia tubu gauna. Bona inai Maua lalonai be nadi palaka rua, edia latanai Dirava ese Taravatu ia torea gaudia.

IOSUA 24:11

“Unai murinai Ioridane Sinavai umui hanaia, Ieriko dekenai umui ginidae. Ieriko taudia ese umui idia tuari henia. Amoro taudia, Perisi taudia, Kanana taudia, Hiti taudia, Girigasa taudia, Hivi taudia, bona Iebusu taudia ese danu umui idia tuari henia, to lau ese idia ibounai dekena amo umui dekenai kwalimu lau henia.

IOSUA 3:3

taunimanima idia oda henia, idia gwau, “Hahelagaia taudia, Levi iduhu taudia, ese Lohiabada emui Dirava ena Taravatu Maua do idia huaia, umui itaia neganai, do umui toreisi, Maua ena murinai do umui raka.

IOSUA 3:6

Iosua ese hahelagaia taudia ia hamaoroa, ia gwau, “Taravatu Maua do umui abia isi, taunimanima edia vairana dekenai do umui raka guna.” Vadaeni Taravatu Maua idia abia isi, bona idia edia vairanai idia raka lao.

IOSUA 6:6

Unai dainai, Iosua Nunu ese hahelagaia taudia ia boiria, ia gwau, “Taravatu Maua do umui abia isi, bona umui ibounai 7 ese nani tau edia doana kibi 7 do umui huaia, bona Lohiabada ena Taravatu Maua ena vairanai do umui raka.”