IOSUA 24:25 - Buka Helaga (Hiri Motu) 1993

²⁵ Vadaeni Iosua ese unai dina dekenai Israela taudia danu gwauhamata taravatuna ia karaia. Unai gabu, Sekema dekenai, taravatu bona oda idauidau Iosua ia henidia.

IOSUA 24:25 Iomraidhean Croise

GENESE 35:4

Vadaeni idia ese edia idau dirava bona edia taiana rini be Iakobo dekenai idia henia. Iakobo ia abidia, vadaeni Sekema kahirakahira dekenai ouki auna ta henunai ibounai ia guria.

2 KING TAUDIA 11:17

Hahelagaia tauna Iehoiada ese king Ioasa bona taunimanima dekenai ia hereva goada dainai, idia ese Lohiabada danu gwauhamata metauna idia karaia. Idia gwauhamata idia be Lohiabada ena bese taudia do idia lao momokani. Iehoiada ese danu king bona iena taunimanima edia huanai gwauhamata taravatuna ia haginia.

2 SIVARAI 15:12

Unai hebou taudia ese gwauhamata taravatuna idia gwauraia, Lohiabada, edia sene taudia edia Dirava do idia tahua momokani, mai edia kudoudia bona mai edia laumadia ibounai danu.

2 SIVARAI 15:15

Vadaeni Iuda tano dekenai noho taudia ibounai ese unai gwauhamata dekenai idia moale, badina be mai edia kudoudia ibounai danu idia gwauhamata, bona mai edia ura ibounai danu Lohiabada idia tahua vadaeni, bona idia ese ia idia davaria. Bona Lohiabada ese idia dekenai maino ia henia, edia tano kahana ibounai dekenai.

2 SIVARAI 23:16

Iehoiada ese king Ioasa bona taunimanima dekenai ia hereva goada dainai, idia ese ia danu Lohiabada danu gwauhamata taravatuna idia karaia. Idia gwauhamata idia be Lohiabada ena bese taudia do idia lao momokani.

2 SIVARAI 29:10

“Harihari lau ura ita ese Lohiabada, Israela ena Dirava danu do ita maino karaia, iena badu mai siahu bada danu, ita dekena amo do ia kokia totona.

NEHEMIA 9:38

Inai kara ibounai idia vara dainai, ita, Israela taudia ese, gwauhamata aukana ita karaia bona torea inai: Bona iseda lohia, bona iseda Levi taudia, bona iseda hahelagaia taudia ese idia saini karaia inai, do idia hamomokania totona.

ESODO 15:25

Vadaeni Mose ia noinoi goada Lohiabada dekenai, vadaeni Lohiabada ese au ta ia hedinaraia Mose dekenai, Mose ese inai au ia atoa diho ranu dekenai, vadaeni ranu ese mamina namo ia davaria. Unai gabu dekenai Lohiabada ese taravatu ia henia idia dekenai, idia edia goada do ia tohoa totona.

ESODO 24:3

Vadaeni Mose ese Lohiabada ena hereva bona iena taravatu ibounai ia hadibaia taunimanima dekenai. Israela ena taunimanima ibounai be nega tamona idia haere, idia gwau, “Ai be Lohiabada ena hereva ibounai do ai karaia.”

DEUTERONOMI 29:1

Lohiabada ena gwauhamata taravatuna herevadia be inai, Lohiabada ese Mose ia oda henia, ia ese Israela taudia danu do idia karaia gwauhamata, Moaba ena tano dekenai. Guna be Sinai Ororo dekenai gwauhamata taravatuna ta idia karaia. Hari be Moaba dekenai gwauhamata taravatuna ma ta do idia karaia, Lohiabada danu.

IOSUA 24:1

Iosua ese Israela edia iduhu ibounai ia haboua Sekema dekenai. Iduhu ibounai edia tau badadia, bona edia hanua lohia taudia, bona edia kota biagudia, bona edia gunalaia taudia ia boiridia hebou. Vadaeni Dirava ena vairanai idia gini.

IOSUA 24:26

Iosua ese unai hereva be Dirava ena Taravatu Bukana lalonai ia torea. Bona nadi badana ta ia abia, ouki auna henunai ia haginia, Lohiabada ena helaga gabuna dekenai.