IOSUA 24:27 - Buka Helaga (Hiri Motu) 1993

²⁷ Vadaeni Iosua ese Israela taudia ibounai ia hamaoroa, ia gwau, “Inai nadi be iseda uitnesi do ia lao. Inai nadi ese Lohiabada ese ita dekenai ia henia hereva ibounai ia kamonai vadaeni. Unai dainai inai nadi be iseda gwauhamata ena maka, vadaeni umui itaia negadia ibounai, be emui gwauhamata do umui laloa, emui Dirava do umui koia garina.”

IOSUA 24:27 Iomraidhean Croise

IOBU 31:23

Lau be Dirava dekenai lau gari dainai, unai bamona kara lau karaia lasi momokani.

IOBU 31:28

Inai bamona lau karaia lasi momokani, badina unai be kara dika bada, ena davana be mase. Inai kara ese Siahu Ibounai Dirava ia hadikaia noho.

AONEGA HEREVADIA 30:9

Badina bema egu aniani bona kohu momo idia noho neganai, sedira lau be inai bamona do lau gwau garina, ‘Lohiabada be daika?’ O sedira bema lau ogogami neganai do lau henaoa, bona egu Dirava ena ladana do lau hahemaraia garina.

ISAIA 1:2

Lohiabada ia gwau, “Guba bona tanobada e, lauegu hereva do umui kamonai! Lauegu natuna taudia lau ubua, bona lau hadibaia namonamo, to idia ese lau idia dagedage henia vadaeni.

ISAIA 59:13

Ai ese oi dekenai ai dagedage henia, ai ese oi ai negea vadaeni, bona aiemai Dirava ena murinai raka kara, dekena amo ai siri vadaeni. Ai ese haida ai hisihisi henidia, haida ai dagedage henidia. Aiemai kudoudia lalonai hereva koikoi ai havaraia, bona taunimanima hadikaia totona, unai hereva ai gwauraia vadaeni.

HABAKUKU 2:11

Bona unai nadi, emui tuari kohu magudia dekenai umui haginidia nadi, ese umui samania totona do idia boiboi. Emui ruma edia guhi au badadia danu ese unai bamona samania hereva do idia boiboi.

NUMERA 11:20

To hua ta ena dina ibounai be vamu do umui ania, ela bona do umui hesiku, do umui negea. Badina be Lohiabada, umui huanai ia noho Diravana, be umui gwau henia vadaeni. Ia dekenai umui maumau vadaeni, umui gwau: ‘Badina dahaka Aigupito ai rakatania?’ ”

MATAIO 10:33

To taunimanima edia vairana dekenai lau do ia gwauraia hedinarai lasi tauna be lauegu Tamana, guba dekenai ia noho, ena vairana dekenai, ia do lau gwauraia hedinarai lasi.

LUKA 19:40

To Iesu ese ia haere idia dekenai, ia gwau, “Lau hamaoroa umui dekenai, bema idia be mai regerege lasi, inai nadi do idia boiboi.”

DEUTERONOMI 30:19

“Hari dina, guba bona tanobada dekenai lau boiboi noho, idia ese umui do idia uitnesi henia. Badina lau be mauri bona mase, hanamoa kara bona hadikaia kara, umui emui vairana dekenai lau atoa, do umui abia hidi totona. Unai dainai mauri do umui abia hidi, vadaeni umui bona emui natudia do umui mauri noho.

DEUTERONOMI 31:19

“Unai dainai inai ane do oi torea. Israela taudia dekenai do oi hadibaia, vadaeni inai ane do idia abia. Bona inai ane ese Israela taudia do ia samania, lauegu vairana dekenai.

DEUTERONOMI 31:21

“Vadaeni dika momo, bona hekwarahi momo idia dekenai do idia ginidae neganai, inai ane ese idia do ia samania. Badina be idia edia natudia taudia ese inai ane do idia laloaboio lasi. Inai bese be unai tano dekenai lau ese do lau hakaua vareai lasi neganai, lau diba dahaka bona dahaka idia laloa noho, bona edena kara do idia karaia.”

DEUTERONOMI 31:26

“Inai Taravatu Buka do umui abia, Lohiabada, emui Dirava ena Taravatu Maua ena badibadinai do umui atoa. Inai Buka unuseni ia noho ese, Lohiabada ena bese taudia do ia samania noho.

DEUTERONOMI 32:1

Guba e, oi kamonai, do lau hereva, tanobada e, lauegu hereva do oi kamonai.

DEUTERONOMI 4:26

Lau ese hari dina dekenai guba ena ladana dekenai bona tanobada ena ladana dekenai umui lau hamaoroa, bema lau dekenai umui kamonai henia lasi, unai tano dekenai do umui noho daudau lasi. Oibe, Ioridane Sinavai do umui hanaia murinai umui abia tanona dekenai do umui mauri daudau lasi, to do umui mase ore.

TITO 1:16

Idia gwau Dirava idia diba, to edia kara dekena amo idia ese Dirava idia negea. Idia be dika bada, Dirava idia kamonai henia lasi, bona kara namona ta idia karaia diba lasi.

IOSUA 22:34

To Rubena bona Gado taudia ese unai boubou patana ena ladana idia atoa “Uitnesi.” Idia gwau, “Inai boubou patana be uitnesi ta ita ibounai iseda huana dekenai, Lohiabada tamona sibona be Dirava.”

IOSUA 24:28

Vadaeni Iosua ese Israela taudia ia siaia lao, idia ta ta edia tano, edia tano dekenai idia lao.

APOKALUPO 3:8

“Oiemu kara lau diba vadaeni. Lau diba oiemu siahu be bada lasi, to egu hadibaia hereva be oi badinaia vadaeni, bona egu ladana be oi hunia lasi. Iduara ta oiemu vairanai lau kehoa vadaeni, tau ta ese do ia koua diba lasi.

1 SAMUELA 7:12

Vadaeni Samuela ese nadi ta ia abia, Misipa bona Iesana edia huana dekenai ia haginia, bona unai nadi ena ladana ia atoa, Ebenesera. Ia gwau, “Lohiabada ese ita ia durua vadaeni, ia mai bona inai gabu dekenai.”