IOSUA 24:23 - Buka Helaga (Hiri Motu) 1993

²³ Iosua ma ia hereva lou, ia gwau, “Vadaeni, dirava idaudia, umui emui huanai idia noho gaudia do umui negea. Bona umui emui lalona do umui giroa Lohiabada, Israela ena Dirava dekenai.”

IOSUA 24:23 Iomraidhean Croise

1 KING TAUDIA 8:57

Lohiabada, iseda Dirava, be ita danu ia noho, iseda sene taudia danu ia noho hegeregerena, ia ese ita do ia rakatania lasi, ita do ia negea lasi.

1 KING TAUDIA 8:58

Ia ese ita do ia hamanadaia ia dekenai, iena dala ibounai do ita raka, bona iena Taravatu bona oda ibounai, iseda sene taudia dekenai ia henia gaudia, be do ita badinaia.

SALAMO 119:36

Egu kudouna do oi hamanadaia, vadaeni do lau ura oiemu taravatu do lau kamonai henia. Bona unai neganai lau ese kohu bona moni do lau laloa momo lasi.

SALAMO 141:4

Lau do oi durua, vadaeni do lau ura lasi kara dika do lau karaia, bona lau do oi naria, vadaeni kara dika taudia danu do lau haboua lasi, kara dika karaia totona. Edia aniani pata dekena amo lau do oi hakaua siri.

SALAMO 81:10

Lau sibona be Lohiabada, emui Dirava. Aigupito dekena amo umui lau hakaua mai. Umui ese emui uduna do umui kehoa, bona lau ese umui do lau ubua.

ESODO 20:23

Siliva dirava o golo dirava do umui karaia lasi, lau danu nega tamona umui tomadiho henidia totona.

AONEGA HEREVADIA 2:2

Aonega herevadia do oi kamonai, bona oiemu kudouna ese laloa kehoa do ia ura henia.

HOSEA 14:8

Israela taudia ese dirava koikoi, be do idia tomadiho henia lasi. Lau tamona sibona ese edia guriguri do lau kamonai, bona idia do lau naria. Lau be au namona, iena rau idia moru lasi bamona. Israela taudia ese lauegu henunai do idia noho, mai mauri namona danu. Namo idia davaria gaudia ibounai, edia badina be lau inai.”

IOSUA 24:14

Ma Iosua ia gwau, “Unai dainai, Lohiabada do umui gari henia, iena hesiai gaukara do umui karaia, mai emui momokani, bona mai emui laloa maoromaoro danu. Unai dirava koikoidia, emui sene taudia Mesopotamia bona Aigupito dekenai idia tomadiho henia diravadia do umui negea, bona Lohiabada sibona mo ena hesiai gaukara do umui karaia.