IOSUA 24:31 - Buka Helaga (Hiri Motu) 1993

³¹ Iosua ena mauri dinadia ibounai lalonai Israela taudia ese Lohiabada ena hesiai gaukara idia karaia. Bona Iosua ia mase murinai danu idia ese Lohiabada idia badinaia noho. Oibe, Israela taudia ese Lohiabada idia badinaia noho, ela bona edia gunalaia taudia, tau badadia, idia mase ore. Taudia unai, Iosua danu Lohiabada ese Israela ia durua karadia ibounai edia matana dekenai idia itaia.

IOSUA 24:31 Iomraidhean Croise

GENESE 14:10

Unai Sidima Koura be mai ena pisi guri momo herea. Vadaeni Sodoma ena king bona Gomora ena king be tuari dekena amo idia ura heau neganai, pisi guri lalonai idia moru. To taunimanima oredia be ororo dekenai idia heau mauri.

2 SIVARAI 24:2

Ioasa be Lohiabada ena vairana dekenai kara maoromaoro ia karaia, hahelagaia tauna Iehoiada ena mauri lagani ibounai lalonai.

2 SIVARAI 34:33

King Iosaia ese kaivakuku ibounai bona dirava koikoi edia laulau gaudia ibounai, dika rohoroho gaudia, Israela taudia edia tano dekenai idia noho gaudia, ia hadikaia ore. Iosaia ese danu ia oda henia, Israela dekenai idia noho taudia ibounai ese Lohiabada, edia Dirava ena hesiai gaukara do idia karaia. Bona Iosaia ena mauri dinadia lalonai, idia be Lohiabada, edia sene taudia edia Dirava, ena dala dekena amo idia raka siri lasi.

APOSETOLO EDIA KARA 20:29

Badina be lau diba, umui lau rakatania murinai, uda sisia dikadia umui emui huanai dohore idia mai, bona mamoe orea do idia hadikaia.

DEUTERONOMI 11:2

Hari dina Lohiabada ese umui dekenai ia hedinaraia gaudia do umui laloa noho. Lohiabada ese umui sibona dekenai inai kara badadia ia hedinaraia, emui natudia dekenai be lasi. Lohiabada emui Dirava ena matakani, iena kara badadia, bona iena siahu badana umui itaia vadaeni.

DEUTERONOMI 11:7

“Io, umui ese, emui matana dekena amo, Lohiabada ese inai kara badadia ibounai ia karaia neganai umui itaia.”

DEUTERONOMI 31:13

Edia natudia be inai Taravatu idia do diba lasi. Vadaeni do idia kamonai, bona do idia diba. Unai neganai Lohiabada, emui Dirava do idia gari henia, bona ia do idia kamonai henia, Ioridane Sinavai do umui hanaia, bona do umui abia tano dekenai do idia noho dinadia ibounai.”

DEUTERONOMI 31:29

Badina be lau diba, lau mase murinai umui be do umui kara dika, bona umui dekenai lau hadibaia hereva do umui negea. Bona dina gabeai dika be umui dekenai do ia ginidae, badina be Lohiabada ena vairana dekenai do umui kara dika, bona iena badu do umui havaraia, ia taravatua karadia umui karaia dainai.”

FILIPI 2:12

Lauegu lalokau taudia e, umui dekenai lau noho neganai lau umui kamonai henia. Vadaeni harihari umui dekenai lau noho lasi neganai danu lau do umui kamonai henia, inai be gau badana. Mai gari bona mai heudeheude danu emui hamauria do umui tahua noho.

GUNALAIA TAUDIA 2:10

Unai murinai unai uru taudia ibounai idia mase. Bona uru matamata taudia idia vara, idia be Lohiabada idia diba lasi, bona Lohiabada ena durua kara Israela taudia dekenai danu idia laloaboio momokani.

GUNALAIA TAUDIA 2:6

Iosua ese Israela taudia ia siaia, vadaeni idia ta ta edia gabu, edia gabu dekenai idia lao, edia tano idia abia totona.

GUNALAIA TAUDIA 2:7

Iosua ena mauri dinadia ibounai lalonai, Israela taudia ese Lohiabada ena hesiai gaukara idia karaia. Bona Iosua ia mase murinai danu, idia ese Lohiabada idia badinaia. Unai bamona idia karaia, ela bona edia gunalaia taudia, Lohiabada ena kara badadia Israela taudia totona idia itaia taudia, idia mase vadaeni.