IOSUA 24:9 - Buka Helaga (Hiri Motu) 1993

⁹ Balaki Siporo, Moaba ena king ia toreisi, Israela taudia ia tuari henidia. Ia ese Balama Beoro ia boiria, umui do ia hadikaia totona.

IOSUA 24:9 Iomraidhean Croise

MIKA 6:5

“Lauegu bese taudia e, Moaba ena king Balaki ia ura karaia umui dekenai kara, do umui laloa lou. Bona Balama Beoro ese Balaki ia haere henia hereva danu do umui laloa. Umui durua totona lau karaia gaudia danu do umui laloa, Sitima kamepa bona Gilegala dekenai umui raka lao neganai. Unai kara badadia be lau ese lau karaia umui do lau hamauria totona. Unai kara do umui laloa, vadaeni egu kara maoromaoro do umui diba.”

NUMERA 22:2

Balaki Siporo be Moaba ena king. Ia be Israela taudia edia kara sivarai ia kamonai, Amoro taudia idia halusia, bona Israela taudia be momo herea.

GUNALAIA TAUDIA 11:17

Unai neganai Israela taudia ese hereva gwauraia taudia Edoma edia king dekenai, idia siaia, idia noia, iena tano do idia raka hanaia gwauraia. To Edoma king ese edia dala ia kehoa lasi. Ma Moaba edia king danu idia noia, to ia ese danu edia noinoi ia kamonai henia lasi. Unai dainai Israela taudia be Kadesi dekenai idia noho.

GUNALAIA TAUDIA 11:25

“Oi laloa oi ese Balaki Siporo, Moaba edia king oi hereaia, a? Ia ese nega ta Israela taudia ia tuari henidia gwauraia, a? Ia ese nega ta aiemai bese taudia ia alaia, a?