IOSUA 3:13 - Buka Helaga (Hiri Motu) 1993

¹³ Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”

IOSUA 3:13 Iomraidhean Croise

1 SIVARAI 29:11

Lohiabada e, goada bona siahu bona hairai bona kwalimu, bona King ena toana be oiemu. Guba bona tanobada dekenai idia noho gaudia ibounai be oiemu. Oi be King momokani, basileia ibounai be oi ese oi biagua noho.

SALAMO 33:7

Lohiabada ese davara ena ranu, ia haboua gabu tamona dekenai, hegeregere tau ta ese hodu tamona, be ranu dekenai ia hahonua bamona. Lohiabada ese davara badana ia naria, vadaeni iena gabu korikori dekenai ia noho.

SALAMO 74:15

Oi ese tano oi hapararaia, ranu do ia lohilohi, bona do ia heau lao totona, bona nega daudau idia heau vadaeni sinavai, be oi ese oi hakaukaua.

SALAMO 78:13

Dirava ese danu davara ia hapararaia, bona idia ese idia raka hanaia. Ia ese ranu ia haginia, magu ruaosi bamona.

ESODO 15:8

Hurehure dekenai, oiemu uduna ena hodahoda oi henia, vadaeni hurehure idia haboua. Idia lao gabu tamona dekenai haboua, idia gini haba bamona. Davara ena dobu gabuna dekenai, be iena tano ia auka momokani.

ISAIA 54:5

Badina be ia ese oi ia karaia Diravana be oiemu adavana, iena ladana be Siahu Ibounai Lohiabada. Israela ena Dirava Helagana ese oi do ia hamauria. Ia be tanobada ibounai ena Dirava idia gwauraia noho.

HABAKUKU 3:15

Oiemu hosi dekenai oi guia, bona iena aena dekenai davara oi moia, bona inai kara dainai, davara dobu ena hurehure bada idia toreisi.

SEKARAIA 4:14

Vadaeni ia gwau, “Inai be tau rua, Dirava ese idia ruaosi ia abia hidi vadaeni, bona olive ena dehoro dekenai ia hahelagadia vadaeni. Idia ese tanobada ena kahana ibounai ena Lohiabada ena hesiai gaukara do idia karaia.”

IOSUA 3:11

Umui kamonai: Tanobada ibounai ena Lohiabada ena Taravatu Maua ese umui do ia gunalaia, Ioridane Sinavai umui hanaia neganai.

IOSUA 4:7

Unai neganai idia do umui hadibaia, umui gwau, ‘Ioridane Sinavai ena ranu be Lohiabada ena Taravatu Maua ena vairana dekenai ia siri. Taravatu Maua idia huaia hanaia neganai, ranu be kahana ta ia siri momokani. Inai nadi be Israela taudia edia laloatao toana, idia itadia neganai, iniseni idia vara gaudia do idia laloa lou.’ ”