IOSUA 3:11 - Buka Helaga (Hiri Motu) 1993

¹¹ Umui kamonai: Tanobada ibounai ena Lohiabada ena Taravatu Maua ese umui do ia gunalaia, Ioridane Sinavai umui hanaia neganai.

IOSUA 3:11 Iomraidhean Croise

1 SIVARAI 29:11

Lohiabada e, goada bona siahu bona hairai bona kwalimu, bona King ena toana be oiemu. Guba bona tanobada dekenai idia noho gaudia ibounai be oiemu. Oi be King momokani, basileia ibounai be oi ese oi biagua noho.

IOBU 41:11

Daika ese do ia heatu henia? Tanobada tauna ta ese ia karaia diba lasi.

SALAMO 24:1

Tanobada bona ia lalonai noho gaudia ibounai, be Lohiabada ena. Tanobada bona ia lalonai noho taunimanima, ibounai be Lohiabada ena.

SALAMO 97:5

Ororo be kandolo bamona idia veve noho, Lohiabada ena vairana dekenai, badina ia be tanobada ena kahana ibounai ena Lohia Badana.

ISAIA 3:12

Egu bese taudia madi, memero ese idia hisihisi henidia noho, bona hahine ese idia biagudia noho. Egu bese taudia e, emui gunalaia taudia ese, umui idia hakaua kerere noho, vadaeni dala maoromaorona dekena amo umui raka siri noho.

ISAIA 54:5

Badina be ia ese oi ia karaia Diravana be oiemu adavana, iena ladana be Siahu Ibounai Lohiabada. Israela ena Dirava Helagana ese oi do ia hamauria. Ia be tanobada ibounai ena Dirava idia gwauraia noho.

IEREMIA 10:7

Bese idauidau edia King, Lohiabada e! Daika ese oi dekenai do ia gari lasi? Badina oi dekenai idia gari, be oiemu ahuna korikori. Lohiabada e, bese idauidau edia aonega taudia ibounai edia huanai, bona edia basileia ibounai edia lalonai, oi hegeregerena ta ia noho lasi.

MIKA 4:13

Lohiabada ia gwau, “Umui Ierusalema taudia e, do umui toreisi, umui idia tuari henia taudia do umui panisidia! Lau ese umui do lau hagoadaia, emui goada be boromakau mai ena auri doana bona auri labora aena bamona. Umui ese bese momo do umui halusia. Bona unai bese ese tuari dekena amo idia abia kohu momo, be umui ese lau dekenai do umui henia. Lau be Lohiabada, tanobada ibounai ena Lohiabada.”

SEPANAIA 2:11

Lohiabada ese idia do ia dagedage henia, bona Lohiabada ese, tanobada ena dirava idauidau ibounai do ia hadikaia ore. Unai neganai bese idauidau edia basileia ibounai ese, Lohiabada do idia tomadiho henia, idia ta ta, edia gabu, edia gabu dekenai.

SEKARAIA 14:9

Bona Lohiabada be tanobada ibounai ena King do ia lao. Taunimanima ibounai ese ia dekenai do idia tomadiho henia, edia Dirava. Unai dina neganai Lohiabada be do ia tamona, bona iena ladana danu be do ia tamona.

SEKARAIA 4:14

Vadaeni ia gwau, “Inai be tau rua, Dirava ese idia ruaosi ia abia hidi vadaeni, bona olive ena dehoro dekenai ia hahelagadia vadaeni. Idia ese tanobada ena kahana ibounai ena Lohiabada ena hesiai gaukara do idia karaia.”

SEKARAIA 6:5

Aneru ia haere, “Inai hosi be guba ena lauma 4, idia be harihari sibona tanobada ena kahana ibounai ena Lohiabada idia rakatania, bona ia dekena amo idia mai noho inai.

DEUTERONOMI 9:3

To hari dina do umui diba Lohiabada emui Dirava be umui vairana dekenai do ia hanaia, lahi bada bamona. Ia ese Anaki taudia do ia hadikaia bona hamanokaia. Vadaeni umui ese idia do umui lulua bona alaia ore haraga, Lohiabada ese umui dekenai ia gwauhamata hegeregerena.

IOSUA 3:13

Vadaeni, hahelagaia taudia, Lohiabada, tanobada ibounai ena Lohiabada, ena Taravatu Maua idia huaia taudia ese ranu dekenai edia aena idia atoa neganai, Ioridane Sinavai ena heau do ia doko. Bona sinavai ena ataiai kahana dekena amo ia mai ranuna be do ia gini, magu bamona.”