IOSUA 24:32 - Buka Helaga (Hiri Motu) 1993

³² Iosepa ena turiana, Israela taudia ese Aigupito dekena amo idia mailaia gaudia, be Sekema dekenai idia guria. Guria gabuna be Iakobo ese Hamoro dekena amo ia hoia tanona. Unai tano ena davana be siliva moni ibounai 100, bona ia be Iosepa ena tubuna taudia edia tano.

IOSUA 24:32 Iomraidhean Croise

GENESE 33:19

Unai palai rumadia ia haginia tano kahana be ia hoia Hamoro ena natuna dekena amo. Davana be siliva moni 100. Hamoro be Sekema ena tamana.

GENESE 48:22

Harihari gauna ta danu do lau henia oi, Sekema tano unai, to oiemu tadikakana ibounai be lasi. Amoro taudia dekena amo lau abia, lauegu tuari kaia bona peva ena goada dekena amo.”

GENESE 50:24

Vadaeni Iosepa ese iena kakana taudia ia hamaorodia, ia gwau, “Lauegu mase neganai ia ginidae vadaeni. To Dirava ese do ia laloa umui, bona inai tano dekena amo do ia hakaua umui, ia lao bona iena gwauhamata tano dekenai do umui ginidae. Unai tano be Dirava ese ia gwauhamata Aberahamo, bona Isako bona Iakobo dekenai do ia henia.”

GENESE 50:25

Vadaeni Iosepa ese Israela ena natuna ia hamaorodia, ia gwau, “Lau dekenai do umui gwauhamata, Dirava ese umui do ia durua neganai, lauegu turiana be inai gabu dekena amo do umui kokia, bona umui danu, lauegu turiana be unai gwauhamata tano dekenai do umui abia lao.”

ESODO 13:19

Mose ese Iosepa ena turiana be ia dekenai ia abia lao, badina be Iosepa ese guna Israela taudia dekenai taravatu ia atoa, ia gwau, “Dirava be momokani do ia durua umui dekenai, unai neganai lauegu turiana do umui abia lao inai tano dekena amo.”

IOANE 4:5

Vadaeni Samaria hanua ta dekenai ia ginidae, ladana be Sukara. Unai hanua be Iakobo ese iena natuna Iosepa dekenai ia henia tano kahirakahira.

APOSETOLO EDIA KARA 7:15

Vadaeni, Iakobo ia diho lao Aigupito dekenai, bona unai tano dekenai ia bona iseda sene taudia idia mase.

APOSETOLO EDIA KARA 7:16

Bona edia tauanina idia huaia lao Sekema dekenai, bona guria gabuna lalonai idia guria. Unai guria gabuna Aberahamo ese moni dekenai ia hoia Hamoro ena natuna dekena amo.

HEBERU 11:22

Iosepa ese Dirava ia abidadama henia dainai, ia ese kahirakahira ia mase neganai, Israela besena Aigupito do idia rakatania sivaraina ia gwauraia guna. Iena turiana do idia guria dalana danu ia gwauraia.