IOSUA 24:2 - Buka Helaga (Hiri Motu) 1993

² Bona Iosua ese taunimanima ibounai dekenai ia hereva, ia gwau, “Lohiabada, Israela ena Dirava be inai bamona ia hereva, ia gwau: Umui emui sene taudia edia nega dekenai, Tera, Aberahamo bona Nahoro edia tamana, be Euperate Sinavai unai kahana dekenai ia noho. Unuseni idia ese dirava idaudia dekenai idia tomadiho henidia.

IOSUA 24:2 Iomraidhean Croise

GENESE 11:22

Seruga ena mauri lagani be 30 neganai, ia ese Nahoro ia havaraia.

GENESE 11:24

Nahoro ena mauri lagani be 29 neganai ia ese Tera ia havaraia.

GENESE 11:26

Tera ena mauri lagani be 70 murinai, ia ese Aberamo bona Nahoro bona Harana ia havaraia.

GENESE 11:27

Tera ena natuna bona iena tubuna be inai: Tera ese Aberamo bona Nahoro bona Harana ia havaraia. Harana ese Lota ia havaraia.

GENESE 31:19

Unai neganai Labana be iena mamoe edia huina utua totona ia lao. Vadaeni Rahela ese iena tamana ena dirava edia laulauna ia henaoa,

GENESE 31:30

Harihari oiemu tamana ena ruma, oi ura henia bada gabuna dekenai dohore oi lao, to dahaka totona lauegu dirava edia laulauna oi henaoa?”

GENESE 31:32

To oiemu dirava edia laulauna be daika dekenai do oi davaria, ia be do ia mase, iseda varavara edia vairana dekenai oiemu oi tahua, do oi abia.” Badina Iakobo be ia diba lasi Rahela ese ia abia.

GENESE 31:53

Aberahamo ena Dirava, Nahoro ena Dirava, idia edia tamana ena Dirava danu, ia ese kota do ia karaia oi bona lau ita huanai.” Vadaeni Iakobo be iena tamana Isako ese ia gari henia Diravana ena ladana dekenai ia gwauhamata.

GENESE 35:4

Vadaeni idia ese edia idau dirava bona edia taiana rini be Iakobo dekenai idia henia. Iakobo ia abidia, vadaeni Sekema kahirakahira dekenai ouki auna ta henunai ibounai ia guria.

1 SIVARAI 1:27

Aberamo (ena ladana ta be Aberahamo).

ISAIA 51:2

Emui tamana Aberahamo do umui laloa, bona umui ia havaraia hahine, Sara, danu do umui laloa. Badina Aberahamo be natuna ta lasi neganai lau boiria, bona lau hanamoa, iena bese momo herea lau henia.

ESEKIELA 16:3

Do oi gwau: Lohiabada Dirava ese Ierusalema dekenai inai bamona ia hereva, ia gwau: Oiemu hamatamaia bona oiemu vara be Kanana taudia edia tano dekenai. Oiemu tamana be Amoro tauna, bona oiemu sinana be Hiti hahine.

LUKA 3:34

Iuda be Iakobo ena natuna. Iakobo be Isako ena natuna. Isako be Aberahamo ena natuna. Aberahamo be Tera ena natuna. Tera be Nahoro ena natuna.

DEUTERONOMI 26:5

Vadaeni Lohiabada oiemu Dirava ena vairana dekenai do oi hereva, do oi gwau, ‘Lauegu sene tauna be Arama tauna, laolao tauna, ia bona ena famili danu be Aigupito dekenai idia lao, iena hanua be lasi dainai. Aigupito dekenai idia ginidae neganai idia be momo lasi, to unuseni lauegu sene tauna ese bese badana bona goadana ia havaraia.

IOSUA 24:15

To bema Lohiabada ena hesiai gaukara dekenai umui daradara neganai, hari dina do umui abia hidi be namo. Edena dirava ena hesiai gaukara do umui karaia? Sedira emui sene taudia Mesopotamia dekenai idia tomadiho henia diravadia, o Amoro taudia edia dirava, inai hari umui noholaia tanona ena dirava, a? To lau, bona lauegu famili taudia, ai ese Lohiabada sibona ena hesiai gaukara do ai karaia.”