IOSUA 3:10 - Buka Helaga (Hiri Motu) 1993

¹⁰ Iosua ma ia gwau, “Umui raka vaira neganai Lohiabada ese Kanana taudia bona Hiti taudia bona Perisi taudia bona Girigasa taudia bona Amoro taudia bona Iebusu taudia umui emui vairana dekenai do ia luludia lao. Inai dekena amo do umui diba Mauri Diravana be umui emui huanai ia noho.

IOSUA 3:10 Iomraidhean Croise

GENESE 15:21

Amoro taudia edia tano, Kanana taudia edia tano, Girigasa taudia edia tano, bona Iebusu taudia edia tano.”

1 KING TAUDIA 22:28

Mikaia ia gwau, “Bema mai mauri danu oi giroa mai, vadaeni Lohiabada be lau dekena amo ia hereva lasi.” Ma Mikaia ia hereva, ia gwau, “Taunimanima ibounai e, lauegu hereva do umui kamonai namonamo.”

2 KING TAUDIA 19:4

Sedira Lohiabada, oiemu Dirava, ese Rabesake, Asuria ena king ese ia siaia tauna ena hereva dika ia kamonai vadaeni. Mauri Dirava ia hadikaia totona, hereva dika ia gwauraia vadaeni. Sedira Lohiabada, oiemu Dirava ese ia kamonai hereva ena davana do ia henia. Unai dainai iseda taunimanima, idia do noho taudia, dainai mani Dirava do oi noia.”

1 SIVARAI 1:14

Kanana ese danu ia havaraia bese taudia be inai: Iebusu, Amoro, Girigasa,

SALAMO 42:2

Dirava e, oi be mauri ena Dirava, bona oi lau ura henia noho, ranu mase neganai, ranu lau ura henia bamona. Dirava e, edena negai oiemu vairana dekenai oi do lau tomadiho?

SALAMO 9:16

Lohiabada ese sibona ena kara, be ia hedinaraia vadaeni, iena kota maoromaoro dekena amo. Kara dika taudia be edia kara ese, idia ia hadikaia noho.

ESODO 17:7

Unai gabu ena ladana idia atoa Masa, ena anina be “Dibagani”, bona Meriba, ena anina be “Maumau”, badina be Israela taudia ese idia maumau, bona Lohiabada idia dibagania dainai. Badina unai neganai edia hereva be, “Lohiabada be ita dekenai ia noho o lasi?”

ESODO 3:8

Lau diho mai inai, Aigupito taudia edia imana dekena amo do lau hamauridia totona. Unai tano dekena amo dohore lau hakaudia, ia lao bona tano namo herea dekenai. Tano badana dekenai dohore idia ginidae. Unai tano be aniani namodia gabuna, Kanana taudia edia tano unai, Hiti taudia edia, bona Amoro taudia edia, bona Perisi taudia edia, bona Hivi taudia edia, bona Iebusu taudia edia.

ESODO 33:2

Aneru ta umui emui vairana dekenai do lau siaia, bona Kanana taudia, bona Amoro taudia, bona Hiti taudia bona Perisi taudia bona Hivi taudia bona Iebusu taudia do lau lulua, bona kokia.

ISAIA 7:14

Unai dainai Lohiabada sibona ese oi dekenai toa ta do ia henia, inai bamona: Kekeni ta, tau ia do diba lasi, be do ia rogorogo, natuna ta do ia havaraia, mero ta, bona iena ladana do idia atoa, Emanuela.

IEREMIA 10:10

To Lohiabada be Dirava korikori, ia be mauri ena Dirava, bona noho hanaihanai King. Ia badu neganai tano ia marere bada noho. Iena badu ena henunai, basileia idauidau idia goada diba lasi.

HOSEA 1:10

To gabeai Israela taudia be do idia momo herea, kone dekenai ia noho miri bamona, duahia diba lasi. Harihari Dirava ese ia gwau, “Umui be lauegu bese lasi,” to dina ta gabeai, Dirava ese Israela do ia herevalaia, “Umui be mauri ena Dirava ena natuna taudia!”

NUMERA 13:29

Diho kahana dekenai Amaleka taudia idia noho. Ororo gabudia dekenai Hiti taudia, Iebusu taudia bona Amoro taudia idia noho. To kone dekenai bona Ioridane Sinavai dekenai be Kanana taudia idia noho.”

MATAIO 16:16

Simona Petero ia haere, ia gwau, “Oi be Keriso, Mauri Diravana ena Natuna.”

IOANE 6:69

Ai be ai abidadama henia, bona ai diba vadaeni, oi be Dirava ena Helaga Tauna.”

DEUTERONOMI 31:17

Unai dina dekenai lau be idia dekenai do lau badu, bona idia do lau rakatania, bona lauegu vairana be idia dekena amo do lau hunia, vadaeni do idia dika momokani. Hisihisi bona hekwarahi momo do idia davaria. Vadaeni unai neganai do idia gwau, ‘Inai dika be ita dekenai idia ginidae badina be iseda Dirava be ita dekenai ia noho lasi, ani?’

DEUTERONOMI 5:26

“ ‘Badina be taunimanima ta ese mauri Dirava ena gadona lahi dekena amo ia kamonai vadaeni, ita kamonai hegeregerena, bona ia be do mauri noho, a?

DEUTERONOMI 7:1

Ma Mose ia hereva, ia gwau, “Lohiabada, emui Dirava, ese do umui noholaia tano dekenai umui do ia hakaua vareai neganai, umui emui vairana dekenai bese ibounai 7 do ia lulua. Inai bese be: Hiti taudia, Girigasa taudia, Amoro taudia, Kanana taudia, Perisi taudia, Hivi taudia, Iebusu taudia.

DEUTERONOMI 7:21

Do umui gari henidia lasi, badina be Lohiabada, emui Dirava, be umui dekenai ia noho. Ia be Dirava badana, taunimanima ibounai ese ia dekenai idia gari bada.

1 TESALONIKA 1:9

Inai taudia ese, umui dekenai gaukara ai hamatamaia ena sivarai idia herevalaia noho. Oibe, umui ese ai umui abia dae namo herea, emui kaivakuku ibounai umui rakatania, bona Dirava dekenai umui tomadiho henia. Oibe, mauri bona momokani Diravana ena hesiai gaukara taudia umui halaoa vadaeni.

HEBERU 10:31

Mauri Dirava ena imana ese bema ita do ia panisi henia, be mai gari bada momokani.

IOSUA 11:3

Iabina ese danu hereva ia siaia lao Kanana taudia dekenai, dina daekau kahanai bona dina diho kahanai, bona Amoro taudia, Hiti taudia, Perisi taudia, bona Iebusu taudia, ororo dekenai noho taudia, bona Hivi taudia, Heremona Ororo henunai, Misipa tano dekenai idia noho taudia danu.

IOSUA 12:8

Ororo gabudia, dina ia diho kahana ororo edia henunai tanodia, Arabaha ena tano palaka, dina daekau kahana ena ororo hekei gabudia, tano kaukau, bona Negebe tanona. Unai tanodia dekenai be guna inai bese taudia idia noho: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.

IOSUA 21:45

Israela taudia dekenai ia gwauhamata henia gaudia ibounai, be Lohiabada ese ia badinaia momokani.

IOSUA 22:31

Bona Pineha, hahelagaia tauna Eleasara ena natuna ese Rubena, bona Gado, bona Manase taudia ia hamaoroa, ia gwau, “Harihari ai diba Lohiabada be iseda huana dekenai ia noho, badina be umui ese iena hereva umui negea lasi momokani. Bona unai dainai umui ese Lohiabada ena badu dekena amo Israela taudia ibounai umui hamauria vadaeni.”

IOSUA 24:11

“Unai murinai Ioridane Sinavai umui hanaia, Ieriko dekenai umui ginidae. Ieriko taudia ese umui idia tuari henia. Amoro taudia, Perisi taudia, Kanana taudia, Hiti taudia, Girigasa taudia, Hivi taudia, bona Iebusu taudia ese danu umui idia tuari henia, to lau ese idia ibounai dekena amo umui dekenai kwalimu lau henia.

IOSUA 3:9

Vadaeni Iosua ese Israela taudia ia hamaoroa, ia gwau, “Umui mai, Lohiabada emui Dirava, ena hereva do umui kamonai!”

IOSUA 9:1

Ioridane Sinavai ena dina diho kahanai king taudia ibounai, ororo dekenai bona tano palaka dekenai, Davara Badana kone dekenai ela bona Lebanona kahanai, ese Israela taudia edia kwalimu sivarai idia kamonai. Inai king edia bese be inai: Hiti taudia, Amoro taudia, Kanana taudia, Perisi taudia, Hivi taudia, bona Iebusu taudia.

1 SAMUELA 17:26

Davida ese iena badibadinai idia gini taudia ia nanadaia, ia gwau, “Inai Pilistia tauna do ia alaia mase bona inai hemarai, Israela dekena amo ia kokia tauna be dahaka do ia abia? Badina be inai Pilistia tauna, kopina utua lasi tauna, be daika, ia be Mauri ena Dirava ena tuari orea do ia hereva dika henia?”

1 SAMUELA 26:6

Vadaeni Davida ese Ahimeleka, Hiti tauna, bona Abisai Seruia, Ioaba ena tadina, ia nanadaia, ia gwau, “Daika be lau danu kamepa ena lalonai do ita lao, Saulo dekenai?” Abisai ia gwau, “Lau be oi danu do ita lao.”