IOSUA 24:20 - Buka Helaga (Hiri Motu) 1993

²⁰ Bema Lohiabada umui rakatania bona dirava idaudia edia hesiai gaukara umui karaia neganai, ia ese iena hanamoa kara umui dekenai do ia hadokoa, bona ia ese umui do ia hadikaia, bona umui do ia alaia ore.”

IOSUA 24:20 Iomraidhean Croise

1 SIVARAI 28:8

Ma Davida ia gwau, “Unai dainai harihari Israela taudia ibounai, Lohiabada ena orea taudia edia vairanai, bona Dirava ena vairanai, Lohiabada, emui Dirava ena oda ibounai do umui badinaia, bona do umui tahua, vadaeni inai tano namona do umui abia noho, emui tano. Bona inai tano be emui natudia bona edia natudia danu, uru ibounai, do idia dogoatao noho, ela bona hanaihanai.”

1 SIVARAI 28:9

Ma Davida ese Solomona ia hamaoroa, ia gwau, “Egu natuna e, oiemu tamana ena Dirava dekenai do oi manada momokani, bona iena hesiai gaukara do oi karaia mai oiemu kudouna ibounai, bona mai oiemu lalona tamona danu. Dirava ese iseda laloa ibounai bona iseda ura ibounai ia diba. Bema oi ese Lohiabada oi tahua, ia ese oi do ia abia dae, to bema ia dekena amo oi raka siri, ia ese oi do ia rakatania ela bona hanaihanai.

2 SIVARAI 15:2

vadaeni Asa hedavari totona ia raka lao. Ia hereva henia, ia gwau, “Asa e, bona Iuda bona Beniamina taudia ibounai e, lau dekenai do umui kamonai! Umui be Lohiabada dekenai umui noho neganai, ia ese umui dekenai danu ia noho. Bema Lohiabada umui tahua, umui ese do umui davaria. To bema umui rakatania, ia ese umui do ia rakatania.

ESERA 8:22

Sedira bema Parasa king lau noia neganai, ia ese tuari taudia bona hosi guia taudia ai danu do ia siaia, ai hadikaia gwauraia taudia dekena amo do idia gimaia totona. To ia dekenai noia totona lau hemarai, badina ai ese nega ta king ai hamaoroa, ai gwau, “Aiemai Dirava ese ia dekenai idia abidadama henia taudia ia hanamodia noho, to ia dekena amo idia raka siri taudia dekenai ia badu, mai siahu danu.”

SALAMO 89:31

o bema egu hadibaia hereva idia badinaia lasi, bona egu taravatu idia kamonai henia lasi neganai,

ISAIA 1:28

To dagedage taudia, bona kara dika taudia ibounai, be Lohiabada ese do ia hadikaia ore. Bona ia ese ia idia rakatania taudia ibounai, be do ia alaia ore.

ISAIA 63:10

To idia ese ia dekenai idia dagedage dainai iena lalona ia hisihisi. Unai dainai Lohiabada ese idia ia dagedage henia, bona ia ese idia ia tuari henia.

IEREMIA 17:13

Lohiabada e, Israela ena namo badina e, oi idia rakatania taudia ibounai ese, hemarai do idia davaria. Oi dekena amo idia raka siri taudia edia ladadia, be tanobada sibona dekenai do idia torea. Badina be Lohiabada, mauri ranu ena lohilohi gabuna, idia rakatania vadaeni.

ESEKIELA 18:24

“To bema kara maoromaoro tauna ta ese iena kara maoromaoro ia rakatania, bona kara dikadia momokani idauidau, tau dikadia idia karaia noho gaudia, ia karaia neganai, ia be do ia mauri noho, a? Lasi. Iena kara namodia ibounai be Kota Badana lalonai do idia laloaboio momokani, bona iena koikoi kara bona iena kara dika dainai ia be do ia mase.

APOSETOLO EDIA KARA 7:42

Inai dainai Dirava ese idia ia rakatania, guba ena hisiu do idia tomadiho henia totona, peroveta taudia edia buka lalonai ia torea bamona, ia gwau: ‘Israela taudia e, lagani 40 taunimanima lasi gabunai boromakau umui aladia, boromakau bona boubou gaudia lauegu vairana dekenai umui atoa, a?

DEUTERONOMI 4:25

“Umui be unai tano dekenai nega daudau do umui noho neganai, bona emui natudia bona tubudia idia vara, do umui naria namonamo noho, kara dika do umui karaia garina, bona gau ta ena laulauna do umui karaia garina. Badina be Lohiabada ena vairana dekenai inai kara be dika momokani, bona ia be do ia badu.

DEUTERONOMI 4:26

Lau ese hari dina dekenai guba ena ladana dekenai bona tanobada ena ladana dekenai umui lau hamaoroa, bema lau dekenai umui kamonai henia lasi, unai tano dekenai do umui noho daudau lasi. Oibe, Ioridane Sinavai do umui hanaia murinai umui abia tanona dekenai do umui mauri daudau lasi, to do umui mase ore.

HEBERU 10:38

To lauegu kara maoromaoro taudia, be edia abidadama dainai do idia mauri. Bona lauegu dala ia rakatania tauna, do lau moale lasi ia dekenai.”

IOSUA 24:21

Vadaeni Israela taudia ese Iosua dekenai idia haere, idia gwau, “Lasi momokani, ai be Lohiabada ena hesiai gaukara do ai karaia.”

1 SAMUELA 12:15

To bema Lohiabada umui kamonai henia lasi, bona bema iena oda hereva umui utua neganai, ia ese umui bona emui king do ia durua lasi.

1 SAMUELA 12:25

To bema kara dika umui karaia noho neganai, Lohiabada ese umui bona emui king do ia hadikaia ore.”